ਓਟਵਾ: ਕੈਨੇਡਾ ‘ਚ ਖਾਲੀ ਅਸਾਮੀਆਂ ਦਾ ਦਾ ਅੰਕੜਾ 10 ਲੱਖ ਪਾਰ ਕਰ ਚੁੱਕਿਆ ਹੈ। ਸਟੈਟਿਸਟਿਕਸ ਕੈਨੇਡਾ ਵਲੋਂ ਨੌਕਰੀ ਦੀਆਂ ਅਸਾਮੀਆਂ, ਤਨਖਾਹਾਂ ਅਤੇ ਕਮਾਈਆਂ ਬਾਰੇ ਜਾਰੀ ਕੀਤੀ ਗਈ ਤਾਜ਼ਾ ਰਿਪੋਰਟ ਮੁਤਾਬਕ ਕੈਨੇਡੀਅਨ ਰੁਜ਼ਗਾਰਦਾਤਾ ਲਗਾਤਾਰ ਕਾਮਿਆਂ ਦੀ ਕਮੀ ਨਾਲ ਜੂਝ ਰਹੇ ਹਨ ਅਤੇ ਜੂਨ ਮਹੀਨੇ ਦੌਰਾਨ ਖਾਲੀ ਅਸਾਮੀਆਂ ਦੀ ਗਿਣਤੀ ‘ਚ 3.2 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਰਿਪੋਰਟਾਂ ਮੁਤਾਬਕ ਰੁਜ਼ਗਾਰਦਾਤਾ 10,37,900 ਅਹੁਦਿਆਂ ਨੂੰ ਭਰਨ ਦੀ ਸਰਗਰਮੀ ਨਾਲ ਕੋਸ਼ਿਸ਼ ਕਰ ਰਹੇ ਹਨ ਅਤੇ ਮਈ ਮਹੀਨੇ ਦੌਰਾਨ ਇਹ ਗਿਣਤੀ 10,05,700 ਸੀ। ਉੱਥੇ ਹੀ ਜੂਨ ਵਿੱਚ ਖ਼ਾਲੀ ਨੌਕਰੀਆਂ ਦੀ ਦਰ 5.9 ਪ੍ਰਤੀਸ਼ਤ ਦਰਜ ਕੀਤੀ ਗਈ। 2021 ਦੇ ਜੂਨ ਮਹੀਨੇ ਦੌਰਾਨ ਇਹ ਦਰ 4.9 ਫੀਸਦੀ ਹੈ।
ਇਸ ਤੋਂ ਇਲਾਵਾ ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਹੈਲਥ ਕੇਅਰ ਅਤੇ ਸੋਸ਼ਲ ਅਸਿਸਟੈਂਸ ਸੈਕਟਰ ਵਿੱਚ ਰੁਜ਼ਗਾਰਦਾਤਾ ਜੂਨ ਦੌਰਾਨ 1,49,700 ਖਾਲੀ ਨੌਕਰੀਆਂ ਨੂੰ ਭਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ, ਜੋ ਕਿ ਮਈ ਤੋਂ 4.3 ਫੀਸਦੀ ਅਤੇ ਬੀਤੇ ਸਾਲ ਦੇ ਮੁਕਾਬਲੇ 40.8 ਫੀਸਦੀ ਵੱਧ ਹੈ।
ਰਿਹਾਇਸ਼ ਅਤੇ ਫੂਡ ਸਰਵਿਸ ਦੇ ਖ਼ੇਤਰ ਵਿੱਚ ਜੂਨ ਵਿੱਚ ਕੁੱਲ 1,71,700 ਅਸਾਮੀਆਂ ਹਨ, ਜੋ ਮਈ ਦੇ ਮੁਕਾਬਲੇ 6.6 ਫੀਸਦੀ ਅਤੇ ਜੂਨ 2021 ਤੋਂ 38.8 ਫੀਸਦੀ ਵੱਧ ਹਨ।
ਰਿਟੇਲ ਖੇਤਰ ਵਿੱਚ 1,14,400 ਖਾਲੀ ਅਸਾਮੀਆਂ ਹਨ। ਮਈ ਦੇ ਮੁਕਾਬਲੇ ਜੂਨ ਵਿੱਚ 15.3 ਫ਼ੀਸਦੀ ਦਾ ਵਾਧਾ ਹੋਇਆ ਹੈ। ਜੂਨ 2021 ਦੇ ਮੁਕਾਬਲੇ ਰਿਟੇਲ ਸੈਕਟਰ ਵਿੱਚ ਅਸਾਮੀਆਂ ਵਿੱਚ 22.5 ਫੀਸਦੀ ਦਾ ਵਾਧਾ ਹੋਇਆ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
