ਚੰਡੀਗੜ: ਲੋਹੜੀ ਦੇ ਤਿਉਹਾਰ ਦੇ ਇੱਕ ਦਿਲਕਸ਼ ਜਸ਼ਨ ਵਿੱਚ ਅਦਾਕਾਰਾ ਅੰਕਿਤਾ ਸੈਲੀ ਅਤੇ ਅਦਾਕਾਰਾ ਗੁਰਪ੍ਰੀਤ ਕੌਰ ਨੇ ਆਪਣੀ ਘਰ ਦੀ ਲੋਹੜੀ ਬਾਰੇ ਦਰਸ਼ਕਾਂ ਨੂੰ ਦੱਸਿਆ।
ਅੰਕਿਤਾ ਸੈਲੀ ਨੇ ਇਸ ਖੁਸ਼ੀ ਦੇ ਮੌਕੇ ਸਾਂਝੇ ਕੀਤੇ ‘ਤੇ ਕਿਹਾ ਕਿ ਇਹ ਲੋਹੜੀ ਦਾ ਤਿਉਹਾਰ ਪਰਿਵਾਰ ਦੇ ਪਿਆਰ ਅਤੇ ਏਕਤਾ ਦਾ ਤਿਉਹਾਰ ਹੈ। ਅਸੀਂ ਇੱਕ ਪੂਰੇ ਪਰਿਵਾਰ ਨੇ ਇੱਕ ਜਗ੍ਹਾ ਇਕੱਠੇ ਹੋ ਪੂਰੇ ਪੰਜਾਬੀ ਸਟਾਈਲ ਵਿੱਚ ਲੋਹੜੀ ਮਨਾਈ ਅੱਗ ਬਾਲੀ ਜਿਸ ਦੇ ਆਲੇ ਦੁਆਲੇ ਅਸੀਂ ਇਕੱਠੇ ਹੋਏ ਤੇ ਸਭ ਨੇ ਵਾਰੀ-ਵਾਰੀ ਮੱਥਾ ਟੇਕਿਆ ਤੇ ਪਰਿਵਾਰ ਦੀ ਖੁਸ਼ੀ ਲਈ ਦੁਆਵਾਂ ਮੰਗੀਆਂ।| ਮਿੱਠੇ ਵਜੋਂ ਰਿਓੜੀਆਂ, ਗੱਚਕ, ਗੁੜ ਮੂੰਗਫਲੀ ਦੀ ਸੁਗਾਤ ਰੱਖੀ ਤੇ ਬਾਅਦ ਵਿੱਚ ਅਸੀਂ ਪੀਲੇ ਚਾਵਲ ਬਣਾਏ, ਸੱਚਮੁੱਚ ਇਹ ਲੋਹੜੀ ਪਰਿਵਾਰ ਨੂੰ ਇੱਕ ਸਾਥ ਲਿਆਉਣ ਦਾ ਹੀ ਦੂਜਾ ਨਾਂ ਹੈ।”
ਗੁਰਪ੍ਰੀਤ ਕੌਰ ਨੇ ਖੁਸ਼ੀ ਦੀ ਲਹਿਰ ਨੂੰ ਸਾਂਝਾ ਕਰਦੇ ਹੋਏ ਕਿਹਾ, “ਮੇਰੇ ਲਈ ਲੋਹੜੀ ਆਪਣੇ ਪਰਿਵਾਰ ਤੇ ਦੋਸਤਾਂ ਦੇ ਨਾਲ ਜੁੜਨ ਦਾ ਹੀ ਮੌਕਾ ਹੈ। ਬੇਸ਼ੱਕ ਮੈਂ ਆਪਣੇ ਪੂਰੇ ਪਰਿਵਾਰ ਨੂੰ ਸਮਾਂ ਨਾਂ ਦੇ ਸਕਾ ਪਰ ਮੈਂ ਤਿਉਹਾਰਾਂ ਸਮੇਂ ਆਪਣੇ ਪਰਿਵਾਰ ਨਾਲ ਰਹਿਣ ਦਾ ਮੌਕਾ ਕਦੇ ਨਹੀਂ ਗਵਾਉਂਦੀ। ਇਸ ਵਾਰ ਦੀ ਲੋਹੜੀ ਤੇ ਮੇਰੇ ਸਾਰੇ ਦੋਸਤ ਮੇਰੇ ਘਰ ਆਏ ਤੇ ਅਸੀਂ ਲੋਹੜੀ ਪੂਰੀ ਖੱਪ ਪਾ ਕੇ ਮਨਾਈ, ਡੀ.ਜੇ. ਲੱਗੇ ਡਾਂਸ ਕੀਤਾ ਤੇ ਘਰ ਅੰਦਰ ਹੀ ਮੁਕਾਬਲੇ ਕਰਵਾਏ ਪੂਰੇ ਦਿਨ ਤੇ ਰਾਤ ਅਸੀਂ ਮੌਜ ਮਸਤੀ ਕੀਤੀ| ਪਤੰਗ ਮੁਕਾਬਲੇ ਚ ਹਮੇਸ਼ਾ ਦੀ ਤਰਾਂ ਇਸ ਵਾਰ ਵੀ ਮਈ ਹੀ ਜਿੱਤੀ, ਸੱਚਮੁੱਚ ਇਹ ਲੋਹੜੀ ਦਾ ਤਿਉਹਾਰ ਮੇਰੇ ਲਈ ਬਹੁਤ ਹੀ ਖਾਸ ਹੈ।”
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
