ਨਿਊਜ਼ ਡੈਸਕ: ਅਜਕਲ ਆਨਲਾਈਜ਼ ਚੀਜ਼ਾਂ ਮੰਗਵਾਉਣਾ ਆਮ ਹੋ ਗਿਆ ਹੈ।ਸ਼ੌਪਿੰਗ ਤੋਂ ਲੈ ਕੇ ਖਾਣ ਪੀਣ ਦੀਆਂ ਚੀਜ਼ਾਂ ਹੁਣ ਤੁਸੀ ਘਰ ਬੈਠੇ ਹੀ ਮੰਗਵਾ ਲੈਂਦੇ ਹੋ। ਜਦੋਂ ਵੀ ਤੁਹਾਨੂੰ ਕੁਝ ਖਾਣ ਦਾ ਮਨ ਕਰਦਾ ਹੈ, ਤੁਸੀਂ ਇਸਨੂੰ ਆਰਡਰ ਕਰਦੇ ਹੋ। ਕੁਝ ਸਮੇਂ ਵਿੱਚ ਭੋਜਨ ਤੁਹਾਡੇ ਘਰ ਜਾਂ ਦਫ਼ਤਰ ਪਹੁੰਚ ਜਾਂਦਾ ਹੈ। ਉਦੋਂ ਕੀ ਹੋਵੇਗਾ ਜਦੋਂ ਤੁਸੀ ਪੀਜ਼ਾ ਆਡਰ ਕਰਦੇ ਹੋ ਅਤੇ ਰੋਬੋਟ ਤੁਹਾਡੇ ਘਟ ਪੀਜ਼ਾ ਲੈ ਕੇ ਪਹੁੰਚੇ।
ਪੀਜ਼ਾ ਹੱਟ ਕੰਪਨੀ ਨੇ ਕੈਨੇਡਾ ‘ਚ ਇਸ ਦਾ ਟਰਾਇਲ ਕੀਤਾ ਹੈ। ਇਸ ਦੇ ਲਈ ਪੀਜ਼ਾ ਹੱਟ ਨੇ ਸਰਵ ਰੋਬੋਟਿਕਸ ਨਾਲ ਸਾਂਝੇਦਾਰੀ ਕੀਤੀ। ਕੰਪਨੀ ਨੇ ਸਰਵ ਰੋਬੋਟਿਕਸ ਦੇ ਨਾਲ ਸਾਂਝੇਦਾਰੀ ਵਿੱਚ ਦੋ ਹਫ਼ਤਿਆਂ ਲਈ ਘਰ-ਘਰ ਡਿਲੀਵਰੀ ਸ਼ੁਰੂ ਕੀਤੀ ਹੈ। ਲੋਕਾਂ ਦੇ ਘਰਾਂ ਤੱਕ ਪੀਜ਼ਾ ਪਹੁੰਚਾਉਣ ਦਾ ਕੰਮ ਰੋਬੋਟਸ ਨੇ ਕੀਤਾ। ਇਹ ਪਾਇਲਟ ਪ੍ਰੋਜੈਕਟ ਵੈਨਕੂਵਰ ਸ਼ਹਿਰ ਵਿੱਚ ਕੀਤਾ ਗਿਆ ਹੈ। ਇਸ ਤੋਂ ਬਾਅਦ ਇਸ ਸੇਵਾ ਦਾ ਟ੍ਰਾਇਲ ਹੋਰ ਸ਼ਹਿਰਾਂ ਵਿੱਚ ਵੀ ਸ਼ੁਰੂ ਕੀਤਾ ਜਾਵੇਗਾ।
ਜੇਕਰ ਕੋਈ ਰੋਬੋਟ ਰਾਹੀਂ ਪੀਜ਼ਾ ਡਿਲੀਵਰ ਕਰਨਾ ਚਾਹੁੰਦਾ ਹੈ ਤਾਂ ਉਹ ਕੰਪਨੀ ਦੀ ਐਪ ਤੋਂ ਪੀਜ਼ਾ ਆਰਡਰ ਕਰਦੇ ਸਮੇਂ ਰੋਬੋਟਿਕ ਡਿਲੀਵਰੀ ਦਾ ਵਿਕਲਪ ਚੁਣ ਸਕਦਾ ਹੈ। ਤੁਸੀਂ ਐਪ ‘ਤੇ ਰੋਬੋਟ ਦੀ ਲਾਈਵ ਲੋਕੇਸ਼ਨ ਵੀ ਟਰੇਸ ਕਰ ਸਕਦੇ ਹੋ ਜਦੋਂ ਤੱਕ ਇਹ ਡਿਲੀਵਰ ਨਹੀਂ ਹੋ ਜਾਂਦਾ। ਜਦੋਂ ਰੋਬੋਟ ਤੁਹਾਡੇ ਦਰਵਾਜ਼ੇ ‘ਤੇ ਪਹੁੰਚਦਾ ਹੈ, ਤਾਂ ਤੁਸੀਂ ਓਟੀਪੀ ਰਾਹੀਂ ਇਸ ਤੋਂ ਆਰਡਰ ਪ੍ਰਾਪਤ ਕਰ ਸਕਦੇ ਹੋ। ਯਾਨੀ ਕਿ ਇਹ ਸਾਰੀ ਪ੍ਰਕਿਰਿਆ ਉਸੇ ਤਰ੍ਹਾਂ ਕੰਮ ਕਰਦੀ ਹੈ ਜਿਵੇਂ ਕਿ ਇੱਕ ਆਮ ਡਿਲੀਵਰੀ ਲੜਕੇ ਲਈ ਹੁੰਦੀ ਹੈ।
ਰੋਬੋਟ ਨਿਰਮਾਤਾ ਕੰਪਨੀ ਸਰਵ ਰੋਬੋਟਿਕਸ ਦੇ ਸੀਈਓ ਅਲੀ ਕਾਸ਼ਾਨੀ ਦਾ ਕਹਿਣਾ ਹੈ ਕਿ ਇਹ ਸੇਵਾ ਡਿਲੀਵਰੀ ਪਲੇਟਫਾਰਮ ਨੂੰ ਵਧਾਉਣ ਵਿੱਚ ਮਦਦ ਕਰੇਗੀ। ਇਹ ਇੱਕ ਨਵੀਂ ਅਤੇ ਵਿਲੱਖਣ ਪਹਿਲ ਹੋਵੇਗੀ। ਇਸ ਦੇ ਨਾਲ ਹੀ ਪੀਜ਼ਾ ਹੱਟ ਕੈਨੇਡਾ ਦੇ ਡਾਇਰੈਕਟਰ ਨੇ ਕਿਹਾ ਕਿ ਪੀਜ਼ਾ ਡਿਲੀਵਰੀ ਦੇ ਖੇਤਰ ਵਿੱਚ ਇਹ ਇੱਕ ਵਧੀਆ ਉਪਰਾਲਾ ਹੈ। ਹੌਲੀ-ਹੌਲੀ ਅਸੀਂ ਸਮਾਰਟਫੋਨ ਅਤੇ ਇੰਟਰਨੈੱਟ ਨਾਲ ਰੋਬੋਟ ਦੀ ਦੁਨੀਆ ਵੱਲ ਵਧ ਰਹੇ ਹਾਂ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
