ਮੱਧ ਪ੍ਰਦੇਸ਼ : ਇੰਦੌਰ ਵਿੱਚ ਅਮੋਨੀਆ ਗੈਸ ਲੀਕ ਹੋਣ ਦੀ ਘਟਨਾ ਨੇ ਇਲਾਕੇ ਵਿੱਚ ਹੜਕੰਪ ਮਚਾ ਦਿੱਤਾ। ਰਾਓਜੀ ਬਾਜ਼ਾਰ ਥਾਣਾ ਖੇਤਰ ਦੇ ਪਿੱਛੇ ਇੱਕ ਕਬਾੜ ਵਪਾਰੀ ਵੱਲੋਂ ਅਮੋਨੀਆ ਗੈਸ ਨਾਲ ਭਰੇ ਸਿਲੰਡਰ ਨੂੰ ਕੱਟਦੇ ਸਮੇਂ ਅਚਾਨਕ ਗੈਸ ਲੀਕ ਹੋ ਗਈ। ਤੇਜ਼ ਗੈਸ ਫੈਲਣ ਅਤੇ ਸਾਹ ਲੈਣ ਵਿੱਚ ਦਿੱਕਤ ਹੋਣ ਕਾਰਨ ਕਈ ਲੋਕ ਬਿਮਾਰ ਹੋ ਗਏ। ਉਹਨਾਂ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ, ਜਿੱਥੇ ਉਹਨਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ।
ਘਟਨਾ ਦੀ ਸੂਚਨਾ ਮਿਲਦੇ ਹੀ ਮੌਕੇ ‘ਤੇ ਪੁੱਜੇ ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਸ਼ਹਿਜ਼ਾਦ ਨਾਮ ਦਾ ਇੱਕ ਸਕ੍ਰੈਪ ਡੀਲਰ ਕਕਟਪੁਰਾ ਪੁਲ ਦੇ ਹੇਠਾਂ ਇੱਕ ਸਿਲੰਡਰ ਕੱਟ ਰਿਹਾ ਸੀ। ਸਿਲੰਡਰ ਵਿੱਚੋਂ ਅਮੋਨੀਆ ਗੈਸ ਲੀਕ ਹੋਣ ਲੱਗੀ। ਜਿਵੇਂ ਹੀ ਗੈਸ ਫੈਲੀ, ਆਸ ਪਾਸ ਦੇ ਲੋਕਾਂ ਨੂੰ ਘਬਰਾਹਟ ਅਤੇ ਸਾਹ ਲੈਣ ਵਿੱਚ ਮੁਸ਼ਕਲ ਆਉਣ ਲੱਗੀ। ਪੰਜ ਲੋਕਾਂ ਨ ਹਸਪਤਾਲ ਦਾਖਲ ਕਰਵਾਇਆ ਗਿਆ
ਡੀਸੀਪੀ ਨੇ ਸਪੱਸ਼ਟ ਕੀਤਾ ਕਿ ਇਸ ਘਟਨਾ ਵਿੱਚ ਕੋਈ ਵੀ ਗੰਭੀਰ ਹਾਲਤ ‘ਚ ਨਹੀਂ ਹੈ। ਹਰ ਕੋਈ ਸੁਰੱਖਿਅਤ ਹੈ। ਪੁਲਿਸ ਨੇ ਸਕ੍ਰੈਪ ਡੀਲਰ ਸ਼ਹਿਜ਼ਾਦ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ ਅਤੇ ਉਸ ਤੋਂ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ ਅਤੇ ਜਾਂਚ ਜਾਰੀ ਹੈ।
ਮੁੱਢਲੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਕਬਾੜ ਦੀ ਦੁਕਾਨ ਦੇ ਸੰਚਾਲਕ ਸ਼ਹਿਜ਼ਾਦ ਨੇ ਇਹ ਸਿਲੰਡਰ ਮੱਛੀ ਬਾਜ਼ਾਰ ਦੇ ਰਾਜਾ ਚੋਪੜਾ ਤੋਂ ਖਰੀਦਿਆ ਸੀ। ਸਿਲੰਡਰ ਦੇ ਅੰਦਰ ਗੈਸ ਭਰੀ ਹੋਈ ਸੀ। ਜਿਵੇਂ ਹੀ ਸ਼ਹਿਜ਼ਾਦ ਨੇ ਮਸ਼ੀਨ ਨਾਲ ਟੈਂਕੀ ਕੱਟਣੀ ਸ਼ੁਰੂ ਕੀਤੀ, ਤੇਜ਼ ਦਬਾਅ ਦੇ ਨਾਲ ਗੈਸ ਬਾਹਰ ਨਿਕਲਣ ਲੱਗੀ ਅਤੇ ਹਵਾ ਵਿੱਚ ਫੈਲ ਗਈ। ਕੁਝ ਹੀ ਦੇਰ ਵਿੱਚ ਪੂਰੇ ਇਲਾਕੇ ਵਿੱਚ ਹਫੜਾ ਦਫੜੀ ਮਚ ਗਈ।
ਸੂਚਨਾ ਮਿਲਣ ‘ਤੇ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਸਕ੍ਰੈਪ ਡੀਲਰ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਸਿਲੰਡਰ ਨੂੰ ਜ਼ਬਤ ਕਰ ਲਿਆ ਅਤੇ ਉਸਨੂੰ ਘਟਨਾ ਸਥਾਨ ਤੋਂ ਹਟਾ ਦਿੱਤਾ। ਇਲਾਕੇ ਵਿੱਚ ਪਾਣੀ ਦਾ ਛਿੜਕਾਅ ਵੀ ਕੀਤਾ ਗਿਆ, ਜਿਸ ਤੋਂ ਬਾਅਦ ਸਥਿਤੀ ਨੂੰ ਕਾਬੂ ਵਿੱਚ ਲਿਆਂਦਾ ਗਿਆ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ਅਤੇ ਇੰਸਟਾਗ੍ਰਾਮ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ
