ਨਿਊਜ਼ ਡੈਸਕ: ਅਯੁੱਧਿਆ ਦੇ ਰਾਮ ਮੰਦਿਰ ਦੀ ਸਥਾਪਨਾ ਨੂੰ ਲੈ ਕੇ ਭਾਰਤ ਹੀ ਨਹੀਂ ਦੁਨੀਆ ਦੇ ਵੱਖ-ਵੱਖ ਹਿੱਸਿਆਂ ‘ਚ ਉਤਸ਼ਾਹ ਪਾਏ ਗਿਆ। ਨਿਊਯਾਰਕ ਵਿੱਚ ਭਾਰਤੀ ਪ੍ਰਵਾਸੀਆਂ ਨੇ ਟਾਈਮਜ਼ ਸਕੁਏਅਰ ਨੂੰ ਭਗਵਾਨ ਰਾਮ ਦੀ ਇੱਕ ਵੱਡੀ ਤਸਵੀਰ ਨਾਲ ਰੌਸ਼ਨ ਕੀਤਾ ਹੈ। ਭਾਰਤ ਵਿੱਚ ਜਸ਼ਨ ਸ਼ੁਰੂ ਹੋਣ ਦੇ ਨਾਲ ਹੀ ਵਾਸ਼ਿੰਗਟਨ, ਡੀਸੀ, ਲਾਸ ਏਂਜਲਸ ਅਤੇ ਸੈਨ ਫਰਾਂਸਿਸਕੋ ਵਿੱਚ ਸਮਾਗਮਾਂ ਦਾ ਆਯੋਜਨ ਕੀਤਾ ਗਿਆ। ਟੈਕਸਾਸ, ਇਲੀਨੋਇਸ, ਨਿਊਯਾਰਕ, ਨਿਊ ਜਰਸੀ ਅਤੇ ਜਾਰਜੀਆ ਸਮੇਤ ਹੋਰ ਰਾਜਾਂ ਵਿੱਚ ਵੱਡੇ ਬਿਲਬੋਰਡ ਲਗਾਏ ਗਏ ਹਨ।
ਅਮਰੀਕਾ ਦੇ ਕੈਲੀਫੋਰਨੀਆ ਦੇ ਖਾੜੀ ਖੇਤਰ ਵਿੱਚ, 1,100 ਤੋਂ ਵੱਧ ਲੋਕਾਂ ਨੇ ਰਾਮ ਮੰਦਰ ਦੀਆਂ ਤਸਵੀਰਾਂ ਵਾਲੇ ਭਗਵੇਂ ਝੰਡੇ ਲੈ ਕੇ ਇੱਕ ਵਿਸ਼ਾਲ ਕਾਰ ਰੈਲੀ ਕੱਢੀ। ਇਸ ਦਾ ਆਯੋਜਨ ਖਾੜੀ ਖੇਤਰ ਦੇ 6 ਵਾਲੰਟੀਅਰ ਹਿੰਦੂਆਂ ਦੁਆਰਾ ਕੀਤਾ ਗਿਆ ਸੀ। ਇਹ ਰੈਲੀ ਸਨੀਵੇਲ ਤੋਂ ਗੋਲਡਨ ਗੇਟ ਸਥਿਤ ਵਾਰਮ ਸਪ੍ਰਿੰਗਜ਼ ਬਾਰਟ ਸਟੇਸ਼ਨ ਤੱਕ ਪਹੁੰਚੀ। ਇਸ ਤੋਂ ਇਲਾਵਾ ਸ਼ਨੀਵਾਰ ਸ਼ਾਮ ਨੂੰ ਇਕ ਸ਼ਾਨਦਾਰ ‘ਟੇਸਲਾ ਕਾਰ ਲਾਈਟ ਸ਼ੋਅ’ ਦਾ ਆਯੋਜਨ ਕੀਤਾ ਗਿਆ। ਵਿਸ਼ਾਲ ਰਾਮ ਰੱਥ ਨਾਲ ਕੱਢੀ ਗਈ ਇਸ ਰੈਲੀ ਨੇ ਕਰੀਬ 100 ਮੀਲ ਦਾ ਸਫ਼ਰ ਤੈਅ ਕੀਤਾ ਅਤੇ ਇਸ ਦੌਰਾਨ ਸੁਰੱਖਿਆ ਲਈ ਪੁਲਿਸ ਦੀਆਂ ਦੋ ਕਾਰਾਂ ਵੀ ਤਾਇਨਾਤ ਕੀਤੀਆਂ ਗਈਆਂ[
I am a proud Hindu and a US Congressional candidate from California’s 17th district. It was a great honor to attend the Ram Mandir Pran Pratishtha rally yesterday. It’s a proud moment for all Hindus and people around the world that Lord Ram is returning home after 500 years. We… pic.twitter.com/peZJcifT5f
- Advertisement -
— Ritesh Tandon US Congressional Candidate, CA 17 (@tandon4congress) January 21, 2024
ਮਾਰੀਸ਼ਸ ਵਿੱਚ ਭਾਰਤੀ ਪ੍ਰਵਾਸੀਆਂ ਨੇ ਮੰਦਰਾਂ ਵਿੱਚ ਦੀਵੇ ਜਗਾਏ ਅਤੇ ਰਾਮਾਇਣ ਮਾਰਗ ਦਾ ਪਾਠ ਵੀ ਕੀਤਾ। ਮਾਰੀਸ਼ਸ ਸਰਕਾਰ ਨੇ ਅੱਜ ਹਿੰਦੂ ਪਬਲਿਕ ਅਫਸਰਾਂ ਲਈ 2 ਘੰਟੇ ਦੀ ਵਿਸ਼ੇਸ਼ ਛੁੱਟੀ ਦਾ ਐਲਾਨ ਵੀ ਕੀਤਾ ਹੈ। ਇਸ ਦੇ ਨਾਲ ਹੀ ਯੂਨਾਈਟਿਡ ਕਿੰਗਡਮ ‘ਚ ਵੀ ਪ੍ਰਾਣ ਪ੍ਰਤੀਸਥਾ ਦੇ ਮੌਕੇ ‘ਤੇ ਜਸ਼ਨ ਦੇਖਣ ਨੂੰ ਮਿਲੇ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
