ਕੰਗਨਾ ਨੂੰ CM ਯੋਗੀ ਨਾਲ ਆਪਣੀ ਪਹਿਲੀ ਮੁਲਾਕਾਤ ਆਈ ਯਾਦ,ਕਹੀ ਇਹ ਗੱਲ

ਨਿਊਜ਼ ਡੈਸਕ: ਕੰਗਨਾ ਰਣੌਤ ਨਾ ਸਿਰਫ ਐਕਟਿੰਗ ਅਤੇ ਖੂਬਸੂਰਤੀ ‘ਚ ਛਾਈ ਰਹਿੰਦੀ ਹੈ ਸਗੋਂ ਆਪਣੇ ਬਿਆਨਾਂ ਨੂੰ ਲੈ ਕੇ ਵੀ ਸੁਰਖੀਆਂ ‘ਚ ਰਹਿੰਦੀ ਹੈ। ਰਾਜਨੀਤੀ ਹੋਵੇ ਜਾਂ ਬਾਲੀਵੁੱਡ, ਕੰਗਨਾ ਹਰ ਮੁੱਦੇ ‘ਤੇ ਖੁੱਲ੍ਹ ਕੇ ਬੋਲਦੀ ਹੈ।  ਆਪਣੇ ਸੋਸ਼ਲ਼ ਮੀਡੀਆ ਅਕਾਉਂਟ ‘ਤੇ ਕੰਗਨਾ ਨੇ  ਕੁਝ ਅਜਿਹਾ ਸਾਂਝਾ ਕੀਤਾ, ਜਿਸ ਨੂੰ ਲੋਕ ਉੱਤਰ ਪ੍ਰਦੇਸ਼ ‘ਚ ਅਤੀਕ ਅਹਿਮਦ ਅਤੇ ਉਸ ਦੇ ਭਰਾ ਅਸ਼ਰਫ ਦੇ ਕਤਲ ਨਾਲ ਜੋੜ ਕੇ ਦੇਖ ਰਹੇ ਹਨ। ਹਾਲਾਂਕਿ ਉਨ੍ਹਾਂ ਨੇ ਸਪੱਸ਼ਟ ਤੌਰ ‘ਤੇ ਕੁਝ ਨਹੀਂ ਲਿਖਿਆ ਪਰ ਸੀਐਮ ਯੋਗੀ ਦੀ ਤਸਵੀਰ ਅਤੇ ਧਰਮ-ਅਧਰਮ ਦੇ ਜ਼ਿਕਰ ਤੋਂ ਲੋਕਾਂ ਨੇ ਇਹ ਸਿੱਟਾ ਕੱਢਿਆ ਕਿ ਉਨ੍ਹਾਂ ਦਾ ਇਸ਼ਾਰਾ ਕਿੱਥੇ ਹੈ।

ਕੰਗਨਾ ਰਣੌਤ ਨੇ ਆਪਣੀ ਇੰਸਟਾ ਸਟੋਰੀ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਇਹ ਕਲਿੱਪ ਕੰਗਨਾ ਅਤੇ ਸੀਐਮ ਯੋਗੀ ਦੀ ਪਹਿਲੀ ਮੁਲਾਕਾਤ ਦਾ ਹੈ। ਇਸ ਦੇ ਨਾਲ ਹੀ ਕੰਗਨਾ ਨੇ ਇਹ ਵੀ ਦੱਸਿਆ ਕਿ ਸੀਐਮ ਯੋਗੀ ਨੇ ਉਨ੍ਹਾਂ ਨੂੰ ਪਹਿਲੀ ਮੁਲਾਕਾਤ ਵਿੱਚ ਕੀ ਕਿਹਾ ਸੀ। ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਕੰਗਨਾ ਨੇ ਕੈਪਸ਼ਨ ‘ਚ ਲਿਖਿਆ, ”ਯੋਗੀ ਜੀ ਨੇ ਪਹਿਲੀ ਮੁਲਾਕਾਤ ‘ਚ ਕਿਹਾ, ਤੁਸੀਂ ਮੇਰੀ ਭੈਣ ਹੋ ਅਤੇ ਜੇਕਰ ਤੁਹਾਡੀ ਸੁਰੱਖਿਆ ਨਾਲ ਜੁੜੀ ਕੋਈ ਗੱਲ ਹੈ ਤਾਂ ਮੈਨੂੰ ਦੱਸੋ, ਇੰਨੀ ਮਹਾਨ ਅਤੇ ਕੋਮਲ ਸ਼ਖਸੀਅਤ ਯੋਗੀ ਜੀ।

