ਨਿਊਜ਼ ਡੈਸਕ: ਅਸਮਾਨ ਵਿੱਚ ਅਕਸਰ ਹੈਰਾਨੀਜਨਕ ਘਟਨਾਵਾਂ ਦੇਖਣ ਨੂੰ ਮਿਲਦੀਆਂ ਹਨ। ਕੁਦਰਤ ‘ਚ ਐਨੀ ਤਾਕਤ ਹੈ ਕਿ ਉਹ ਪਲਾਂ ਵਿੱਚ ਸਭ ਕੁਝ ਬਦਲ ਦਿੰਦੀ ਹੈ। ਕਈ ਵਾਰ ਅਜਿਹੀਆਂ ਕੁਦਰਤੀ ਘਟਨਾਵਾਂ ਵਾਪਰ ਜਾਂਦੀਆਂ ਹਨ ਜੋ ਲੋਕਾਂ ਨੂੰ ਹੈਰਾਨ ਕਰ ਦਿੰਦੀਆਂ ਹਨ। ਬੁਲਗਾਰੀਆ ‘ਚ ਐਤਵਾਰ ਨੂੰ ਅਜਿਹੀ ਹੀ ਇਕ ਘਟਨਾ ਵਾਪਰੀ, ਜਿਸ ਨੂੰ ਦੇਖ ਕੇ ਲੋਕ ਡਰ ਗਏ।
ਅਸਮਾਨ ਅਚਾਨਕ ਸੁਰਖ ਲਾਲ ਹੋ ਗਿਆ, ਜਿਸ ਨੂੰ ਦੇਖ ਕੇ ਜ਼ਿਆਦਾਤਰ ਲੋਕ ਡਰ ਗਏ। ਹਾਲਾਂਕਿ ਕੁਝ ਲੋਕ ਇਸ ਅਜੀਬ ਘਟਨਾ ਦਾ ਕਾਰਨ ਸਮਝ ਗਏ। ਲੋਕਾਂ ਨੇ ਇਸ ਦੀਆਂ ਕਈ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਹਨ। ਅਸਲ ਵਿੱਚ ਇਹ Northern lights ਸੀ ਜੋ ਬਹੁਤ ਸਾਰੇ ਦੇਸ਼ਾਂ ਵਿੱਚ ਦਿਖਾਈ ਦਿੰਦੀ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਉੱਤਰੀ ਧਰੁਵ ਦੇ ਨੇੜੇ ਦਿਖਾਈ ਦਿੰਦੀਆਂ ਹਨ।
Meteo Balkans ਦੇ ਅਨੁਸਾਰ, ਇਹ ਸਭ ਤੋਂ ਪਹਿਲਾਂ ਬੁਲਗਾਰੀਆ ਦੇ ਉੱਤਰ ਪੂਰਬ ਵਿੱਚ ਐਤਵਾਰ ਨੂੰ ਨਜ਼ਰ ਆਈਆਂ ਤੇ ਫਿਰ ਬਾਲਕਨ ਦੇਸ਼ ਦੇ ਹਰ ਕੋਨੇ ਵਿੱਚ ਫੈਲ ਗਈਆਂ। ਕੁਝ ਲੋਕਾਂ ਨੇ ਬੁਲਗਾਰੀਆ ਦੇ ਅਸਮਾਨ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸਾਂਝੀਆਂ ਕੀਤੀਆਂ ਅਤੇ ਲਿਖਿਆ ਕਿ ਇਹ “ਅਪੋਕੈਲਿਪਟਿਕ” ਅਤੇ “ਡਰਾਉਣੀ” ਹੈ। ਇਸ ਲਈ ਕੁਝ ਲੋਕਾਂ ਨੇ ਇਸ ਨੂੰ ਬਹੁਤ ਖੂਬਸੂਰਤ ਦੱਸਿਆ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਕ ਨਾਰਦਰਨ ਲਾਈਟਸ ਰੋਮਾਨੀਆ, ਹੰਗਰੀ, ਚੈੱਕ ਗਣਰਾਜ ਅਤੇ ਯੂਕਰੇਨ ਵਿੱਚ ਵੀ ਦੇਖੀਆਂ ਗਈਆਂ ਹਨ। ਇਸ ਦੇ ਨਾਲ ਹੀ ਪੋਲੈਂਡ ਅਤੇ ਸਲੋਵਾਕੀਆ ਦੀਆਂ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। ਇਸ ਤੋਂ ਪਹਿਲਾਂ ਸ਼ਨੀਵਾਰ ਦੀ ਰਾਤ ਨੂੰ, ਯੂਨਾਈਟਿਡ ਕਿੰਗਡਮ ਵਿੱਚ ਇੱਕ ਚਮਕਦਾਰ ਹਰਾ ਅਤੇ ਲਾਲ ਅਰੋਰਾ ਵੀ ਦੇਖਿਆ ਗਿਆ ਸੀ। ਇਸ ਸਾਲ ਦੇ ਸ਼ੁਰੂ ਵਿੱਚ ਭਾਰਤ ਵਿੱਚ ਉੱਤਰੀ ਲਾਈਟਾਂ ਨੂੰ ਪਹਿਲੀ ਵਾਰ ਦੇਖਿਆ ਗਿਆ ਸੀ। ਇਹ ਦੁਰਲੱਭ ਘਟਨਾ ਲੱਦਾਖ ਵਿੱਚ ਕੈਦ ਹੋਈ ਹੈ। ਔਰੋਰਾ ਬੋਰੇਲਿਸ (Northern lights) ਨੇ ਸਦੀਆਂ ਤੋਂ ਮਨੁੱਖਾਂ ਨੂੰ ਆਕਰਸ਼ਤ ਕੀਤਾ ਹੈ।
