Home / North America / ਕੈਨੇਡਾ ‘ਚ ਲਗਜ਼ਰੀ ਗੱਡੀਆਂ ਚੋਰੀ ਕਰਨ ਦੇ ਮਾਮਲੇ ‘ਚ 4 ਪੰਜਾਬੀਆਂ ਸਣੇ 21 ਗ੍ਰਿਫ਼ਤਾਰ

ਕੈਨੇਡਾ ‘ਚ ਲਗਜ਼ਰੀ ਗੱਡੀਆਂ ਚੋਰੀ ਕਰਨ ਦੇ ਮਾਮਲੇ ‘ਚ 4 ਪੰਜਾਬੀਆਂ ਸਣੇ 21 ਗ੍ਰਿਫ਼ਤਾਰ

ਬਰੈਂਪਟਨ: ਕੈਨੇਡਾ ‘ਚ ਮਹਿੰਗੀਆਂ ਗੱਡੀਆਂ ਚੋਰੀ ਕਰਨ ਵਾਲੇ ਗਿਰੋਹ ਦਾ ਪਰਦਾਫ਼ਾਸ਼ ਕਰਦਿਆਂ ਪੀਲ ਪੁਲਿਸ ਨੇ 21 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਜਿਨ੍ਹਾਂ ‘ਚ ਚਾਰ ਪੰਜਾਬੀ ਵੀ ਸ਼ਾਮਲ ਹਨ। ਪੀਲ ਰਿਜਨਲ ਪੁਲਿਸ ਦੇ ਕਮਰਸ਼ੀਅਲ ਆਟੋ ਕਾਈਮ ਬਿਊਰੋ ਵੱਲੋਂ 42 ਲੱਖ ਡਾਲਰ ਮੁੱਲ ਦੀਆਂ 36 ਗੱਡੀਆਂ ਬਰਾਮਦ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ।

ਪੁਲਿਸ ਨੇ ਦੱਸਿਆ ਕਿ 55 ਸਾਲ ਦੇ ਪਰਮਜੀਤ ਨਿਰਵਾਣ ਦੀ ਗ੍ਰਿਫ਼ਤਾਰੀ 5 ਜੂਨ ਨੂੰ ਕੀਤੀ ਗਈ ਅਤੇ 10 ਅਗਸਤ ਨੂੰ ਬਰੈਂਪਟਨ ਵਿਖੇ ਸਥਿਤ ਓਨਟਾਰੀਓ ਕੋਰਟ ਆਫ਼ ਜਸਟਿਸ ਵਿਚ 10 ਅਗਸਤ ਨੂੰ ਪੇਸ਼ ਹੋਣ ਦੇ ਵਾਅਦੇ ਨਾਲ ਜ਼ਮਾਨਤ ਦੇ ਦਿਤੀ ਗਈ।

ਉੱਥੇ ਹੀ 33 ਸਾਲਾ ਬਰੈਂਪਟਨ ਦੇ ਵਸਨੀਕ ਜਾਨਵੀਰ ਸਿੱਧੂ ਦੀ ਗ੍ਰਿਫ਼ਤਾਰੀ 30 ਜੂਨ ਨੂੰ ਕੀਤੀ ਗਈ ਅਤੇ ਉਸ ਵਿਰੁੱਧ ਅਪਰਾਧ ਰਾਹੀਂ ਜ਼ਾਇਦਾਦ ਇਕੱਠੀ ਕਰਨ ਦੇ 6 ਦੋਸ਼ ਆਇਦ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ ਆਟੋਮੋਬਾਈਲ ਦੀ ਮਾਸਟਰ ਕੀਅ ਰੱਖਣ ਦੇ ਪੰਜ ਦੋਸ਼ ਅਤੇ ਫ਼ਰਜ਼ੀ ਦਸਤਾਵੇਜ਼ ਤਿਆਰ ਕਰਨ ਦੇ ਤਿਨ ਦੋਸ਼ ਵੀ ਲਾਏ ਗਏ ਹਨ।

ਓਨਟਾਰੀਓ ਕੋਰਟ ਆਫ਼ ਜਸਟਿਸ ਵਿਚ ਜਾਨਵੀਰ ਸਿੱਧੂ ਨੂੰ ਪਹਿਲੀ ਜੁਲਾਈ ਨੂੰ ਪੇਸ਼ ਕੀਤਾ ਗਿਆ ਅਤੇ ਜ਼ਮਾਨਤ ਅਰਜ਼ੀ ‘ਤੇ ਸੁਣਵਾਈ ਹੋਣ ਤੱਕ ਹਿਰਾਸਤ ਵਿਚ ਰੱਖਿਆ ਗਿਆ ਹੈ। ਬਰੈਂਪਟਨ ਦੇ ਹੀ ਕਰਨਜੋਤ ਪ੍ਰਹਾਰ ਨੂੰ 2 ਜੁਲਾਈ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਗੱਡੀ ਚੋਰੀ ਦੇ 13 ਦੋਸ਼ ਆਇਦ ਕੀਤੇ ਗਏ।

ਇਸੇ ਤਰ੍ਹਾਂ 25 ਸਾਲ ਦੇ ਸਿਮਰਜੀਤ ਨਿਰਵਾਣ ਦੀ ਗ੍ਰਿਫਤਾਰੀ 13 ਜੁਲਾਈ ਨੂੰ ਕੀਤੀ ਗਈ ਅਤੇ ਅਪਰਾਧ ਰਾਹੀਂ ਜ਼ਾਇਦਾਦ ਇਕੱਠੀ ਕਰਨ ਦੇ ਚਾਰ ਦੋਸ਼ ਆਇਦ ਕੀਤੇ ਗਏ। ਬਰੈਂਪਟਨ ਦੀ ਅਦਾਲਤ ‘ਚ 14 ਸਤੰਬਰ ਨੂੰ ਪੇਸ਼ੀ ਦੌਰਾਨ ਹਾਜ਼ਰ ਹੋਣ ਦੇ ਵਾਅਦੇ ਤੇ ਉਸ ਨੂੰ ਜ਼ਮਾਨਤ ਦੇ ਦਿੱਤੀ ਗਈ। ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਕਿਸੇ ਮਹਿੰਗੀਆਂ ਗੱਡੀਆਂ ਚੋਰੀ ਕਰਨ ਵਾਲੇ ਇਸ ਗਿਰੋਹ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ 9054532121 ਐਕਸਟੈਨਸ਼ਨ 3322 ‘ਤੇ ਸੰਪਰਕ ਕੀਤਾ ਜਾਵੇ।

Check Also

TikTok ਨੂੰ ਲੈ ਕੇ ਟਰੰਪ ਸਖਤ, ਕੰਪਨੀ ਨਾਲ ਕਿਸੇ ਵੀ ਤਰ੍ਹਾਂ ਦੇ ਸੌਦੇ ਲਈ ਨਹੀਂ ਰਾਜ਼ੀ

ਵਾਸ਼ਿੰਗਟਨ: ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਇਕ ਵਾਰ ਮੁੜ ਤੋਂ ਚੀਨੀ ਵੀਡੀਓ ਐਪਲੀਕੇਸ਼ਨ ਟਿਕਟੋਕ …

Leave a Reply

Your email address will not be published. Required fields are marked *