ਇਰਾਨ ਦੇ ਹਿਜਾਬ ਵਿਰੋਧ ਅੰਦੋਲਨ ‘ਚ ਨੋਇਡਾ ਦੀ ਸਮਰਥਨ ਔਰਤ ਨੇ ਕੱਟੇ ਆਪਣੇ ਵਾਲ

ਨਿਊਜ਼ ਡੈਸਕ:  ਇਰਾਨ ਤੋਂ ਸ਼ੁਰੂ ਹੋਈ ਹਿਜਾਬ ਦੀ ਲੜਾਈ ਹੁਣ ਭਾਰਤ ਤੱਕ ਪਹੁੰਚ ਗਈ ਹੈ। ਔਰਤਾਂ ‘ਤੇ ਲਗਾਤਾਰ ਹੋ ਰਹੇ ਅੱਤਿਆਚਾਰ ਦੇ ਵਿਰੋਧ ‘ਚ ਬਣਾਈਆਂ ਗਈਆਂ ਵੀਡੀਓਜ਼ ਹੁਣ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ। ਈਰਾਨ ਦੀ ਮਹਸਾ ਅਮੀਨੀ ਦੀ ਮੌਤ ਦਾ ਵਿਰੋਧ ਨੋਇਡਾ ਵਿੱਚ ਵੀ ਦੇਖਣ ਨੂੰ ਮਿਲਿਆ ਹੈ।

ਨੋਇਡਾ ਦੇ ਸੈਕਟਰ 15ਏ ਦੀ ਰਹਿਣ ਵਾਲੀ ਡਾਕਟਰ ਅਨੁਪਮਾ ਭਾਰਦਵਾਜ ਨੇ ਇਕ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤੀ ਹੈ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ‘ਚ ਡਾਕਟਰ ਅਨੁਪਮਾ ਭਾਰਦਵਾਜ ਆਪਣੇ ਵਾਲ ਕੱਟਦੀ ਨਜ਼ਰ ਆ ਰਹੀ ਹੈ।

ਡਾ: ਅਨੁਪਮਾ ਨੇ ਕਿਹਾ ਹੈ ਕਿ ਅਸੀਂ 21ਵੀਂ ਸਦੀ ‘ਚ ਹਾਂ। ਔਰਤਾਂ ਹਰ ਖੇਤਰ ਵਿੱਚ ਅੱਗੇ ਵੱਧ ਰਹੀਆਂ ਹਨ ਅਤੇ ਦੂਜੇ ਪਾਸੇ ਅਜਿਹੇ ਮਾਮਲੇ ਸਾਹਮਣੇ ਆ ਰਹੇ ਹਨ। ਇਹ ਘਟਨਾਵਾਂ ਦੁਖਦਾਈ ਹਨ। ਅੱਜ ਅਸੀਂ ਕਿਸੇ ਧਰਮ ਜਾਂ ਮਜ਼ਹਬ ਦੀ ਗੱਲ ਨਹੀਂ ਕਰ ਰਹੇ। ਇਹ ਔਰਤਾਂ ਦੇ ਅਧਿਕਾਰਾਂ ਬਾਰੇ ਹੈ। ਦੇਸ਼ ਵਿੱਚ ਵੀ ਔਰਤਾਂ ਦੇ ਸਾਹਮਣੇ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਹਨ। ਉਨ੍ਹਾਂ ਬਾਰੇ ਗੱਲ ਕਰਨ ਦੀ ਲੋੜ ਹੈ।

ਦਰਅਸਲ ਈਰਾਨ ‘ਚ 18 ਦਿਨਾਂ ਤੋਂ ਹਿਜਾਬ ਖਿਲਾਫ ਚੱਲ ਰਿਹਾ ਅੰਦੋਲਨ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਹੁਣ ਇਸ ਧਰਨੇ ਵਿੱਚ ਹਾਈ ਸਕੂਲ ਦੀਆਂ ਵਿਦਿਆਰਥਣਾਂ ਵੀ ਸ਼ਾਮਲ ਹੋ ਗਈਆਂ ਹਨ। ਈਰਾਨ ‘ਚ ਵੱਡੀ ਗਿਣਤੀ ‘ਚ ਲੜਕੀਆਂ ਸਰਕਾਰ ਖਿਲਾਫ ਇਸ ਪ੍ਰਦਰਸ਼ਨ ‘ਚ ਸ਼ਾਮਲ ਹੋਈਆਂ ਹਨ।