ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਕੰਪਨੀ ਦਾ ਤਿਮਾਹੀ ਮੁਨਾਫਾ ਜਾਣ ਕੇ ਉੱਡ ਜਾਣਗੇ ਹੋਸ਼!

TeamGlobalPunjab
2 Min Read

ਮੁੰਬਈ : ਦੇਸ਼ ਦੇ ਕਰੋੜਪਤੀਆਂ ਵਿੱਚ ਜਾਣੇ ਜਾਂਦੇ ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਕੰਪਨੀ ਇੰਨੀ ਦਿਨੀਂ ਖੂਬ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਅਜਿਹਾ ਇਸ ਲਈ ਕਿਹਾ ਜਾ ਰਿਹਾ ਹੈ ਕਿਉਂਕਿ ਕੰਪਨੀ ਨੂੰ ਜੁਲਾਈ  ਤੋਂ ਸਤੰਬਰ ਦਰਮਿਆਨ ਸਿਰਫ 3 ਮਹੀਨਿਆਂ ਅੰਦਰ ਹੀ 11 ਹਜ਼ਾਰ 2 ਸੌ 62 ਕਰੋੜ ਰੁਪਏ ਦਾ ਮੁਨਾਫਾ ਹੋਣ ਦੀ ਖਬਰ ਸਾਹਮਣੇ ਆਈ ਹੈ। ਇਹ ਹੁਣ ਤੱਕ ਦਾ ਇੰਨੇ ਥੋੜੇ ਸਮੇਂ ਵਿੱਚ ਸਭ ਤੋਂ ਵੱਧ ਮੁਨਾਫਾ ਦੱਸਿਆ ਜਾ ਰਿਹਾ ਹੈ। ਜੇਕਰ ਪਿਛਲੇ ਰਿਕਾਰਡ ਦੀ ਗੱਲ ਕਰੀਏ ਤਾਂ ਜਨਵਰੀ ਤੋਂ ਮਾਰਚ ਦੌਰਾਨ ਕੰਪਨੀ ਨੂੰ 10 ਹਜ਼ਾਰ 3 ਸੋਂ 62 ਕਰੋੜ ਰੁਪਏ ਦਾ ਲਾਭ ਹੋਇਆ ਸੀ। ਜੁਲਾਈ ਤੋਂ ਸਤੰਬਰ ਤਿਮਾਹੀ ਤੱਕ 11.5% ਅਤੇ ਸਲਾਨਾ ਅਧਾਰ ‘ਤੇ 18.3% ਜਿਆਦਾ ਹੈ।

ਇੱਥੇ ਜੇਕਰ ਰੈਵੇਨਿਊ ਦੀ ਗੱਲ ਕਰੀ ਜਾਵੇ ਤਾਂ ਸਲਾਨਾ ਅਧਾਰ ‘ਤੇ ਇਹ ਵੀ 4.8 % ਤੋਂ ਵਧ ਕੇ 1 ਲੱਖ 63 ਹਜ਼ਾਰ 854 ਕਰੋੜ ਰੁਪਏ ਰਿਹਾ ਹੈ। ਇਹ ਨਤੀਜੇ ਕੰਪਨੀ ਵੱਲੋਂ ਬੀਤੀ ਕੱਲ੍ਹ ਘੋਸ਼ਿਤ ਕੀਤੇ ਗਏ ਹਨ।

 

 ਰਿਲਾਇੰਸ ਦਾ ਮੁਨਾਫਾ ਅਤੇ ਰੈਵੇਨਿਊ

- Advertisement -
ਤਿਮਾਹੀ ਜੁਲਾਈ-ਸਤੰਬਰ 2019 ਅਪ੍ਰੈਲ-ਜੂਨ 2019 ਜੁਲਾਈ-ਸਤੰਬਰ  2018
ਮੁਨਾਫਾ (ਰੁਪਏ ਕਰੋੜ) 11,262 10,104 9,516
ਰੈਵੇਨਿਊ (ਰੁਪਏ ਕਰੋੜ) 1,63,854 1,72,956 1,56,291

 

ਜਿਓ ਦਾ ਮੁਨਾਫਾ 45.5% ਵਧਿਆ

ਰਿਲਾਇੰਸ ਦੀ ਦੂਰਸੰਚਾਰ ਕੰਪਨੀ ਜਿਓ ਨੇ ਜੁਲਾਈ-ਸਤੰਬਰ ਵਿਚ 990 ਕਰੋੜ ਰੁਪਏ ਦਾ ਮੁਨਾਫਾ ਕਮਾਇਆ। ਇਹ ਸਾਲਾਨਾ ਅਧਾਰ ‘ਤੇ 45.4% ਅਤੇ ਤਿਮਾਹੀ ਅਧਾਰ ‘ਤੇ 11.1% ਵਧੇਰੇ ਦੱਸੀ ਜਾ ਰਹੀ ਹੈ। ਅਪਰੈਲ-ਜੂਨ ਵਿਚ ਮੁਨਾਫਾ 891 ਕਰੋੜ ਰੁਪਏ ਅਤੇ ਪਿਛਲੇ ਸਾਲ ਜੁਲਾਈ-ਸਤੰਬਰ ਵਿਚ 681 ਕਰੋੜ ਰੁਪਏ ਰਿਹਾ ਸੀ। ਚਾਲੂ ਮਾਲੀਆ (ਰੈਵੇਨਿਊ) 12,354 ਕਰੋੜ ਰੁਪਏ ਰਿਹਾ। ਇਹ ਪਿਛਲੇ ਸਾਲ ਦੇ ਸਤੰਬਰ ਤਿਮਾਹੀ ਮਾਲੀਆ (9,240 ਕਰੋੜ ਰੁਪਏ) ਨਾਲੋਂ 33.7% ਵੱਧ ਹੈ।

Share this Article
Leave a comment