ਚੰਡੀਗੜ੍ਹ: ਪੰਜਾਬ ਵਿੱਚ ਕੋਰੋਨਾ ਦੇ ਮਰੀਜ਼ਾਂ ਦੀ ਗਿਣਤੀ ਵੱਧਦੀ ਹੀ ਜਾ ਰਹੀ ਹੈ। ਸੋਮਵਾਰ ਸਵੇਰੇ ਮੁਹਾਲੀ ਜ਼ਿਲ੍ਹੇ ਦੇ ਨਯਾਗਾਂਵ ਇਲਾਕੇ ਵਿੱਚ ਕੋਰੋਨਾ ਦਾ ਨਵਾਂ ਕੇਸ ਮਿਲਨ ਨਾਲ ਦਹਿਸ਼ਤ ਦਾ ਮਾਹੌਲ ਬਣ ਗਿਆ। ਪਾਜ਼ਿਟਿਵ ਪਾਏ ਗਏ 65 ਸਾਲ ਦਾ ਬੁਜ਼ੁਰਗ ਦਾ ਪੀਜੀਆਈ ਚੰਡੀਗੜ੍ਹ ਵਿੱਚ ਇਲਾਜ ਚੱਲ ਰਿਹਾ ਹੈ। ਬੁਜ਼ੁਰਗ ਵਿੱਚ ਕੋਰੋਨਾ ਦੀ ਪੁਸ਼ਟੀ ਹੁੰਦੇ ਹੀ ਪੀਜੀਆਈ ਤੋਂ ਲੈ ਕੇ ਚੰਡੀਗੜ੍ਹ ਸੈਕਟਰ – 16 ਸਥਿਤ ਜੀਐੱਮਐੱਸਐੱਚ ਪ੍ਰਸ਼ਾਸਨ ਤਕ ਪਰੇਸ਼ਾਨ ਹੋ ਗਿਆ ਕਿਉਂਕਿ ਬੁਜ਼ੁਰਗ ਵਿੱਚ ਪਹਿਲਾਂ ਕੋਰੋਨਾ ਦੇ ਲੱਛਣ ਨਹੀਂ ਵਿਖੇ ਸਨ ਅਤੇ ਉਸਦਾ ਇਲਾਜ ਆਮ ਦੀ ਤਰ੍ਹਾਂ ਹੀ ਚੱਲ ਰਿਹਾ ਸੀ।
ਕੋਰੋਨਾ ਦੀ ਪੁਸ਼ਟੀ ਦੇ ਬਾਅਦ ਤੁਰੰਤ ਪੀਜੀਆਈ ਪ੍ਰਸ਼ਾਸਨ ਨੇ ਮਰੀਜ਼ ਦੇ ਸੰਪਰਕ ਵਿੱਚ ਆਏ 36 ਸਟਾਫ ਨੂੰ ਕਵਾਰੰਟੀਨ ਕਰ ਦਿੱਤਾ ਹੈ। ਇਨ੍ਹਾਂ ਵਿੱਚ 5 ਡਾਕਟਰ, 22 ਨਰਸਿੰਗ ਸਟਾਫ , 5 ਸੈਨਿਟੇਸ਼ਨ ਅਟੈਂਡੇੈਂਟ ਅਤੇ 4 ਹਾਸਪਤਾਲ ਦੇ ਅਟੈਂਡੈਂਟ ਸ਼ਾਮਲ ਹਨ। ਉੱਥੇ ਹੀ, ਜੀਐੱਮਐਸਏਚ ਦੇ ਮੈਡਿਸਿਨ ਡਿਪਾਰਟਮੈਂਟ ਦੇ ਪੰਜ ਡਾਕਟਰਾਂ ਸਣੇ ਦੋ ਐਮਰਜੈਂਸੀ ਮੈਡੀਕਲ ਅਫਸਰ, ਇੱਕ ਰੇਡੀਓਗਰਾਫਰ ਅਤੇ ਇੱਕ ਸਟਾਫ ਨਰਸ ਨੂੰ ਵੀ ਕਵਾਰੰਟੀਨ ਕਰ ਦਿੱਤਾ ਗਿਆ ਹੈ ।
ਜਾਣਕਾਰੀ ਮੁਤਾਬਕ 65 ਸਾਲ ਦਾ ਬਜ਼ੁਰਗ ਮਰੀਜ਼ ਨੂੰ ਸਾਹ ਵਿੱਚ ਤਕਲੀਫ ਹੋਣ ‘ਤੇ 26 ਮਾਰਚ ਨੂੰ ਦੂੱਜੇ ਲੱਛਣਾਂ ਦੇ ਆਧਾਰ ‘ਤੇ ਪੀਜੀਆਈ ਵਿੱਚ ਭਰਤੀ ਕੀਤਾ ਗਿਆ ਸੀ ਪਰ ਹੌਲੀ – ਹੌਲੀ ਕੋਰੋਨਾ ਦੇ ਲੱਛਣ ਸਾਹਮਣੇ ਆਉਣ ‘ਤੇ ਉਸਦੀ 29 ਮਾਰਚ ਨੂੰ ਕੋਰੋਨਾ ਦੀ ਜਾਂਚ ਕਰਾਈ ਗਈ। ਜਿਸਦੀ ਰਿਪੋਰਟ ਪਾਜ਼ਿਟਿਵ ਆਈ ਹੈ । ਇਹ ਮਰੀਜ਼ ਪੀਜੀਆਈ ਆਉਣ ਤੋਂ ਪਹਿਲਾਂ ਸੇਕਟਰ – 16 ਸਥਿਤ ਜੀਐੱਮਐੱਸਐੱਚ ਵਿੱਚ ਵੀ ਦੋ ਵਾਰ ਗਿਆ ਸੀ।
ਹੁਣ ਦੋਵਾਂ ਹਸਪਤਾਲਾਂ ਵਿੱਚ ਹੋਰ ਲੋਕਾਂ ਨੂੰ ਸੰਕਰਮਣ ਤੋਂ ਬਚਾਉਣ ਦੀ ਕਵਾਇਦ ਸ਼ੁਰੂ ਕਰ ਦਿੱਤੀ ਗਈ ਹੈ। ਉੱਧਰ, ਬਜ਼ੁਰਗ ਮਰੀਜ਼ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੁਣ ਤੱਕ ਮਰੀਜ ਦੀ ਨਾਂ ਤਾਂ ਟਰੈਵਲ ਹਿਸਟਰੀ ਪਤਾ ਲੱਗੀ ਹੈ ਅਤੇ ਨਾਂ ਹੀ ਇਹ ਪਤਾ ਲੱਗਿਆ ਹੈ ਕਿ ਹਸਪਤਾਲ ਆਉਣ ਤੋਂ ਪਹਿਲਾਂ ਉਹ ਕਿੰਨੇ ਲੋਕਾਂ ਦੇ ਸੰਪਰਕ ਵਿੱਚ ਆਇਆ ਸੀ। ਪ੍ਰਸ਼ਾਸਨ ਨੇ ਸਾਵਧਾਨੀ ਦੇ ਤੌਰ ਉੱਤੇ ਨਯਾਗਾਂਵ ਸਣੇ ਪੂਰੇ ਜ਼ਿਲ੍ਹੇ ਨੂੰ ਸੀਲ ਕਰ ਦਿੱਤਾ ਹੈ। ਨਯਾਗਾਂਵ ਤੋਂ ਸੰਕਰਮਿਤ ਬਜ਼ੁਰਗ ਦੇ ਪਰਿਵਾਰ, ਮਕਾਨ ਮਾਲਿਕ ਅਤੇ ਹੋਰ ਕਿਰਾਏਦਾਰਾਂ ਦੇ 12 ਬਲਡ ਸੈਂਪਲ ਲੈ ਲਏ ਗਏ ਹਨ।
- Advertisement -
ਮੋਹਾਲੀ ਦੇ ਸਿਵਲ ਸਰਜਨ ਡਾ . ਮਨਜੀਤ ਸਿੰਘ ਦੇ ਮੁਤਾਬਕ , ਮਰੀਜ਼ ਪੰਜਾਬ ਪੁਲਿਸ ਦਾ ਰਿਟਾਇਰਡ ਕਰਮਚਾਰੀ ਹੈ ਅਤੇ ਉਹ ਪਹਿਲਾਂ ਤੋਂ ਹੀ ਲੰਗਸ ਇੰਫੈਕਸ਼ਨ ਦਾ ਸ਼ਿਕਾਰ ਸੀ । ਉਹ ਆਪਣੀ ਪਤਨੀ , ਬੇਟੇ , ਬਹੂ ਅਤੇ ਪੋਤੀ ਦੇ ਨਾਲ ਪਿਛਲੇ ਦੋ ਸਾਲ ਤੋਂ ਨਯਾਗਾਓਂ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿ ਰਿਹਾ ਸੀ । ਇਸ ਨਵੇਂ ਕੇਸ ਦੇ ਮਿਲਣ ਤੋਂ ਬਾਅਦ ਮੁਹਾਲੀ ਵਿੱਚ ਕੋਰੋਨਾ ਦੇ ਮਰੀਜ਼ਾਂ ਦੀ ਗਿਣਤੀ 7 ਹੋ ਗਈ ਹੈ ।
