ਨਿਊਜ਼ ਡੈਸਕ: ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹਨ। ਇਨ੍ਹੀਂ ਦਿਨੀਂ ਅਦਾਕਾਰ ਨੂੰ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਦੀਆਂ ਧਮਕੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਗੈਂਗਸਟਰ ਬਿਸ਼ਨੋਈ ਨੇ ਸਲਮਾਨ ਖਾਨ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ ਹੈ।
ਇਸ ਸਾਲ ਸਲਮਾਨ ਦੇ ਘਰ ਦੇ ਬਾਹਰ ਗੋਲੀਬਾਰੀ ਹੋਈ ਸੀ। ਇਸ ਤੋਂ ਬਾਅਦ ਸਲਮਾਨ ਦੇ ਕਰੀਬੀ NCP ਨੇਤਾ ਬਾਬਾ ਸਿੱਦੀਕੀ ਦਾ ਵੀ ਕਤਲ ਕਰ ਦਿੱਤਾ ਗਿਆ ਹੈ। ਇਸ ਸਭ ਦੀ ਜ਼ਿੰਮੇਵਾਰੀ ਲਾਰੈਂਸ ਬਿਸ਼ਨੋਈ ਗੈਂਗ ਨੇ ਲਈ ਹੈ। ਇਹ ਮਾਮਲਾ 1998 ‘ਚ ਫਿਲਮ ‘ਹਮ ਸਾਥ ਸਾਥ ਹੈ’ ਦੀ ਸ਼ੂਟਿੰਗ ਦੌਰਾਨ ਕਾਲੇ ਹਿਰਨ ਦੇ ਸ਼ਿਕਾਰ ਨਾਲ ਸਬੰਧਤ ਹੈ। ਹੁਣ ਬਿਸ਼ਨੋਈ ਗੈਂਗ ਨੇ ਨਵੀਂ ਮੰਗ ਰੱਖੀ ਹੈ।
ਬਾਲੀਵੁੱਡ ਦੇ ਭਾਈਜਾਨ ਦੀ ਇੱਕ ਗੈਂਗਸਟਰ ਨੇ ਰਾਤਾਂ ਦੀ ਨੀਂਦ ਉਡਾ ਦਿੱਤੀ ਹੈ। ਇਸ ਮਾਮਲੇ ‘ਚ ਤਾਜ਼ਾ ਅਪਡੇਟ ਸਾਹਮਣੇ ਆਈ ਹੈ। ਬਿਸ਼ਨੋਈ ਭਾਈਚਾਰੇ ਨੇ ਸਲਮਾਨ ਦੀ ਜਾਨ ਬਖਸ਼ਣ ਲਈ ਸ਼ਰਤ ਰੱਖੀ ਹੈ।
ਰਿਪੋਰਟ ਮੁਤਾਬਕ ਆਲ ਇੰਡੀਆ ਬਿਸ਼ਨੋਈ ਮਹਾਸਭਾ ਦੇ ਰਾਸ਼ਟਰੀ ਪ੍ਰਧਾਨ ਦੇਵੇਂਦਰ ਬੁਡੀਆ ਦਾ ਕਹਿਣਾ ਹੈ ਕਿ ਸਲਮਾਨ ਨੂੰ ਪੰਚਾਇਤ ‘ਚ ਆ ਕੇ ਮੁਆਫੀ ਮੰਗਣੀ ਚਾਹੀਦੀ ਹੈ ਤੇ 27 ਸਾਲ ਪੁਰਾਣੇ ਇਸ ਮਾਮਲੇ ‘ਚ ਬਿਸ਼ਨੋਈ ਭਾਈਚਾਰਾ ਸਲਮਾਨ ਖਾਨ ਨੂੰ ਮੁਆਫ ਕਰ ਸਕਦਾ ਹੈ। ਜੇਕਰ ਸਮਾਜ ਦੇ ਬਜ਼ੁਰਗ ਪੰਚਾਇਤ ਵਿੱਚ ਬੈਠ ਕੇ ਕੋਈ ਫੈਸਲਾ ਲੈਣ ਤਾਂ ਇਹ ਮਾਮਲਾ ਖੂਨ-ਖਰਾਬੇ ਤੋਂ ਬਗੈਰ ਖਤਮ ਹੋ ਸਕਦਾ ਹੈ। ਨਾਲ ਹੀ ਇਹ ਵੀ ਸ਼ਰਤ ਹੈ ਕਿ ਜੇਕਰ ਸਲਮਾਨ ਖਾਨ ਹੋਸ਼ ‘ਚ ਆ ਕੇ ਆਪਣੀ ਗਲਤੀ ਮੰਨ ਕੇ ਮੁਆਫੀ ਮੰਗਦੇ ਹਨ ਤਾਂ ਬਿਸ਼ਨੋਈ ਸਮਾਜ ਆਪਣੇ 29 ਨਿਯਮਾਂ ਤਹਿਤ ਉਸ ਨੂੰ ਮੁਆਫ ਕਰ ਦੇਵੇਗਾ।
ਦਵਿੰਦਰ ਬੁਡੀਆ ਨੇ ਕਿਹਾ ਕਿ ਇਹ ਵਿਵਸਥਾ ਬਿਸ਼ਨੋਈ ਸਮਾਜ ਦੇ 29 ਨਿਯਮਾਂ ‘ਚ ਦਸਵੇਂ ਨਿਯਮ ‘ਚ ਹੈ। ਗਲਤੀ ਹੋਣ ਦੀ ਸੂਰਤ ਵਿੱਚ ਮਾਫੀ ਦੀ ਵਿਵਸਥਾ ਹੈ। ਇਸ ਨਿਯਮ ਦੇ ਤਹਿਤ ਜੇਕਰ ਕਿਸੇ ਨੇ ਅਪਰਾਧ ਕੀਤਾ ਹੈ, ਤਾਂ ਤੁਸੀਂ ਉਸ ‘ਤੇ ਰਹਿਮ ਕਰ ਸਕਦੇ ਹੋ ਅਤੇ ਉਸ ਨੂੰ ਮੁਆਫ ਕਰ ਸਕਦੇ ਹੋ। ਬਿਸ਼ਨੋਈ ਸਮਾਜ ਦਿਆਲੂ ਹੈ, ਇਹ ਯਕੀਨੀ ਤੌਰ ‘ਤੇ ਸਲਮਾਨ ਨੂੰ ਮੁਆਫ ਕਰ ਦੇਵੇਗਾ ਪਰ ਜੇਕਰ ਉਹ ਮੁਆਫੀ ਮੰਗੇ ਤਾਂ ਹੀ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
