Mumps Disease: ਰਾਸ਼ਟਰੀ ਰਾਜਧਾਨੀ ਦੇ ਹਸਪਤਾਲਾਂ ਵਿੱਚ Mumps ਜਿਹਨਾਂ ਨੂੰ ਕੰਨ ਪੇੜੇ ਵੀ ਕਿਹਾ ਜਾਂਦਾ ਹੈ ਦੇ ਮਰੀਜ਼ਾਂ ਦੀ ਗਿਣਤੀ ਵਿੱਚ ਕਾਫ਼ੀ ਵਾਧਾ ਹੋ ਰਿਹਾ ਹੈ। ਇਹ ਬਹੁਤ ਛੇਤੀ ਇੱਕ ਦੂਜੇ ਤੋਂ ਫੈਲਣ ਵਾਲਾ ਵਾਇਰਲ ਹੈ। ਰਿਪੋਰਟ ਅਨੁਸਾਰ ਪਿਛਲੇ ਦੋ ਮਹੀਨਿਆਂ ਦੌਰਾਨ ਸ਼ਹਿਰ ਦੇ ਹਸਪਤਾਲਾਂ ਵਿੱਚ Mumps ਦੇ 5 ਤੋਂ 6 ਮਾਮਲੇ ਸਾਹਮਣੇ ਆਏ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਕੋਵਿਡ ਮਹਾਮਾਰੀ ਕਾਰਨ ਟੀਕਾਕਰਨ ਦਰਾਂ ‘ਚ ਆਈ ਗਿਰਾਵਟ ਇਸ ਵਾਧੇ ਦਾ ਵੱਡਾ ਕਾਰਨ ਹੋ ਸਕਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜ਼ਿਆਦਾਤਰ ਮਰੀਜ਼ 6-7 ਸਾਲ ਦੀ ਉਮਰ ਦੇ ਬੱਚੇ ਹਨ। ਇਸ ਤੋਂ ਇਲਾਵਾ 18 ਤੋਂ 25 ਸਾਲ ਦੀ ਉਮਰ ਦੇ ਨੌਜਵਾਨ ਵੀ ਕੰਨ ਪੇੜਿਆਂ ਦੇ ਲੱਛਣਾਂ ਨਾਲ ਹਸਪਤਾਲ ਪਹੁੰਚ ਰਹੇ ਹਨ। ਹਾਲਾਂਕਿ ਵਾਇਰਲ ਇਨਫੈਕਸ਼ਨ ਦਿੱਲੀ ਅਤੇ ਰਾਸ਼ਟਰੀ ਰਾਜਧਾਨੀ ਖੇਤਰ (ਐਨਸੀਆਰ) ਵਿੱਚ ਫੈਲ ਰਹੀ ਹੈ, ਪਰ ਪਿਛਲੇ ਕੁਝ ਮਹੀਨਿਆਂ ਵਿੱਚ ਆਂਧਰਾ ਪ੍ਰਦੇਸ਼, ਕੇਰਲ, ਤੇਲੰਗਾਨਾ ਅਤੇ ਮਹਾਰਾਸ਼ਟਰ ਵਰਗੇ ਹੋਰ ਰਾਜਾਂ ਵਿੱਚ ਬੱਚਿਆਂ ਵਿੱਚ ਮਾਮਲੇ ਵੱਧ ਰਹੇ ਹਨ।
Mumps ਕੀ ਹੈ?
Mumps ਇੱਕ ਛੂਤ ਵਾਲੀ ਵਾਇਰਲ ਲਾਗ ਹੈ, ਜਿਸ ਨਾਲ ਲਾਰ ਗ੍ਰੰਥੀਆਂ ‘ਚ ਦਰਦਨਾਕ ਸੋਜ ਆ ਜਾਂਦੀ ਹੈ। ਲਾਰ ਗ੍ਰੰਥੀਆਂ ਲਾਰ ਪੈਦਾ ਕਰਦੀਆਂ ਹਨ, ਇੱਕ ਤਰਲ ਜੋ ਭੋਜਨ ਨੂੰ ਗਿੱਲਾ ਕਰਦਾ ਹੈ ਅਤੇ ਤੁਹਾਨੂੰ ਚਬਾਉਣ ਅਤੇ ਨਿਗਲਣ ਵਿੱਚ ਮਦਦ ਕਰਦਾ ਹੈ।
Mumps ਦੇ ਲੱਛਣ
- Advertisement -
-ਬੁਖ਼ਾਰ
-ਸਿਰ ਦਰਦ
-ਥਕਾਵਟ
-ਭੁੱਖ ਮਰਨਾ
-ਮਾਸਪੇਸ਼ੀ ‘ਚ ਦਰਦ
Mumps infection ਦਾ ਕੀ ਹੈ ਕਾਰਨ ?
