ਨਿਊਜ਼ ਡੈਸਕ: ਹਮਾਸ ਦੀ ਮਦਦ ਕਰਨ ਦੀ ਆੜ ‘ਚ ਹਿਜ਼ਬੁੱਲਾ ਇਜ਼ਰਾਈਲ ‘ਤੇ ਵੀ ਹਮਲੇ ਕਰ ਰਹੀ ਹੈ। ਇਸ ਦੇ ਜਵਾਬ ਵਿਚ ਪਿਛਲੇ ਕਈ ਦਿਨਾਂ ਤੋਂ ਹਿਜ਼ਬੁੱਲਾ ਕਮਾਂਡਰ ਇਕ-ਇਕ ਕਰਕੇ ਮਾਰੇ ਜਾ ਰਹੇ ਹਨ। ਇਸ ਦੌਰਾਨ ਇਜ਼ਰਾਈਲ ਨੇ ਲੇਬਨਾਨ ਨੂੰ ਸਖ਼ਤ ਲਹਿਜੇ ਵਿੱਚ ਕਿਹਾ ਹੈ ਕਿ ਅਸੀਂ ਪੂਰੀ ਤਾਕਤ ਨਾਲ ਹਮਲਾ ਕਰਾਂਗੇ ਅਤੇ ਇਹ ਲੇਬਨਾਨ ਲਈ ਤਬਾਹੀ ਹੋਵੇਗੀ। ਅਸੀਂ ਉਨ੍ਹਾਂ ‘ਤੇ ਇਸ ਤਰ੍ਹਾਂ ਹਮਲਾ ਕਰਾਂਗੇ ਕਿ ਉਨ੍ਹਾਂ ਨੇ ਸੋਚਿਆ ਵੀ ਨਹੀਂ ਹੋਵੇਗਾ। ਹਿਜ਼ਬੁੱਲਾ ਅਤੇ ਲੇਬਨਾਨ ਦੀ ਪੂਰੀ ਤਬਾਹੀ ਹੋਵੇਗੀ।
ਦਸ ਦਈਏ ਕਿ ਹਿਜ਼ਬੁੱਲਾ ਇਕ ਅਨੁਸ਼ਾਸਿਤ ਫੌਜੀ ਸੰਗਠਨ ਵਾਂਗ ਕੰਮ ਕਰਦਾ ਹੈ। ਇਸ ਕੋਲ ਆਧੁਨਿਕ ਹਥਿਆਰ ਹਨ ਅਤੇ ਕਿਹਾ ਜਾਂਦਾ ਹੈ ਕਿ ਇਸ ਦੇ ਅਸਲਾ ਭੰਡਾਰ ਵਿੱਚ 1.5 ਲੱਖ ਤੋਂ ਵੱਧ ਰਾਕੇਟ ਹਨ। ਹਿਜ਼ਬੁੱਲਾ ਲੜਾਕਿਆਂ ਨੂੰ ਕਈ ਦੇਸ਼ਾਂ ਦੀਆਂ ਫ਼ੌਜਾਂ ਨਾਲੋਂ ਬਿਹਤਰ ਸਿਖਲਾਈ ਮਿਲਦੀ ਹੈ। ਹਿਜ਼ਬੁੱਲਾ ਇੱਕ ਲੇਬਨਾਨੀ-ਈਰਾਨੀ ਸ਼ੀਆ ਅੱਤਵਾਦੀ ਸੰਗਠਨ ਹੈ ਅਤੇ ਸੀਰੀਆ ਵਿੱਚ ਸੁੰਨੀ ਹਮਾਸ ਨਾਲ ਲੜ ਰਿਹਾ ਹੈ। ਪਰ ਸਿਰਫ ਧਰਮ ਦੇ ਨਾਂ ‘ਤੇ, ਦੋਵੇਂ ਦੁਸ਼ਮਣ, ਹਿਜ਼ਬੁੱਲਾ ਅਤੇ ਹਮਾਸ, ਇਕੱਠੇ ਹੋ ਕੇ ਇਜ਼ਰਾਈਲ ਦੀ ਹੋਂਦ ਨੂੰ ਖਤਮ ਕਰਨਾ ਚਾਹੁੰਦੇ ਹਨ।
ਪਹਿਲੀ ਲੇਬਨਾਨ ਜੰਗ 6 ਜੂਨ 1982 ਨੂੰ ਸ਼ੁਰੂ ਹੋਈ ਸੀ। ਇਸ ਜੰਗ ਦਾ ਸਭ ਤੋਂ ਵੱਡਾ ਕਾਰਨ ਲੰਡਨ ਵਿੱਚ ਇਜ਼ਰਾਈਲ ਦੇ ਰਾਜਦੂਤ ਏਰਗੋਵ ਦੀ ਹੱਤਿਆ ਦੀ ਕੋਸ਼ਿਸ਼ ਸੀ। ਇਸ ਤੋਂ ਬਾਅਦ ਇਜ਼ਰਾਇਲੀ ਫੌਜ ਨੇ ਦੱਖਣੀ ਲੇਬਨਾਨ ਵਿੱਚ ਘੁਸਪੈਠ ਕੀਤੀ ਸੀ।ਫਿਰ, ਹਮਲੇ ਅਤੇ ਜਵਾਬੀ ਹਮਲੇ ਵਿੱਚ, ਸਰਹੱਦ ਦੇ ਨੇੜੇ ਰਹਿਣ ਵਾਲੇ ਦੋਵਾਂ ਪਾਸਿਆਂ ਦੇ ਵੱਡੀ ਗਿਣਤੀ ਵਿੱਚ ਨਾਗਰਿਕਾਂ ਨੇ ਆਪਣੀ ਜਾਨ ਗੁਆ ਦਿੱਤੀ। ਇਜ਼ਰਾਇਲੀ ਫੌਜ ਦਾ ਸਾਹਮਣਾ ਫਲਸਤੀਨ ਲਿਬਰੇਸ਼ਨ ਆਰਗੇਨਾਈਜ਼ੇਸ਼ਨ (ਪੀ.