ਨਵੀਂ ਦਿੱਲੀ: ਦਿੱਲੀ ਪੁਲਿਸ ਨੇ ਭਾਰਤ ਦਾ ਸਭ ਤੋਂ ਵੱਡਾ ਕਾਰ ਚੋਰ ਗ੍ਰਿਫਤਾਰ ਕਰ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਨਿਲ ‘ਤੇ 5000 ਤੋਂ ਜ਼ਿਆਦਾ ਕਾਰਾਂ ਚੋਰੀ ਕਰਨ ਦੇ ਦੋਸ਼ ਹਨ, ਉਹ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਕਾਰਾਂ ਚੋਰੀ ਕਰ ਚੁੱਕਿਆ ਹੈ। ਪੁਲਿਸ ਮੁਤਾਬਕ 52 ਸਾਲਾ ਅਨਿਲ ਦੀ ਦਿੱਲੀ, ਮੁੰਬਈ ਅਤੇ ਉੱਤਰ ਪੂਰਬ ‘ਚ ਕਾਫੀ ਜਾਇਦਾਦ ਹੈ, ਉਹ ਲਗਜ਼ਰੀ ਜ਼ਿੰਦਗੀ ਜੀਅ ਰਿਹਾ ਸੀ।
ਪੁਲਿਸ ਵਲੋਂ ਦਾਅਵਾ ਕੀਤਾ ਗਿਆ ਹੈ ਕਿ ਉਹ ਦੇਸ਼ ਦਾ ਸਭ ਤੋਂ ਵੱਡਾ ਕਾਰ ਚੋਰ ਹੈ ਅਤੇ ਪਿਛਲੇ 27 ਸਾਲਾਂ ਵਿੱਚ ਕਥਿਤ ਤੌਰ ‘ਤੇ 5,000 ਤੋਂ ਵੱਧ ਕਾਰਾਂ ਚੋਰੀ ਕਰ ਚੁੱਕਿਆ ਹੈ। ਦਿੱਲੀ ਪੁਲਿਸ ਦੇ ਸਪੈਸ਼ਲ ਸਟਾਫ਼ ਨੇ ਉਸ ਨੂੰ ਦੇਸ਼ਬੰਧੂ ਗੁਪਤਾ ਰੋਡ ਇਲਾਕੇ ਤੋਂ ਸੂਹ ਮਿਲਣ ‘ਤੇ ਕਾਬੂ ਕੀਤਾ। ਪੁਲਿਸ ਮੁਤਾਬਕ ਅਨਿਲ ਫਿਲਹਾਲ ਹਾਲੇ ਇਸ ਸਮੇਂ ਹਥਿਆਰਾਂ ਦੀ ਤਸਕਰੀ ਵਿੱਚ ਸ਼ਾਮਲ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਹ ਉੱਤਰ ਪ੍ਰਦੇਸ਼ ਤੋਂ ਹਥਿਆਰ ਲਿਆ ਰਿਹਾ ਸੀ ਅਤੇ ਉੱਤਰ ਪੂਰਬੀ ਸੂਬਿਆਂ ‘ਚ ਪਾਬੰਦੀਸ਼ੁਦਾ ਸੰਗਠਨਾਂ ਨੂੰ ਸਪਲਾਈ ਕਰਦਾ ਸੀ।
ਇਸ ਤੋਂ ਇਲਾਵਾ ਇਹ ਜਾਣਕਾਰੀ ਵੀ ਮਿਲੀ ਹੈ ਕਿ ਅਨਿਲ ਚੌਹਾਨ 1995 ‘ਚ ਦਿੱਲੀ ਦੇ ਖਾਨਪੁਰ ਇਲਾਕੇ ‘ਚ ਰਹਿੰਦਾ ਸੀ ਅਤੇ ਉਸ ਵੇਲੇ ਆਟੋ ਚਲਾਉਂਦਾ ਸੀ। ਇਸ ਤੋਂ ਬਾਅਦ ਹੌਲੀ-ਹੌਲੀ ਉਸ ਨੇ ਅਪਰਾਧ ਦੀ ਦੁਨੀਆ ਵਿੱਚ ਕਦਮ ਰੱਖਿਆ ਤੇ ਕਾਰਾਂ ਚੋਰੀ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ।
ਦੱਸ ਦਈਏ ਕਿ ਅਨਿਲ ਚੌਹਾਨ 1995 ਤੋਂ ਕਾਰਾਂ ਚੋਰੀ ਕਰ ਰਿਹਾ ਹੈ ਤੇ ਉਹ ਇਨ੍ਹਾਂ ਕਾਰਾਂ ਨੂੰ ਨੇਪਾਲ, ਜੰਮੂ-ਕਸ਼ਮੀਰ ਅਤੇ ਉੱਤਰ ਪੂਰਬੀ ਸੂਬਿਆਂ ‘ਚ ਭੇਜਦਾ ਸੀ।
ਸਾਲ 2015 ਵਿੱਚ ਅਨਿਲ ਚੌਹਾਨ ਨੂੰ ਅਸਮ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਸੀ। ਉਹ ਪੰਜ ਸਾਲ ਜੇਲ੍ਹ ਵਿੱਚ ਰਿਹਾ ਅਤੇ 2020 ਵਿੱਚ ਰਿਹਾਅ ਹੋ ਗਿਆ। ਉਸ ਖ਼ਿਲਾਫ਼ 180 ਕੇਸ ਦਰਜ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਉਸ ਕੋਲ ਕਈ ਸੂਬਿਆਂ ਵਿੱਚ ਬੇਹਿਸਾਬ ਜਾਇਦਾਦਾਂ ਹਨ। ਦਿੱਲੀ, ਮੁੰਬਈ ਤੋਂ ਲੈ ਕੇ ਪੂਰਬੀ ਰਾਜਾਂ ਤੱਕ ਉਸ ਨੇ ਕਈ ਜਾਇਦਾਦਾਂ ਬਣਾਈਆਂ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