ਕੰਗਨਾ ਰਣੌਤ ਨੇ ਆਪਣੀ ਇੰਸਟਾ ਸਟੋਰੀ ‘ਚ ਸੀਐੱਮ ਯੋਗੀ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ- “ਧਰਮ-ਗ੍ਰੰਥ ਕਹਿੰਦੇ ਹਨ ਕਿ ਧਰਮ ਦੀ ਸਥਾਪਨਾ ਸਿਰਫ਼ ਧਰਮ ਦਾ ਪਾਲਣ ਕਰਨ ਨਾਲ ਨਹੀਂ ਹੁੰਦੀ, ਸਗੋਂ ਅਧਰਮ ਦੇ ਨਾਸ਼ ਨਾਲ ਵੀ ਹੁੰਦੀ ਹੈ।” ਤਸਵੀਰ ‘ਚ ਯੋਗੀ ਜੀ ਕਿਸੇ ਨਾਲ ਫੋਨ ‘ਤੇ ਗੱਲ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਕੰਗਨਾ ਨੇ ਲਿਖਿਆ- “ਤੁਸੀਂ ਲੋਕ ਰੋਣਾ ਬੰਦ ਕਰੋ, ਆਵਾਜ਼ ਮੇਰੇ ਕੋਲ ਆ ਰਹੀ ਹੈ” ਅਯੁੱਧਿਆ ਵਿੱਚ ਸੰਨਿਆਸੀ ਰਾਜਿਆਂ ਦੀ ਪਰੰਪਰਾ ਹੈ, ਜਿਨ੍ਹਾਂ ਨੇ ਭਾਰਤ ਨੂੰ ਬਚਾਇਆ ਹੈ… ਜੈ ਸ਼੍ਰੀ ਰਾਮ

ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਤੀਸਰੀ ਕਹਾਣੀ ਦੇ ਤੌਰ ‘ਤੇ ਯੋਗੀ ਜੀ ਦਾ ਇਕ ਵੀਡੀਓ ਵੀ ਸਾਂਝਾ ਕੀਤਾ ਹੈ, ਜਿਸ ‘ਚ ਉਹ ਕਹਿੰਦੇ ਹੋਏ ਨਜ਼ਰ ਆ ਰਹੇ ਹਨ, ‘ਮੈਂ ਗਰਮੀ ਨੂੰ ਬਾਹਰ ਕੱਢਣਾ ਜਾਣਦਾ ਹਾਂ, ਮਈ ਹੋਵੇ ਜਾਂ ਜੂਨ, ਮੈਂ ਠੰਡਾ ਕਰਨਾ ਜਾਣਦਾ ਹਾਂ।’ ਲੋਕ ਅੰਦਾਜ਼ਾ ਲਗਾ ਰਹੇ ਹਨ ਕਿ ਅਤੀਕ ਅਹਿਮਦ ਅਤੇ ਉਸ ਦੇ ਭਰਾ ਦੇ ਕਤਲ ‘ਤੇ ਕੰਗਨਾ ਰਮੌਤ ਦੀ ਇਹ ਪ੍ਰਤੀਕਿਰਿਆ ਆਈ ਹੈ। ਦੱਸ ਦੇਈਏ ਕਿ ਬੀਤੀ ਰਾਤ ਯੂਪੀ ਦੇ ਇਸ ਬਾਹੂਬਲੀ ਅਤੇ ਉਸਦੇ ਭਰਾ ਦੀ ਤਿੰਨ ਨੌਜਵਾਨਾਂ ਨੇ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ।

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.