ਪੰਜਾਬ ਅੰਦਰ ਕੁੜੀਆਂ ਵੀ ਹਨ ਨਸ਼ੇ ਦੀ ਗ੍ਰਿਫ਼ਤ ‘ਚ, ਵੀਡੀਓ ਵਾਇਰਲ, ਪੈਰ ਪੁੱਟਣਾ ਵੀ ਹੋਇਆ ਮੁਸ਼ਕਿਲ

ਅੰਮ੍ਰਿਤਸਰ :ਪੰਜਾਬ ਵਿੱਚ ਕਈ ਨੌਜਵਾਨ ਨਸ਼ੇ ਦੀ ਲਪੇਟ ‘ਚ ਆ ਰਹੇ ਹਨ। ਇਕ ਵੀਡੀਓ ਅੰਮ੍ਰਿਤਸਰ ਦੇ ਮਕਬੂਲਪੁਰਾ ਤੋਂ ਵਾਇਰਲ ਹੋਈ ਹੈ।ਜਿਸ ਵਿੱਚ ਇੱਕ ਮੁਟਿਆਰ ਨਸ਼ਾ ਕਰਦੀ ਦਿਖਾਈ ਦੇ ਰਹੀ ਹੈ। ਹੱਥਾਂ ‘ਚ ਚੂੜਾ ਪਾਈ ਇਕ ਮੁਟਿਆਰ ਨਸ਼ੇ ਦਾ ਟੀਕਾ ਲਾਉਣ ਤੋਂ ਬਾਅਦ ਸਿੱਧੀ ਖੜ੍ਹੀ ਵੀ ਨਹੀਂ ਹੋ ਸਕਦੀ।  ਔਰਤ  ਮਸਾਂ ਆਪਣੇ ਪੈਰਾਂ ‘ਤੇ ਖਲੋਤੀ ਹੋਈ ਹੈ। ਤੁਸੀ ਵੇਖ ਸਕਦੋ ਹੋ ਕਿ ਉਸ ਕੋਲੋਂ ਇੱਕ ਪੈਰ ਵੀ ਪੁਲਾਂਘ ਨਹੀਂ ਪੁੱਟੀ ਜਾ ਰਹੀ। ਨਾ ਤਾਂ ਲੜਕੀ ਤੋਂ ਬੈਠਿਆ ਜਾ ਰਿਹਾ ਹੈ ਅਤੇ ਨਾ ਹੀ ਪੈਰਾਂ ਉਪਰ ਖੜੀ ਹੋ ਪਾ ਰਹੀ ਹੈ।

ਇੰਨਾ ਹੀ ਨਹੀਂ ਔਰਤ ਇਕ ਕਦਮ ਵੀ ਅੱਗੇ ਨਹੀਂ ਤੁਰ ਪਾ ਰਹੀ। ਕੁੜੀ ਦੀ ਉਮਰ ਵੇਖਣ ਵਿੱਚ ਲਗਭਗ 24-25 ਸਾਲ ਦੀ ਲੱਗ ਰਹੀ ਹੈ। ਉਸ ਨੇ ਚੰਗੇ ਕੱਪੜੇ ਪਹਿਨੇ ਹੋਏ ਹਨ।

ਇਹ ਵੀਡੀਓ ਇੱਕ ਕਿਸਾਨ ਆਗੂ ਵੱਲੋਂ ਰਿਕਾਰਡ ਕੀਤੀ ਗਈ ਹੈ। ਮਕਬੂਲਪੁਰਾ ਅੰਮ੍ਰਿਤਸਰ ਦਾ ਉਹ ਇਲਾਕਾ ਹੈ, ਜਿਸ ਨੂੰ ਕਦੇ ਵਿਧਵਾਵਾਂ ਦੀ ਧਰਤੀ ਕਿਹਾ ਜਾਂਦਾ ਸੀ। ਅੱਜ ਵੀ ਹਰ ਘਰ ਵਿੱਚ ਕੋਈ ਨਾ ਕੋਈ ਨਸ਼ੇ ਦਾ ਆਦੀ ਹੈ।

Disclaimer: This article is provided for informational purposes only.  The information should not be taken to represent the opinions, policy, or views of Global Punjab TV, nor any of its staff, employees, or affiliates.