ਵਾਸ਼ਿੰਗਟਨ: ਵੈਕਸੀਨ ਨਿਰਮਾਤਾ Novavax ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਉਨ੍ਹਾਂ ਦਾ ਟੀਕਾ ਕੋਵਿਡ-19 ਖ਼ਿਲਾਫ਼ ਬਹੁਤ ਪ੍ਰਭਾਵੀ ਹੈ ਤੇ ਇਹ ਵਾਇਰਸ ਦੇ ਹਰ ਵੇਰੀਐਂਟ ਖ਼ਿਲਾਫ਼ ਸੁਰੱਖਿਆ ਦਿੰਦਾ ਹੈ। ਇਹ ਗੱਲ ਅਮਰੀਕਾ ਅਤੇ ਮੈਕਸੀਕੋ ‘ਚ ਕੀਤੇ ਗਏ ਵੱਡੇ ਤੇ ਆਖ਼ਰੀ ਪੜਾਅ ਦੇ ਅਧਿਐਨ ਵਿੱਚ ਸਾਹਮਣੇ ਆਈ ਹੈ। ਕੰਪਨੀ ਨੇ ਕਿਹਾ ਕਿ ਟੀਕਾ ਕੁੱਲ ਮਿਲਾ ਕੇ ਲਗਭਗ 90 ਫ਼ੀਸਦੀ ਅਸਰਦਾਰ ਹੈ ਤੇ ਸ਼ੁਰੂਆਤੀ ਅੰਕੜੇ ਦੱਸਦੇ ਹਨ ਕਿ ਇਹ ਸੁਰੱਖਿਅਤ ਵੀ ਹੈ।
ਕੰਪਨੀ ਨੇ ਦੱਸਿਆ ਕਿ ਉਨ੍ਹਾਂ ਦੀ ਯੋਜਨਾ ਸਤੰਬਰ ਦੇ ਅਖੀਰ ਤੱਕ ਅਮਰੀਕਾ, ਯੂਰਪ ਤੇ ਹੋਰ ਥਾਵਾਂ ‘ਤੇ ਟੀਕੇ ਦੇ ਇਸਤੇਮਾਲ ਲਈ ਮਨਜ਼ੂਰੀ ਲੈਣ ਦੀ ਹੈ ਤੇ ਉਦੋਂ ਤੱਕ ਉਹ ਇੱਕ ਮਹੀਨੇ ਵਿੱਚ 10 ਕਰੋੜ ਖ਼ੁਰਾਕਾਂ ਬਣਾ ਸਕਣਗੇ।
Today, Novavax is excited to announce results of our PREVENT-19 Phase 3 #clinicaltrial in the US & Mexico, evaulating the safety and efficacy of NVX-CoV2373, our investigational #COVI19 #vaccine candidate. Thread: pic.twitter.com/ZuTEBO18wB
— Novavax (@Novavax) June 14, 2021
NEW DATA RELEASE: Novavax #COVID19 Vaccine Demonstrates 90% Overall Efficacy and 100% Protection Against Moderate and Severe Disease in PREVENT-19 Phase 3 Trial https://t.co/lIOiQXxDtD pic.twitter.com/4ePHxDpziZ
— Novavax (@Novavax) June 14, 2021
ਹਾਲਾਂਕਿ ਅਮਰੀਕਾ ਵਿੱਚ ਕੋਰੋਨਾ ਰੋਕੂ ਵੈਕਸੀਨ ਦੀ ਮੰਗ ਵਿੱਚ ਕਮੀ ਦਰਜ ਕੀਤੀ ਗਈ ਹੈ ਪਰ ਦੁਨੀਆ ਭਰ ਵਿਚ ਵੈਕਸੀਨ ਦੀ ਫਿਲਹਾਲ ਬਹੁਤ ਜ਼ਰੂਰਤ ਹੈ। ਇਸ ਤੋਂ ਇਲਾਵਾ Novavax ਟੀਕੇ ਨੂੰ ਰੱਖਣਾ ਤੇ ਲੈ ਕੇ ਜਾਣਾ ਆਸਾਨ ਹੈ ਤੇ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਹ ਵਿਕਾਸਸ਼ੀਲ ਦੇਸ਼ਾਂ ਵਿਚ ਵੈਕਸੀਨ ਦੀ ਘਾਟ ਨੂੰ ਪੂਰਾ ਕਰਨ ਲਈ ਅਹਿਮ ਕਿਰਦਾਰ ਨਿਭਾਵੇਗਾ।
ਰਿਪੋਰਟਾਂ ਮੁਤਾਬਕ ਅਮਰੀਕਾ ਦੀ ਅੱਧੀ ਤੋਂ ਜ਼ਿਆਦਾ ਆਬਾਦੀ ਕੋਰੋਨਾ ਵੈਕਸੀਨ ਦੀ ਘੱਟੋ-ਘੱਟ ਇੱਕ ਖੁਰਾਕ ਲੈ ਚੁੱਕੀ ਹੈ, ਜਦਕਿ ਵਿਕਾਸਸ਼ੀਲ ਦੇਸ਼ਾਂ ਵਿੱਚ ਇੱਕ ਫ਼ੀਸਦੀ ਤੋਂ ਵੀ ਘੱਟ ਲੋਕਾਂ ਨੇ ਵੈਕਸੀਨ ਦੀ ਇੱਕ ਖੁਰਾਕ ਲਈ ਹੈ।
