ਸੀ.ਐਮ. ਚੰਨੀ VS ਸੀ.ਐਮ. ਕੇਜਰੀਵਾਲ
ਚੰਡੀਗੜ੍ਹ : ਪੰਜਾਬ ਦੀ ਸਿਆਸਤ ਦਿਨੋਂ ਦਿਨ ਭਖਦੀ ਜਾ ਰਹੀ ਹੈ। ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਵੱਡੇ ਆਗੂਆਂ ਦੀ ਜ਼ੁਬਾਨੀ ਜੰਗ ਵੀ ਤੇਜ਼ ਹੁੰਦੀ ਜਾ ਰਹੀ ਹੈ। ਬੀਤੇ ਰੋਜ਼ ਮੁੱਖ ਮੰਤਰੀ ਚੰਨੀ ਨੇ ਵਿਰੋਧੀ ਧਿਰ ‘ਆਪ’ ਦੇ ਸੁਪਰੀਮੋ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ‘ਤੇ ਤਿੱਖਾ ਸ਼ਬਦੀ ਹਮਲਾ ਕਰਦਿਆਂ ਤੰਜ਼ ਕੱਸਿਆ ਸੀ ਕਿ ਕੇਜਰੀਵਾਲ ਲੋਕਾਂ ਦੀ ਹਮਦਰਦੀ ਲੈਣ ਖਾਤਰ ਜਾਣਬੁੱਝ ਕੇ ਸਾਧਾਰਣ ਕੱਪੜੇ ਪਹਿਨਦੇ ਹਨ । ਮੁੱਖ ਮੰਤਰੀ ਨੇ ਚੰਨੀ ਨੇ ਕਿਹਾ ਸੀ ਕਿ ਇਸ ਤਰਾਂ ਕਰਕੇ ਉਹ ਲੋਕਾਂ ਨੂੰ ਬੇਵਕੂਫ਼ ਬਣਾ ਰਹੇ ਹਨ।
ਇਸਦੇ ਪ੍ਰਤੀਕਰਮ ਵਜੋਂ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਬੂੱਧਵਾਰ ਨੂੰ ਠੋਕਵਾਂ ਜਵਾਬ ਦਿੱਤਾ ਅਤੇ ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ‘ਤੇ ਨਿਸ਼ਾਨਾ ਸਾਧਿਆ।
ਕੇਜਰੀਵਾਲ ਨੇ ਟਵੀਟ ਕਰਦਿਆਂ ਕਿਹਾ, “ਤੁਹਾਨੂੰ ਮੇਰੇ ਕੱਪੜੇ ਪਸੰਦ ਨਹੀਂ, ਇਸ ਨਾਲ ਕੋਈ ਫ਼ਰਕ ਨਹੀਂ ਪੈਂਦਾ। ਜਨਤਾ ਨੂੰ ਪਸੰਦ ਹਨ । ਕੱਪੜੇ ਛੱਡੋ ਅਤੇ ਦੱਸੋ ਕਿ ਤੁਸੀਂ ਵਾਅਦੇ ਕਦੋਂ ਪੂਰੇ ਕਰੋਗੇ ?”
ਕੇਜਰੀਵਾਲ ਨੇ ਬਿੰਦੂਵਾਰ ਪੁੱਛਿਆ ;
1. ਤੁਸੀਂ ਹਰ ਬੇਰੁਜ਼ਗਾਰ ਨੂੰ ਰੁਜ਼ਗਾਰ ਕਦੋਂ ਦੇਵੋਗੇ ?
2. ਕਿਸਾਨਾਂ ਦੇ ਕਰਜ਼ੇ ਕਦੋਂ ਮੁਆਫ ਕਰੋਗੇ ?
3. ਬੇਅਦਬੀ ਦੇ ਦੋਸ਼ੀਆਂ ਨੂੰ ਜੇਲ੍ਹ ਕਿਉਂ ਨਹੀਂ ਭੇਜਦੇ ?
4. ਦਾਗੀ ਮੰਤਰੀਆਂ, ਵਿਧਾਇਕਾਂ ਅਤੇ ਅਫਸਰਾਂ ਦੇ ਵਿਰੁੱਧ ਐਕਸ਼ਨ ਕਦੋਂ ਕਦੋਂ ਲਵੋਗੇ ?”
चन्नी साहिब, आपको मेरे कपड़े पसंद नहीं। कोई बात नहीं। जनता को पसंद हैं
कपड़े छोड़ो। ये वादे कब पूरे करोगे?
1. हर बेरोज़गार को रोज़गार कब दोगे
2. किसानों के क़र्ज़े कब माफ़ करोगे
3. बेअदबी के दोषियों को जेल क्यों नहीं भेजते
4. दागी मंत्रियों, MLA और अफ़सरों पर ऐक्शन कब लोगे https://t.co/EKw2rd8qdB
— Arvind Kejriwal (@ArvindKejriwal) October 6, 2021
ਕੇਜਰੀਵਾਲ ਨੇ ਇਸ ਪਲਟਵਾਰ ਤੋਂ ਬਾਅਦ ਹੁਣ ਵੇਖਣਾ ਹੋਵੇਗਾ ਮੁੱਖ ਮੰਤਰੀ ਚੰਨੀ ਵੱਲੋਂ ਜ਼ੁਬਾਨੀ ਜਵਾਬ ਦਿੱਤਾ ਜਾਂਦਾ ਹੈ ਜਾਂ ਕਾਂਗਰਸ ਦੇ ਵਾਅਦਿਆਂ ਬਾਰੇ ਕੋਈ ਠੋਸ ਐਕਸ਼ਨ ਲੈਂਦੇ ਹੋਏ ਵਿਰੋਧੀਆਂ ਦੀ ਬੋਲਤੀ ਬੰਦ ਕੀਤੀ ਜਾਵੇਗੀ ।
