ਨਵੀਂ ਦਿੱਲੀ: ਜੇਕਰ ਤੁਸੀਂ ਪਾਸਪੋਰਟ ਬਣਾਉਣ ਜਾਂ ਰਿਨਿਊ ਕਰਵਾਉਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਇਹ ਜਾਣਕਾਰੀ ਤੁਹਾਡੇ ਲਈ ਅਹਿਮ ਹੋ ਸਕਦੀ ਹੈ। ਕੇਂਦਰ ਸਰਕਾਰ ਨੇ ਲਗਭਗ 14 ਸਾਲਾਂ ਬਾਅਦ ਪਾਸਪੋਰਟ ਸੇਵਾਵਾਂ ਦੀਆਂ ਫੀਸਾਂ ਵਿੱਚ ਸੋਧ ਕੀਤੀ ਹੈ ਅਤੇ ਨਵੇਂ ਰੇਟ 1 ਜੁਲਾਈ 2026 ਤੋਂ ਲਾਗੂ ਹੋਣਗੇ। ਇਸ ਦਾ ਅਸਰ ਨਵੇਂ ਪਾਸਪੋਰਟ, ਰੀ-ਇਸ਼ੂ, ਗੁੰਮ ਜਾਂ ਖਰਾਬ ਪਾਸਪੋਰਟ ਅਤੇ ਤਤਕਾਲ ਸੇਵਾਵਾਂ ਸਮੇਤ ਵੱਖ-ਵੱਖ ਸ਼੍ਰੇਣੀਆਂ ‘ਤੇ ਪਵੇਗਾ।
ਕਿਹੜੀਆਂ ਫੀਸਾਂ ਵਿੱਚ ਹੋਇਆ ਵਾਧਾ?
18 ਸਾਲ ਜਾਂ ਇਸ ਤੋਂ ਵੱਧ ਉਮਰ ਵਾਲਿਆਂ ਲਈ ਆਮ ਸ਼੍ਰੇਣੀ ਅਧੀਨ 36 ਪੰਨਿਆਂ ਵਾਲੇ ਨਵੇਂ ਜਾਂ ਮੁੜ ਜਾਰੀ ਪਾਸਪੋਰਟ ਦੀ ਫੀਸ 1,500 ਰੁਪਏ ਤੋਂ ਵਧਾ ਕੇ 2,500 ਰੁਪਏ ਕਰ ਦਿੱਤੀ ਗਈ ਹੈ। ਤਤਕਾਲ ਸੇਵਾ ਲਈ ਇਹ ਫੀਸ 3,500 ਰੁਪਏ ਤੋਂ ਵਧ ਕੇ 5,000 ਰੁਪਏ ਹੋ ਜਾਵੇਗੀ।
60 ਪੰਨਿਆਂ ਵਾਲੇ ਆਮ ਪਾਸਪੋਰਟ ਦੀ ਫੀਸ 2,000 ਰੁਪਏ ਤੋਂ ਵਧਾ ਕੇ 3,500 ਰੁਪਏ ਕਰ ਦਿੱਤੀ ਗਈ ਹੈ, ਜਦਕਿ ਤਤਕਾਲ ਸੇਵਾ ਲਈ ਇਹ 6,000 ਰੁਪਏ ਹੋਵੇਗੀ।
ਗੁੰਮ ਜਾਂ ਖਰਾਬ ਹੋਏ 36 ਪੰਨਿਆਂ ਵਾਲੇ ਤਤਕਾਲ ਪਾਸਪੋਰਟ ਲਈ ਫੀਸ 7,000 ਰੁਪਏ ਤੱਕ ਵਧਾ ਦਿੱਤੀ ਗਈ ਹੈ। ਨਾਬਾਲਗਾਂ ਲਈ ਆਮ ਪਾਸਪੋਰਟ ਦੀ ਫੀਸ 1,000 ਤੋਂ ਵਧ ਕੇ 1,750 ਰੁਪਏ ਅਤੇ ਤਤਕਾਲ ਫੀਸ 4,250 ਰੁਪਏ ਹੋ ਜਾਵੇਗੀ।
ਪਾਸਪੋਰਟ ਦੀ ਵੈਧਤਾ ਵਿੱਚ ਕੋਈ ਬਦਲਾਅ ਨਹੀਂ
ਫੀਸਾਂ ਵਿੱਚ ਵਾਧਾ ਕੀਤਾ ਗਿਆ ਹੈ, ਪਰ ਪਾਸਪੋਰਟ ਦੀ ਵੈਧਤਾ ਪਹਿਲਾਂ ਵਾਂਗ ਹੀ ਰਹੇਗੀ। ਬਾਲਗਾਂ ਲਈ ਸਟੈਂਡਰਡ ਪਾਸਪੋਰਟ 10 ਸਾਲ ਲਈ ਵੈਧ ਰਹੇਗਾ, ਜਦਕਿ ਨਾਬਾਲਗਾਂ ਲਈ 5 ਸਾਲ ਜਾਂ 18 ਸਾਲ ਦੀ ਉਮਰ ਤੱਕ, ਜੋ ਵੀ ਪਹਿਲਾਂ ਹੋਵੇ।
ਪਾਸਪੋਰਟ ਲਈ ਆਨਲਾਈਨ ਅਰਜ਼ੀ ਕਿਵੇਂ ਕਰੀਏ?
ਅਰਜ਼ੀ ਦੇਣ ਲਈ ਅਧਿਕਾਰਕ ਵੈਬਸਾਈਟ Passport Seva Portal ‘ਤੇ ਜਾਓ। ਉੱਥੇ “Apply for Passport” ਵਿਕਲਪ ਚੁਣੋ, ਫਿਰ Fresh, Re-issue ਜਾਂ Tatkal ਕੈਟੇਗਰੀ ਚੁਣੋ। ਇਸ ਤੋਂ ਬਾਅਦ ਰਜਿਸਟਰ ਜਾਂ ਲੌਗਇਨ ਕਰਕੇ ਵੇਰਵੇ ਭਰੋ ਅਤੇ ਫੀਸ ਜਮ੍ਹਾਂ ਕਰਵਾਓ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ਅਤੇ ਇੰਸਟਾਗ੍ਰਾਮ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
