ਤੁਰਕੀ: ਪਤੀ-ਪਤਨੀ ਵਿਚਾਲੇ ਉਪਨਾਮ ਯਾਨੀ ਨਿਕਨੇਮ ਰੱਖਣਾ ਆਮ ਗੱਲ ਹੈ, ਪਰ ਕਈ ਵਾਰ ਇਹ ਨਿਕਨੇਮ ਰਿਸ਼ਤਿਆਂ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ। ਅਜਿਹਾ ਹੀ ਇੱਕ ਮਾਮਲਾ ਤੁਰਕੀ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਵਿਅਕਤੀ ਨੂੰ ਆਪਣੀ ਪਤਨੀ ਦਾ ਨਾਮ ਫੋਨ ਵਿੱਚ ‘ਮੋਟੀ’ ਸੇਵ ਕਰਨਾ ਮਹਿੰਗਾ ਪੈ ਗਿਆ।
ਦਰਅਸਲ, ਤੁਰਕੀ ਵਿੱਚ ਇੱਕ ਪਤੀ ਨੇ ਆਪਣੀ ਪਤਨੀ ਦਾ ਨਾਮ ਫੋਨ ਵਿੱਚ ‘ਟੋਮਬੇਕ’ (ਜਿਸ ਦਾ ਮਤਲਬ ਤੁਰਕੀ ਵਿੱਚ ‘ਮੋਟੀ’ ਹੈ) ਸੇਵ ਕੀਤਾ ਸੀ, ਜੋ ਦੋਵਾਂ ਵਿਚਕਾਰ ਝਗੜੇ ਦਾ ਕਾਰਨ ਬਣਿਆ। ਕੋਰਟ ਆਫ ਕੈਸੇਸ਼ਨ ਨੇ ਫੈਸਲਾ ਸੁਣਾਇਆ ਕਿ ਔਰਤ ਨੂੰ ‘ਟੋਮਬੇਕ’ ਨਾਮ ਨਾਲ ਸੇਵ ਕਰਨ ਲਈ ਹਰਜਾਨਾ ਦਿੱਤਾ ਜਾਵੇ।
ਪੂਰਾ ਮਾਮਲਾ ਕੀ ਹੈ?
ਤੁਰਕੀ ਦੀ ਇੱਕ ਅਦਾਲਤ ਨੇ ਇੱਕ ਵਿਅਕਤੀ ਨੂੰ ਆਪਣੀ ਸਾਬਕਾ ਪਤਨੀ ਨੂੰ ਸਮੱਗਰੀ ਅਤੇ ਮਾਨਸਿਕ ਨੁਕਸਾਨ (ਮਟੀਰੀਅਲ ਅਤੇ ਮੋਰਲ ਡੈਮੇਜ) ਲਈ ਹਰਜਾਨਾ ਦੇਣ ਦਾ ਹੁਕਮ ਦਿੱਤਾ। ਪਤੀ ਨੇ ਆਪਣੀ ਸਾਬਕਾ ਪਤਨੀ ਦਾ ਨਾਮ ਫੋਨ ਵਿੱਚ ‘ਮੋਟੀ’ ਵਜੋਂ ਸੇਵ ਕੀਤਾ ਸੀ, ਜੋ ਅਪਮਾਨਜਨਕ ਮੰਨਿਆ ਗਿਆ।
ਇਹ ਨਿਕਨੇਮ ਉਦੋਂ ਸਾਹਮਣੇ ਆਇਆ ਜਦੋਂ ਇਹ ਜੋੜਾ ਤਲਾਕ ਦੇ ਮੁਕੱਦਮੇ ਵਿੱਚੋਂ ਲੰਘ ਰਿਹਾ ਸੀ। ਔਰਤ ਨੇ ਦਾਅਵਾ ਕੀਤਾ ਕਿ ਇਹ ਅਪਮਾਨਜਨਕ ਨਿਕਨੇਮ ਉਸ ਨੂੰ ਪਸੰਦ ਨਹੀਂ ਸੀ ਅਤੇ ਇਸ ਨੇ ਉਨ੍ਹਾਂ ਦੇ ਵਿਆਹੁਤਾ ਰਿਸ਼ਤੇ ਨੂੰ ਨੀਵਾਂ ਦਿਖਾਇਆ ਤੇ ਨੁਕਸਾਨ ਪਹੁੰਚਾਇਆ।
ਤੁਰਕੀ ਵਿੱਚ ਨਿਕਨੇਮ ਸੇਵ ਕਰਨ ਤੋਂ ਪਹਿਲਾਂ ਸੋਚਣ ਲੱਗੇ ਲੋਕ
ਤੁਰਕੀ ਦੇ ਇੱਕ ਖਬਰ ਪੋਰਟਲ ਮੁਤਾਬਕ, ਉਸਾਕ ਸ਼ਹਿਰ ਵਿੱਚ ਤਲਾਕ ਦੇ ਇੱਕ ਕੇਸ ਵਿੱਚ ਅਦਾਲਤ ਨੇ ਪਤੀ ਨੂੰ ਪਤਨੀ ਦਾ ਨਾਮ ‘ਮੋਟੀ’ ਵਜੋਂ ਸੇਵ ਕਰਨ ਦਾ ਦੋਸ਼ੀ ਪਾਇਆ ਅਤੇ ਉਸ ਨੂੰ ਸਾਬਕਾ ਪਤਨੀ ਨੂੰ ਹਰਜਾਨਾ ਦੇਣ ਦਾ ਹੁਕਮ ਦਿੱਤਾ। ਇਹ ਫੈਸਲਾ ਹੁਣ ਕਾਨੂੰਨੀ ਮਿਸਾਲ ਬਣ ਗਿਆ ਹੈ। ਇਸ ਕਾਰਨ ਤੁਰਕੀ ਦੇ ਪਤੀਆਂ ਨੂੰ ਹੁਣ ਆਪਣੀ ਪਤਨੀ ਦਾ ਨਿਕਨੇਮ ਫੋਨ ਵਿੱਚ ਸੇਵ ਕਰਨ ਤੋਂ ਪਹਿਲਾਂ ਦੋ ਵਾਰ ਸੋਚਣਾ ਪੈ ਰਿਹਾ ਹੈ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