ਇਹ ਛੂਤ ਵਾਲੀ ਬਿਮਾਰੀ Mumps ਵਾਇਰਸ ਕਾਰਨ ਹੁੰਦੀ ਹੈ, ਜੋ ਕਿ ਪੈਰਾਮਾਈਕਸੋਵਾਇਰਸ ਨਾਮਕ ਵਾਇਰਸਾਂ ਦੇ ਸਮੂਹ ਨਾਲ ਸਬੰਧਤ ਹੈ। Mumps ਆਮ ਤੌਰ ‘ਤੇ ਚਿਹਰੇ ਦੇ ਦੋਵੇਂ ਪਾਸੇ ਦੀਆਂ ਗ੍ਰੰਥੀਆਂ ਨੂੰ ਪ੍ਰਭਾਵਿਤ ਕਰਦੇ ਹਨ। ਇਹ ਗ੍ਰੰਥੀਆਂ, ਜਿਨ੍ਹਾਂ ਨੂੰ ਪੈਰੋਟਿਡ ਗ੍ਰੰਥੀਆਂ ਕਿਹਾ ਜਾਂਦਾ ਹੈਨ ਜੋ ਲਾਰ ਪੈਦਾ ਕਰਦੀਆਂ ਹਨ। ਜਦੋਂ ਇਹ ਗ੍ਰੰਥੀਆਂ ਸੁੱਜ ਜਾਂਦੀਆਂ ਹਨ ਤਾਂ ਇਹ ਦਰਦਨਾਕ ਹੋ ਸਕਦੀਆਂ ਹਨ।
ਰੋਗ ਨਿਯੰਤ੍ਰਣ ਅਤੇ ਰੋਕਥਾਮ ਕੇਂਦਰ (ਸੀਡੀਸੀ) ਦਾ ਕਹਿਣਾ ਹੈ ਕਿ ਵਾਇਰਲ ਇਨਫੈਕਸ਼ਨ ਆਮ ਤੌਰ ‘ਤੇ ਕੁਝ ਦਿਨਾਂ ਦੇ ਬੁਖਾਰ, ਸਿਰ ਦਰਦ, ਮਾਸਪੇਸ਼ੀਆਂ ਵਿੱਚ ਦਰਦ, ਥਕਾਵਟ ਅਤੇ ਭੁੱਖ ਨਾ ਲੱਗਣ ਨਾਲ ਸ਼ੁਰੂ ਹੁੰਦੀ ਹੈ। ਇਨਫੈਕਸ਼ਨ ਕਾਰਨ ਗੱਲ੍ਹਾਂ ਸੁੱਜ ਜਾਂਦੀਆਂ ਹਨ ਅਤੇ ਜਬਾੜਾ ਨਰਮ ਹੋ ਜਾਂਦਾ ਹੈ।
ਸੀਡੀਸੀ ਦਾ ਇਹ ਵੀ ਕਹਿਣਾ ਹੈ ਕਿ ਬਹੁਤ ਘੱਟ ਮਾਮਲਿਆਂ ਵਿੱਚ Mumps ਜ਼ਿਆਦਾ ਗੰਭੀਰਤਾ ਪੈਦਾ ਕਰ ਸਕਦੇ ਹਨ। Mumps ਨਾਲ ਪੀੜਤ ਜ਼ਿਆਦਾਤਰ ਲੋਕ ਦੋ ਹਫ਼ਤਿਆਂ ਦੇ ਅੰਦਰ ਪੂਰੀ ਤਰ੍ਹਾਂ ਠੀਕ ਹੋ ਜਾਂਦੇ ਹਨ।
- Advertisement -
ਕਿਹੜੀਆਂ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ?
ਵਾਰ-ਵਾਰ ਹੱਥ ਧੋਣਾ ਅਤੇ ਸੰਕਰਮਿਤ ਵਿਅਕਤੀਆਂ ਦੇ ਨਜ਼ਦੀਕੀ ਸੰਪਰਕ ਤੋਂ ਬਚਣ ਵਰਗੀਆਂ ਸਾਵਧਾਨੀਆਂ ਜ਼ਰੂਰੀ ਹਨ। ਟੀਕਾਕਰਨ ਨੂੰ ਸਭ ਤੋਂ ਵਧੀਆ ਰੋਕਥਾਮ ਉਪਾਅ ਮੰਨਿਆ ਜਾਂਦਾ ਹੈ। ਸਿਹਤ ਮੰਤਰਾਲੇ ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਇਸ ਸਾਲ ਜਨਵਰੀ ਤੋਂ ਮਾਰਚ ਦੀ ਮਿਆਦ ਦੇ ਵਿਚਕਾਰ Mumps ਦੇ 15,000 ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ।