ਐਲ.ਓ.) ਨਾਲ ਹੋਇਆ। ਸਤੰਬਰ ਤੱਕ ਚੱਲੀ ਇਸ ਜੰਗ ਨੂੰ ਇਜ਼ਰਾਈਲ ਨੇ ਜਿੱਤ ਲਿਆ। ਨਤੀਜੇ ਵਜੋਂ, ਇਜ਼ਰਾਈਲ ਨੇ ਲੇਬਨਾਨ ਵਿੱਚ ਪੀ.ਐਲ.ਓ. ਦਾ ਪ੍ਰਭਾਵ ਖ਼ਤਮ ਕਰ ਦਿੱਤਾ। ਸੀਰੀਆ ਦਾ ਵੀ ਕੋਈ ਦਖਲ ਨਹੀਂ ਸੀ। ਉੱਥੇ ਇਜ਼ਰਾਈਲ ਪੱਖੀ ਈਸਾਈ ਸਰਕਾਰ ਬਣਾਈ ਗਈ ਸੀ। ਜਿਸ ਦੀ ਅਗਵਾਈ ਬਸ਼ੀਰ ਗੇਮੇਲ ਨੇ ਪ੍ਰਧਾਨ ਵਜੋਂ ਕੀਤੀ।
ਹੁਣ ਸਵਾਲ ਇਹ ਹੈ ਕਿ ਦੁਨੀਆਂ ਹਿਜ਼ਬੁੱਲਾ ਨੂੰ ਲੈ ਕੇ ਚਿੰਤਤ ਕਿਉਂ ਹੈ?ਇਸ ਦੇ ਪਿੱਛੇ ਹਿਜ਼ਬੁੱਲਾ ਦੀ ਤਾਕਤ, ਉਸ ਦੀ ਸੋਚ, ਇਸ ਦਾ ਏਜੰਡਾ ਹੈ। ਹਿਜ਼ਬੁੱਲਾ ਨੂੰ ਬੇਹੱਦ ਘਾਤਕ ਮੰਨਿਆ ਜਾਂਦਾ ਹੈ। ਜੇਕਰ ਹਿਜ਼ਬੁੱਲਾ ਇਜ਼ਰਾਈਲ-ਹਮਾਸ ਸੰਘਰਸ਼ ਵਿੱਚ ਪੂਰੀ ਤਰ੍ਹਾਂ ਪ੍ਰਵੇਸ਼ ਕਰਦਾ ਹੈ, ਤਾਂ ਇਸਦਾ ਦਾਖਲਾ ਇੱਕ ਗੇਮ ਚੇਂਜਰ ਸਾਬਤ ਹੋ ਸਕਦਾ ਹੈ। ਅਜਿਹਾ ਕਹਿਣ ਪਿੱਛੇ ਕਈ ਠੋਸ ਕਾਰਨ ਹਨ।
- Advertisement -
ਜਾਣੋ ਕਿ ਹਿਜ਼ਬੁੱਲਾ ਦਾ ਅਰਥ ਹੈ ਪਾਰਟੀ ਆਫ ਗਾਡ (Party Of GOD)। ਹਿਜ਼ਬੁੱਲਾ ਲੇਬਨਾਨ ਵਿੱਚ ਇੱਕ ਸਿਆਸੀ ਅਤੇ ਅਰਧ-ਫੌਜੀ ਸੰਗਠਨ ਵਜੋਂ ਜਾਣਿਆ ਜਾਂਦਾ ਹੈ। ਲੇਬਨਾਨ ਵਿੱਚ ਇਸਨੂੰ ਸ਼ੀਆ ਸਿਆਸੀ ਪਾਰਟੀ ਵਜੋਂ ਮਾਨਤਾ ਪ੍ਰਾਪਤ ਹੈ। ਲੇਬਨਾਨੀ ਸੰਸਦ ਵਿੱਚ ਇੱਕ ਰਾਜਨੀਤਿਕ ਪਾਰਟੀ ਦੇ ਰੂਪ ਵਿੱਚ ਇਸਦੇ 62 ਮੈਂਬਰ ਵੀ ਹਨ। ਹਿਜ਼ਬੁੱਲਾ ਦੀ ਸਥਾਪਨਾ 1982 ਵਿੱਚ ਲੇਬਨਾਨੀ ਘਰੇਲੂ ਯੁੱਧ ਦੌਰਾਨ ਹੋਈ ਸੀ। ਹਿਜ਼ਬੁੱਲਾ ਨੂੰ ਅਮਰੀਕਾ ਨੇ ਅੱਤਵਾਦੀ ਸੰਗਠਨ ਐਲਾਨਿਆ ਹੋਇਆ ਹੈ। ਪਰ ਦੂਜੇ ਪਾਸੇ ਇਸ ਨੂੰ ਈਰਾਨ ਸਰਕਾਰ ਅਤੇ ਈਰਾਨੀ ਰੈਵੋਲਿਊਸ਼ਨਰੀ ਗਾਰਡ ਦਾ ਸਮਰਥਨ ਹਾਸਲ ਹੈ। 2006 ਵਿੱਚ ਇਜ਼ਰਾਈਲ ਖ਼ਿਲਾਫ਼ ਜੰਗ ਤੋਂ ਬਾਅਦ ਹਿਜ਼ਬੁੱਲਾ ਦੀ ਤਾਕਤ ਹੋਰ ਵਧ ਗਈ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
