ਨਵੀਂ ਦਿੱਲੀ : ਚੰਨ ਤੋਂ 100 ਕਿੱਲੋਮੀਟਰ ਦੂਰ ਉਸ ਦੇ ਉਸ ਗ੍ਰਹਿ ਦੇ ਚੱਕਰ ਕੱਟ ਰਹੇ ਈਸਰੋ ਦੇ ਆਰਬੀਟਰ ਨੇ ਚੰਦਰਯਾਨ ਨੂੰ ਆਖਰਕਾਰ ਲੱਭ ਹੀ ਲਿਆ ਹੈ। ਆਰਬੀਟਰ ਨੇ ਚੰਦਰਯਾਨ ਦੀਆਂ ਫੋਟੋਆਂ ਖਿੱਚ ਕੇ ਇਸਰੋ ਨੂੰ ਭੇਜੀਆਂ ਹਨ। ਜਿਸ ਦੇ ਬਿਨ੍ਹਾਂ ‘ਤੇ ਈਸਰੋ ਮੁਖੀ ਕੇ ਸੀਵਾਨ ਨੇ ਦਾਅਵਾ ਕੀਤਾ ਹੈ ਕਿ ਬਹੁਤ ਜਲਦ ਚੰਦਰਯਾਨ ਨਾਲ ਸੰਪਰਕ ਸਾਧ ਲਿਆ ਜਾਵੇਗਾ।
ਇਸ ਸਬੰਧ ਵਿੱਚ ਜਾਣਕਾਰੀ ਦਿੰਦਿਆਂ ਸੀਵਾਨ ਨੇ ਕਿਹਾ ਕਿ ਅਸੀਂ ਚੰਦਰਯਾਨ ਨੂੰ ਚੰਨ ਦੀ ਤੈਹ ‘ਤੇ ਲੱਭ ਲਿਆ ਹੈ। ਪਰ ਅਜੇ ਤੱਕ ਉਸ ਨਾਲ ਕੋਈ ਸੰਪਰਕ ਨਹੀਂ ਹੋ ਸਕਿਆ ਤੇ ਚੰਦਰਯਾਨ ਨਾਲ ਸੰਪਰਕ ਸਾਧਣ ਦੀਆਂ ਭਰਪੂਰ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਜਿਸ ਵਿੱਚ ਕਿ ਬਹੁਤ ਜਲਦ ਸਫਲਤਾ ਹਾਸਲ ਕਰ ਲਈ ਜਾਵੇਗੀ।