ਕੋਲਕਾਤਾ: ਪੱਛਮੀ ਬੰਗਾਲ ਵਿੱਚ ਹੁਗਲੀ ਨਦੀ ਦੇ ਹੇਠੋਂ ਲੰਘਦੀ ਦੇਸ਼ ਦੀ ਪਹਿਲੀ ਅੰਡਰਵਾਟਰ ਮੈਟਰੋ ਦੋੜਨ ਨੂੰ ਤਿਆਰ ਹੈ। ਇੱਥੇ ਲੋਕ ਅੰਡਰਵਾਟਰ ਮੈਟਰੋ ਰਾਹੀਂ ਸਫ਼ਰ ਕਰਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਕੋਲਕਾਤਾ ਦਾ ਈਸਟ ਵੈਸਟ ਮੈਟਰੋ ਕੋਰੀਡੋਰ ਇੱਕ ਵਿਲੱਖਣ ਮੈਟਰੋ ਕੋਰੀਡੋਰ ਹੈ, ਜਿਸ ਵਿੱਚ ਇੱਕ ਐਲੀਵੇਟਿਡ ਸੈਕਸ਼ਨ ਅਤੇ ਇੱਕ ਭੂਮੀਗਤ ਸੈਕਸ਼ਨ ਅਤੇ ਇੱਥੋਂ ਤੱਕ ਕਿ ਇੱਕ ਪਾਣੀ ਦੇ ਹੇਠਾਂ ਸੈਕਸ਼ਨ ਵੀ ਹੈ। ਇਹ ਭਾਰਤ ਦਾ ਪਹਿਲਾ ਅੰਡਰਵਾਟਰ ਮੈਟਰੋ ਪ੍ਰੋਜੈਕਟ ਹੈ।
ਇਸ ਪ੍ਰੋਜੈਕਟ, ਜਿਸਦਾ ਸੰਕਲਪ 1971 ਵਿੱਚ ਕੀਤਾ ਗਿਆ ਸੀ। ਇਹ ਲਗਭਗ 14 ਸਾਲਾਂ ਬਾਅਦ ਮੁਕੰਮਲ ਹੋਣ ਜਾ ਰਿਹਾ ਹੈ ਅਤੇ ਜਲਦੀ ਹੀ ਹੁਗਲੀ ਨਦੀ ਦੇ ਹੇਠਾਂ ਰੇਲ ਗੱਡੀਆਂ ਚੱਲਣਗੀਆਂ।
ਨਦੀ ਦੇ ਹੇਠਾਂ ਮੈਟਰੋ ਲਈ 500 ਮੀਟਰ ਲੰਬੀ ਰੇਲ ਸੁਰੰਗ ਬਣਾਈ ਗਈ ਹੈ, ਜੋ ਜ਼ਮੀਨ ਤੋਂ 32 ਮੀਟਰ ਹੇਠਾਂ ਬਣਾਈ ਗਈ ਹੈ। ਇਹ ਸੁਰੰਗ ਹਾਵੜਾ ਮੈਦਾਨ ਤੋਂ ਸ਼ੁਰੂ ਹੋ ਕੇ ਸਾਲਟ ਲੇਕ ਸੈਕਟਰ 22 ਤੱਕ ਫੈਲੀ ਹੋਈ ਹੈ। ਇਹ ਮੈਟਰੋ ਸ਼ਹਿਰ ਦੇ ਕਈ ਮਹੱਤਵਪੂਰਨ ਖੇਤਰਾਂ ਨੂੰ ਜੋੜ ਦੇਵੇਗੀ।
ਸਫਰ ਨੂੰ ਹੋਰ ਰੋਮਾਂਚਕ ਬਣਾਉਣ ਲਈ ਲਾਈਟਾਂ ਦੀ ਵਰਤੋਂ ਕਰਕੇ ਸੁਰੰਗ ਦੀਆਂ ਕੰਧਾਂ ‘ਤੇ ਮੱਛੀਆਂ ਬਣਾਈਆਂ ਗਈਆਂ ਹਨ। ਮੁਸਾਫਰ ਅੰਡਰਵਾਟਰ ਐਕੁਏਰੀਅਮ ਬਾਰੇ ਯਾਤਰੀ ਜੋ ਵੀ ਕਲਪਨਾ ਕਰਦੇ ਹਨ, ਉਸ ਦੀ ਮਿਸਾਲ ਇਸ ਅੰਡਰਵਾਟਰ ਮੈਟਰੋ ਵਿਚ ਦੇਖਣ ਨੂੰ ਮਿਲੇਗੀ। ਟਰੇਨ 80 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਸਿਰਫ 45 ਸਕਿੰਟਾਂ ‘ਚ ਸੁਰੰਗ ਨੂੰ ਪਾਰ ਕਰੇਗੀ। ਇਸ ਸੁਰੰਗ ਰਾਹੀਂ ਹਾਵੜਾ ਸਿੱਧੇ ਕੋਲਕਾਤਾ ਨਾਲ ਜੁੜ ਜਾਵੇਗਾ ਅਤੇ ਰੋਜ਼ਾਨਾ 7 ਤੋਂ 10 ਲੱਖ ਲੋਕਾਂ ਨੂੰ ਆਉਣ-ਜਾਣ ਦੀ ਸਹੂਲਤ ਮਿਲੇਗੀ। ਇਸ ਸੁਰੰਗ ਵਿੱਚ ਮੈਟਰੋ ਦਾ ਟਰਾਇਲ ਰਨ ਕੀਤਾ ਜਾ ਚੁੱਕਿਆ ਹੈ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
