ਨਿਊਜ਼ ਡੈਸਕ: ਇਟਲੀ ਦੇ ਦੱਖਣੀ ਹਿੱਸੇ ਵਿੱਚ ਸਥਿਤ ਮੈਟੇਰਾ ਸ਼ਹਿਰ ਵਿੱਚ ਇੱਕ ਭਿਆਨਕ ਸੜਕ ਹਾਦਸੇ ਵਿੱਚ ਚਾਰ ਪੰਜਾਬੀ ਨੌਜਵਾਨਾਂ ਦੀ ਮੌਤ ਹੋ ਗਈ ਹੈ। ਇਸ ਘਟਨਾ ਦੀ ਜਾਣਕਾਰੀ ਰੋਮ ਵਿੱਚ ਭਾਰਤੀ ਦੂਤਾਵਾਸ ਨੇ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਵੀ ਇਟਲੀ ਵਿੱਚ ਨਾਗਪੁਰ ਦੇ ਇੱਕ ਵਪਾਰੀ ਅਤੇ ਉਸਦੀ ਪਤਨੀ ਦੀ ਸੜਕ ਹਾਸਦੇ ਵਿੱਚ ਮੌਤ ਹੋ ਗਈ ਸੀ।
ਖਬਰਾਂ ਮੁਤਾਬਕ ਮਰਹੁੰਮ ਚਾਰ ਜਣੇ ਸੱਤ ਸੀਟ ਵਾਲੀ ਰੇਨੌਲਟ ਸੀਨਿਕ ਕਾਰ ਵਿੱਚ ਛੇ ਹੋਰ ਲੋਕਾਂ ਨਾਲ ਸਫ਼ਰ ਕਰ ਰਹੇ ਸਨ। ਉਨ੍ਹਾਂ ਦੀ ਕਾਰ ਸ਼ਨੀਵਾਰ ਨੂੰ ਐਗਰੀ ਘਾਟੀ ਵਿੱਚ ਮੈਟੇਰਾ ਸ਼ਹਿਰ ਦੇ ਸਕੈਂਜ਼ਾਨੋ ਜੋਨੀਕੋ ਨਗਰ ਪਾਲਿਕਾ ਖੇਤਰ ਵਿੱਚ ਇੱਕ ਟਰੱਕ ਨਾਲ ਟਕਰਾ ਗਈ।
ਮਿਤਕਾਂ ਦੀ ਪਛਾਣ 34 ਸਾਲ ਦੇ ਕੁਮਾਰ ਮਨੋਜ, 33 ਸਾਲ ਦੇ ਸੁਰਜੀਤ ਸਿੰਘ, 31 ਸਾਲ ਦੇ ਹਰਵਿੰਦਰ ਸਿੰਘ ਅਤੇ 20 ਸਾਲ ਦੇ ਜਸਕਰਨ ਸਿੰਘ ਵਜੋਂ ਹੋਈ ਹੈ। ਭਾਰਤੀ ਦੂਤਾਵਾਸ ਨੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰਦਿਆਂ ਕਿਹਾ, “ਭਾਰਤੀ ਦੂਤਾਵਾਸ ਦੱਖਣੀ ਇਟਲੀ ਦੇ ਮੈਟੇਰਾ ਦੇ ਸੜਕ ਹਾਦਸੇ ਵਿੱਚ ਚਾਰ ਭਾਰਤੀ ਨੌਜਵਾਨਾਂ ਦੀ ਦੁਖਦਾਈ ਮੌਤ ‘ਤੇ ਡੂੰਘਾ ਸੋਗ ਪ੍ਰਗਟ ਕਰਦਾ ਹੈ।”
ਦੂਤਾਵਾਸ ਨੇ ਕਿਹਾ ਕਿ ਅਸੀਂ ਵੇਰਵੇ ਪ੍ਰਾਪਤ ਕਰਨ ਲਈ ਸਥਾਨਕ ਇਟਾਲੀ ਦੇ ਅਧਿਕਾਰੀਆਂ ਨਾਲ ਸੰਪਰਕ ਵਿੱਚ ਹਾਂ ਅਤੇ ਸਬੰਧਤ ਪਰਿਵਾਰਾਂ ਨੂੰ ਹਰ ਸੰਭਵ ਕੌਂਸਲਰ ਸਹਾਇਤਾ ਪ੍ਰਦਾਨ ਕਰਾਂਗੇ। ਏਐਨਐਸਏ ਨੇ ਦੱਸਿਆ ਕਿ ਪੰਜ ਜ਼ਖਮੀਆਂ ਨੂੰ ਪੋਲੀਕੋਰੋ (ਮੈਟੇਰਾ) ਹਸਪਤਾਲ ਵਿੱਚ ਭੇਜਿਆ ਗਿਆ, ਜਦਕਿ 6ਵੇਂ ਅਤੇ ਸਭ ਤੋਂ ਗੰਭੀਰ ਜ਼ਖਮੀ ਨੂੰ ਪੋਟੇਂਜ਼ਾ ਦੇ ਸੈਨ ਕਾਰਲੋ ਹਸਪਤਾਲ ਵਿੱਚ ਭਰਤੀ ਕੀਤਾ ਗਿਆ ਹੈ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
