ਨਿਊਜ਼ ਡੈਸਕ: ਕੀ ਤੁਸੀਂ ਕਦੇ ਸੋਚ ਸਕਦੇ ਹੋ ਕਿ ਕੋਈ ਸੋਣ ਲਈ ਵੀ 9 ਲੱਖ ਰੁਪਏ ਜਿੱਤ ਸਕਦਾ ਹੈ? ਤੁਹਾਨੂੰ ਇਹ ਸੁਣ ਕੇ ਹੈਰਾਨੀ ਹੋਵੇਗੀ। ਪਰ ਹਾਲ ਹੀ ਵਿੱਚ ਅਜਿਹਾ ਹੋਇਆ ਹੈ। ਦਰਅਸਲ, ਭਾਰਤ ਦੀ ਸਿਲੀਕਾਨ ਵੈਲੀ ਅਤੇ ਤਕਨੀਕੀ ਹੱਬ ਬੈਂਗਲੁਰੂ ਦੇ ਇੱਕਇਨਵੈਸਟਮੈਂਟ ਬੈਂਕਰ ਨੇ ਹਾਲ ਹੀ ਵਿੱਚ ਸੌਂ ਕੇ 9 ਲੱਖ ਰੁਪਏ ਦਾ ਇਨਾਮ ਜਿੱਤਿਆ ਹੈ।
ਇਨਵੈਸਟਮੈਂਟ ਬੈਂਕਰ ਦਾ ਨਾਮ ਸਾਈਸ਼ਵਰੀ ਹੈ। ਆਪਣੀ ਨੀਂਦ ਪੂਰੀ ਕਰਨ ਤੋਂ ਬਾਅਦ ਉਸਨੇ ਆਪਣੇ ਸੁਫਨੇ ਨੂੰ ਹਕੀਕਤ ਵਿੱਚ ਬਦਲ ਦਿੱਤਾ ਹੈ। ਉਸਨੇ ਬੈਂਗਲੁਰੂ ਸਥਿਤ ਸਟਾਰਟਅੱਪ ਵੇਕਫਿਟ (Wakefit) ਦੇ ਸਲੀਪ ਇੰਟਰਨਸ਼ਿਪ ਪ੍ਰੋਗਰਾਮ ਦੇ ਤੀਜੇ ਸੀਜ਼ਨ ਵਿੱਚ ‘ਸਲੀਪ ਚੈਂਪੀਅਨ’ ਦਾ ਖਿਤਾਬ ਜਿੱਤਿਆ ਹੈ। ਉਹ ਇਸ ਪ੍ਰੋਗਰਾਮ ਦੇ 12 ‘ਸਲੀਪ ਇੰਟਰਨ’ ਵਿੱਚੋਂ ਇੱਕ ਸੀ। ਇਹ ਇੰਟਰਨਸ਼ਿਪ ਪ੍ਰੋਗਰਾਮ ਉਨ੍ਹਾਂ ਲੋਕਾਂ ਲਈ ਤਿਆਰ ਕੀਤਾ ਗਿਆ ਹੈ ਜੋ ਨੀਂਦ ਨੂੰ ਤਰਜੀਹ ਦਿੰਦੇ ਹਨ। ਇਸ ਵਿੱਚ ਪ੍ਰਤੀਭਾਗੀਆਂ ਨੂੰ ਹਰ ਰਾਤ ਘੱਟੋ ਘੱਟ 8 ਤੋਂ 9 ਘੰਟੇ ਦੀ ਨੀਂਦ ਲੈਣ ਦੀ ਜ਼ਰੂਰਤ ਹੁੰਦੀ ਹੈ।
ਇਸ ਤੋਂ ਇਲਾਵਾ, ਭਾਗੀਦਾਰਾਂ ਨੂੰ ਦਿਨ ਦੌਰਾਨ 20-ਮਿੰਟ ਦੀ ਪਾਵਰ ਨੈਪ ਲੈਣ ਲਈ ਉਤਸ਼ਾਹਿਤ ਕੀਤਾ ਗਿਆ। ਹਰੇਕ ਇੰਟਰਨ ਨੂੰ ਉਨ੍ਹਾਂ ਦੇ ਨੀਂਦ ਦੇ ਪੈਟਰਨ ਦੀ ਨਿਗਰਾਨੀ ਕਰਨ ਲਈ ਇੱਕ ਪ੍ਰੀਮੀਅਮ ਗੱਦਾ ਅਤੇ ਇੱਕ ਸਲੀਪ ਟਰੈਕਰ ਦਿੱਤਾ ਗਿਆ ਸੀ। ਇੰਟਰਨਸ ਨੇ ਆਪਣੀ ਨੀਂਦ ਦੀਆਂ ਆਦਤਾਂ ਨੂੰ ਸੁਧਾਰਨ ਅਤੇ ‘ਸਲੀਪ ਚੈਂਪੀਅਨ’ ਦਾ ਖਿਤਾਬ ਜਿੱਤਣ ਦੀਆਂ ਸੰਭਾਵਨਾਵਾਂ ਨੂੰ ਵਧਾਉਣ ਲਈ ਤਜਰਬੇਕਾਰ ਨੀਂਦ ਸਲਾਹਕਾਰਾਂ ਦੀ ਅਗਵਾਈ ਵਿੱਚ ਨਿਯਮਤ ਵਰਕਸ਼ਾਪਾਂ ਵਿੱਚ ਵੀ ਭਾਗ ਲਿਆ।
2 ਮਹੀਨਿਆਂ ਦੇ ਲੰਬੇ ਪ੍ਰੋਗਰਾਮ ਦੌਰਾਨ ਸਲੀਪ ਇੰਟਰਨ ਕੁੱਲ 7,000 ਘੰਟੇ ਸੁੱਤੇ ਸਨ। ਮੁਕਾਬਲਾ ਲਾਈਵ “ਸਲੀਪ-ਆਫ” ਦੇ ਨਾਲ ਸਮਾਪਤ ਹੋਇਆ, ਜਿੱਥੇ ਚੋਟੀ ਦੇ ਚਾਰ ਫਾਈਨਲਿਸਟ ਕਸਟਮ ਸਲੀਪ ਪੌਡ ਵਿੱਚ ਸੁੱਤੇ ਅਤੇ ਸੈਸ਼ਵਰੀ ਨੇ 99% ਦੇ ਸ਼ਾਨਦਾਰ ਨੀਂਦ ਕੁਸ਼ਲਤਾ ਸਕੋਰ ਨਾਲ ਜਿੱਤ ਪ੍ਰਾਪਤ ਕੀਤੀ।
ਵੇਕਫਿਟ ਸਲੀਪ ਇੰਟਰਨਸ਼ਿਪ ਭਾਰਤ ਵਿੱਚ ਵਧ ਰਹੇ ਨੀਂਦ ਦੇ ਮੁੱਦੇ ਨੂੰ ਹੱਲ ਕਰਨ ਲਈ ਕੰਪਨੀ ਦੇ ਵਿਆਪਕ ਮਿਸ਼ਨ ਦਾ ਵੀ ਹਿੱਸਾ ਹੈ। ਗ੍ਰੇਟ ਇੰਡੀਅਨ ਸਲੀਪ ਸਕੋਰਕਾਰਡ 2024 ਦੇ ਅਨੁਸਾਰ, ਲਗਭਗ 50% ਭਾਰਤੀ ਥੱਕੇ-ਥੱਕੇ ਜਾਗਦੇ ਹਨ, ਲੰਬੇ ਕੰਮ ਦੇ ਘੰਟੇ, ਤਣਾਅ ਅਤੇ ਮਾੜੀ ਨੀਂਦ ਵਾਲੇ ਵਾਤਾਵਰਣ ਵਿਆਪਕ ਨੀਂਦ ਦੀ ਕਮੀ ਵਿੱਚ ਯੋਗਦਾਨ ਪਾਉਂਦੇ ਹਨ।
10 ਲੱਖ ਲੋਕ ਰਜਿਸਟਰਡ
ਇਸ ਇੰਟਰਨਸ਼ਿਪ ਪ੍ਰੋਗਰਾਮ ਲਈ 3 ਭਾਗਾਂ ਵਿੱਚ 10 ਲੱਖ ਤੋਂ ਵੱਧ ਲੋਕਾਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਅਤੇ 51 ਇੰਟਰਨ ਨੂੰ ਰੁਜ਼ਗਾਰ ਵੀ ਮਿਲਿਆ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
