ਤੇਲੰਗਾਨਾ ‘ਚ ਕਾਂਗਰਸ ਨੇਤਾ ਤੋਂ ਹੋਈ ਗਲਤੀ, ਲਿਖਿਆ ‘ਭਾਰਤ ਤੋੜੋ ਯਾਤਰਾ’

ਨਿਊਜ਼ ਡੈਸਕ: ਕਈ ਵਾਰ ਲਿਖਣ ਵਿੱਚ ਇੱਕ ਛੋਟੀ ਜਿਹੀ ਗਲਤੀ ਮਹਿੰਗੀ ਪੈ ਜਾਂਦੀ ਹੈ। ਤੇਲੰਗਾਨਾ ‘ਚ ਕਾਂਗਰਸ ਨੇਤਾ ਰੋਹਿਨ ਰੈੱਡੀ ਨਾਲ ਵੀ ਅਜਿਹਾ ਹੀ ਹੋਇਆ ਹੈ।ਉਨ੍ਹਾਂ ਨੇ ਭਾਰਤ ਜੋੜੋ ਯਾਤਰਾ ਦੇ ਸਬੰਧ ਵਿੱਚ ਆਪਣੇ ਟਵੀਟ ਵਿੱਚ ‘ਜੋੜੋ’ ਦੀ ਥਾਂ ‘ਤੋੜੋ’ ਸ਼ਬਦ ਲਿੱਖ ਦਿਤਾ । ਜਿਸ ਤੋਂ ਬਾਅਦ ਕਾਂਗਰਸ ਪਾਰਟੀ ਨੂੰ ਸ਼ਰਮਸਾਰ ਹੋਣਾ ਪਿਆ ਹੈ।

ਦੱਸ ਦਈਏ ਕਿ ਤੇਲੰਗਾਨਾ ਕਾਂਗਰਸ ਦੇ ਸੂਬਾ ਸਕੱਤਰ ਡਾਕਟਰ ਰੋਹਿਨ ਰੈੱਡੀ, ਜੋ ਕਿ ਹੈਦਰਾਬਾਦ ‘ਚ ਭਾਰਤ ਜੋੜੋ ਯਾਤਰਾ ਦੇ ਸੰਯੋਜਕ ਵੀ ਸਨ, ਨੇ ਭਾਰਤ ਜੋੜੋ ਯਾਤਰਾ ‘ਚ ਹਿੱਸਾ ਲੈਣ ਆਏ ਕਾਂਗਰਸ ਪ੍ਰਧਾਨ ਮਲਿਕਾਰਜੁਨ ਖੜਗੇ ਨਾਲ ਮੁਲਾਕਾਤ ਕਰਨ ਤੋਂ ਬਾਅਦ ਟਵੀਟ ਕੀਤਾ ਸੀ। ਰੋਹਿਨ ਰੈੱਡੀ ਨੇ ਆਪਣੇ ਟਵਿੱਟਰ ਹੈਂਡਲ ‘ਤੇ ਕਾਂਗਰਸ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਮਲਿਕਾਰਜੁਨ ਖੜਗੇ ਅਤੇ ਸੂਬਾ ਕਾਂਗਰਸ ਪ੍ਰਧਾਨ ਏ.ਕੇ. ਰੇਵੰਤ ਰੈਡੀ ਅਤੇ ਪਾਰਟੀ ਦੇ ਜਨਰਲ ਸਕੱਤਰ ਕੇ.ਸੀ. ਵੇਣੂਗੋਪਾਲ ਨੂੰ ਟੈਗ ਕਰਦੇ ਹੋਏ ਲਿਖਿਆ, ‘ਗੌਰ ਅਤੇ ਮਹਾਨ ਪਲ ਜਦੋਂ ਏਆਈਸੀਸੀ ਪ੍ਰਧਾਨ ਖੜਗੇ ਨੇ ਹੈਦਰਾਬਾਦ ਵਿੱਚ ਬ੍ਰੇਕ ਇੰਡੀਆ ਯਾਤਰਾ ਲਈ ਮੇਰੀ ਸ਼ਲਾਘਾ ਕੀਤੀ। ਸਰਾਹਨਾ ਲਈ ਧੰਨਵਾਦ। ਉਨ੍ਹਾਂ ਨੇ ਖੜਗੇ ਅਤੇ ਹੋਰ ਨੇਤਾਵਾਂ ਨਾਲ ਲਈ ਗਈ ਤਸਵੀਰ ਵੀ ਪੋਸਟ ਕੀਤੀ। ਸਪੱਸ਼ਟ ਤੌਰ ‘ਤੇ ਇਸ ਗਲਤੀ ਦੀ ਪਰਵਾਹ ਕੀਤੇ ਬਿਨਾਂ, ਤੇਲੰਗਾਨਾ ਕਾਂਗਰਸ ਨੇ ਇਸ ਨੂੰ ਰੀਟਵੀਟ ਕੀਤਾ। ਹਾਲਾਂਕਿ, ਰੋਹਿਨ ਰੈੱਡੀ ਨੇ ਬਾਅਦ ਵਿੱਚ ਗਲਤੀ ਦਾ ਅਹਿਸਾਸ ਹੋਣ ਤੋਂ ਬਾਅਦ ਆਪਣਾ ਟਵੀਟ ਡਿਲੀਟ ਕਰ ਦਿੱਤਾ ਅਤੇ ਇਸ ਨੂੰ ਸੋਧ ਕੇ ਰੀ-ਟਵੀਟ ਕੀਤਾ।

ਰੋਹਿਨ ਰੈੱਡੀ ਨੇ ਇੱਕ ਹੋਰ ਟਵੀਟ ਵਿੱਚ ਵੀ ਗਲਤੀ ਕੀਤੀ ਹੈ। ਇਸ ਟਵੀਟ ‘ਚ ਰੋਹਿਨ ਰੈੱਡੀ ਨੇ ਲਿਖਿਆ, ‘ਦੇਸ਼ ਦੇ ਸੱਚੇ ਨੇਤਾ ਦੇ ਨਾਲ ਚੱਲਣ ‘ਤੇ ਮਾਣ ਅਤੇ ਸਨਮਾਨ ਮਹਿਸੂਸ ਕਰ ਰਿਹਾ ਹਾਂ। ਜਿਸ ਨੇ ਭਾਰਤ ਤੋੜੋ ਯਾਤਰਾ ਨਾਲ ਦੇਸ਼ ਨੂੰ ਇਕਜੁੱਟ ਕਰਨ ਲਈ ਪੈਦਲ ਯਾਤਰਾ ਸ਼ੁਰੂ ਕੀਤੀ।’