ਹੁਸ਼ਿਆਰਪੁਰ: ਪੰਜਾਬ ‘ਚ ਸ਼ੋਸਲ ਮੀਡੀਆ ‘ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਇਕ ਵਿਅਕਤੀ ਮਰਸਡੀਜ਼ ਕਾਰ ‘ਤੇ ਆਟਾ ਦਾਲ ਸਕੀਮ ਦੀ ਕਣਕ ਲੈਣ ਲਈ ਪਹੁੰਚਦਾ ਹੈ। ਜਾਣਕਾਰੀ ਮੁਤਾਬਕ ਇਹ ਵੀਡੀਓ ਹੁਸ਼ਿਆਰਪੁਰ ਦੀ ਦੱਸੀ ਜਾ ਰਹੀ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਇੱਕ ਵਿਅਕਤੀ ਮਰਸਡੀਜ਼ ‘ਚ ਆਟਾ ਦਾਲ ਸਕੀਮ ਦੀ ਕਣਕ ਲੈਣ ਲਈ ਪਹੁੰਚਦਾ ਹੈ ਤੇ 4 ਬੋਰੀਆਂ ਡਿੱਕੀ ‘ਚ ਰੱਖ ਕੇ ਚਲੇ ਜਾਂਦਾ ਹੈ। ਇਸ ਪੂਰੀ ਘਟਨਾ ਨੂੰ ਉੱਥੇ ਕੋਲ ਖੜੇ ਵਿਅਕਤੀ ਨੇ ਆਪਣੇ ਕੈਮਰੇ ‘ਚ ਕੈਦ ਕਰ ਲਿਆ।
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਕਣਕ ਲੈਣ ਪਹੁੰਚੇ ਵਿਅਕਤੀ ਦਾ ਬਿਆਨ ਸਾਹਮਣੇ ਆਇਆ ਹੈ, ਜਿਸ ਵਿਚ ਉਸ ਨੇ ਮਰਸਡੀਜ਼ ਕਾਰ ਦੀ ਸਚਾਈ ਬਾਰੇ ਦੱਸਿਆ ਹੈ।
ਵਿਅਕਤੀ ਦਾ ਕਹਿਣਾ ਹੈ ਕਿ ਇਹ ਕਾਰ ਉਸ ਦੇ ਰਿਸ਼ਤੇਦਾਰ ਦੀ ਹੈ, ਜੋ ਕਿ ਵਿਦੇਸ਼ ਵਿੱਚ ਰਹਿੰਦੇ ਹਨ। ਉਸ ਨੇ ਦੱਸਿਆ ਕਿ ਗੱਡੀ ਉਨ੍ਹਾਂ ਦੇ ਘਰ ਨੇੜ੍ਹੇ ਪਲਾਟ ‘ਚ ਖੜ੍ਹੀ ਰਹਿੰਦੀ ਹੈ ਤੇ ਉਹ 15 ਦਿਨ ਬਾਅਦ ਗੱਡੀ ਨੂੰ ਸਟਾਰਟ ਕਰਕੇ ਗੇੜਾ ਲਗਾ ਦਿੰਦੇ ਹਨ। ਬੀਤੇ ਦਿਨ ਵੀ ਉਹ ਗੱਡੀ ਦਾ ਗੇੜਾ ਲਗਵਾਉਣ ਲਈ ਬਾਹਰ ਗਏ ਸੀ। ਉਨ੍ਹਾਂ ਦੱਸਿਆ ਕਿ ਬੱਚਿਆ ਨੇ ਉਨ੍ਹਾਂ ਨੂੰ ਰਾਹ ‘ਚ ਰੋਕ ਕੇ ਕਿਹਾ ਕਿ ਕਣਕ ਲੈ ਜਾਂਦੇ ਹਾਂ ਉਸ ਸਮੇਂ ਹੀ ਕਿਸੇ ਨੇ ਇਹ ਵੀਡੀਓ ਬਣਾ ਲਈ ਜਿਸ ਨੂੰ ਉਸ ਨੇ ਸੋਸਲ ਮੀਡੀਆ ‘ਤੇ ਵਾਇਰਲ ਕਰ ਦਿੱਤਾ। ਉਸ ਵਿਅਕਤੀ ਨੇ ਦੱਸਿਆ ਕਿ ਉਨ੍ਹਾਂ ਦੀ ਗੱਡੀ ਲੈਣ ਦੀ ਹੈਸੀਅਤ ਨਹੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
