ਨਿਊਜ਼ ਡੈਸਕ: ਸਕੂਲ ਅੰਦਰ ਮਹਿਲਾ ਪ੍ਰਿੰਸੀਪਲ ਅਤੇ ਇੱਕ ਮਹਿਲਾ ਅਧਿਆਪਕ ਵਿਚਾਲੇ ਲੜਾਈ ਦਾ ਵੀਡੀਓ ਵਾਇਰਲ ਹੋਇਆ ਹੈ। ਜਾਣਕਾਰੀ ਮੁਤਾਬਕ ਇਹ ਵੀਡੀਓ ਉੱਤਰ ਪ੍ਰਦੇਸ਼ ਦੀ ਦੱਸੀ ਜਾ ਰਹੀ ਹੈ ਵੀਡੀਓ ਵਾਇਰਲ ਹੁੰਦੇ ਹੀ ਇਹ ਮਾਮਲਾ ਪੁਲਿਸ ਕੋਲ ਪਹੁੰਚਿਆ। ਇਸ ਲੜਾਈ ‘ਚ ਮਹਿਲਾ ਅਧਿਆਪਕ ਜ਼ਖਮੀ ਹੋ ਗਈ ਹੈ। ਇਸ ਦੇ ਨਾਲ ਹੀ ਮਹਿਲਾ ਪ੍ਰਿੰਸੀਪਲ ਅਤੇ ਮਹਿਲਾ ਅਧਿਆਪਕ ਦੋਵਾਂ ਨੇ ਇਕ-ਦੂਜੇ ਖਿਲਾਫ ਥਾਣੇ ‘ਚ ਸ਼ਿਕਾਇਤ ਦਰਜ ਕਰਵਾਈ ਹੈ। ਫਿਲਹਾਲ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਮਾਮਲਾ ਸਿਕੰਦਰਾ ਥਾਣਾ ਖੇਤਰ ਦਾ ਹੈ। ਲੜਾਈ ਦੇ ਕੁੱਲ 4 ਵੀਡੀਓ ਵਾਇਰਲ ਹੋਏ ਹਨ। ਪਹਿਲੀ ਵੀਡੀਓ 45 ਸੈਕਿੰਡ ਦੀ ਹੈ। ਦੂਜੀ 3 ਮਿੰਟ 51 ਸਕਿੰਟ ਦੀ ਹੈ। ਤੀਜੀ ਵੀਡੀਓ 1 ਮਿੰਟ 13 ਸੈਕਿੰਡ ਦੀ ਅਤੇ ਚੌਥੀ ਵੀਡੀਓ 52 ਸੈਕਿੰਡ ਦੀ ਹੈ। ਪਹਿਲੇ 45 ਸੈਕਿੰਡ ਦੀ ਵੀਡੀਓ ‘ਚ ਮਹਿਲਾ ਪ੍ਰਿੰਸੀਪਲ ਨੂੰ ਸਕੂਲ ‘ਚ ਦੇਰੀ ਨਾਲ ਆਉਣ ‘ਤੇ ਮਹਿਲਾ ਅਧਿਆਪਕ ਨੂੰ ਝਿੜਕਦੇ ਹੋਏ ਦੇਖਿਆ ਗਿਆ। ਜਿਸ ਕਾਰਨ ਦੋਵਾਂ ਵਿਚਾਲੇ ਬਹਿਸ ਹੋ ਗਈ।
ਇਸ ਦੇ ਨਾਲ ਹੀ ਮਹਿਲਾ ਅਧਿਆਪਕ ਵੀ ਪ੍ਰਿੰਸੀਪਲ ’ਤੇ ਚਾਰ ਦਿਨ ਲੇਟ ਹੋਣ ਦਾ ਦੋਸ਼ ਲਾਉਂਦੀ ਨਜ਼ਰ ਆਈ। ਉਥੇ ਮੌਜੂਦ ਸਟਾਫ਼ ਮੈਂਬਰ ਪ੍ਰਿੰਸੀਪਲ ਨੂੰ ਚੁੱਪ ਰਹਿਣ ਲਈ ਕਹਿੰਦੇ ਰਹੇ। ਪਰ ਦੋਵਾਂ ਵਿਚਾਲੇ ਝਗੜਾ ਵਧ ਗਿਆ। ਦੂਜੇ 3 ਮਿੰਟ 51 ਸੈਕਿੰਡ ਦੇ ਵੀਡੀਓ ‘ਚ ਦੋਵਾਂ ਵਿਚਾਲੇ ਗਰਮਾ-ਗਰਮ ਬਹਿਸ ਦੇਖਣ ਨੂੰ ਮਿਲੀ।
A Principal in Agra beat up a teacher this bad just because she came late to the school. Just look at her facial expressions. She’s a PRINCIPAL 😭 @agrapolice pic.twitter.com/db8sKvnNvs
- Advertisement -
— Deepika Narayan Bhardwaj (@DeepikaBhardwaj) May 3, 2024
ਦੋਵੇਂ ਇੱਕ ਦੂਜੇ ਪ੍ਰਤੀ ਅਪਸ਼ਬਦ ਬੋਲ ਰਹੀਆਂ ਸਨ। ਅਧਿਆਪਕ ਨੇ ਪ੍ਰਿੰਸੀਪਲ ਨੂੰ ਕਿਹਾ ਕਿ ਉਹ ਤੈਨੂੰ ਨੌਕਰੀ ਕਰਨੀ ਸਿਖਾ ਦੇਵੇਗੀ, ਜਿਸ ਨਾਲ ਪ੍ਰਿੰਸੀਪਲ ਹੋਰ ਵੀ ਗੁੱਸੇ ਵਿੱਚ ਆ ਗਈ। ਉੱਥੇ ਮੌਜੂਦ ਲੋਕ ਦੋਹਾਂ ਨੂੰ ਬਹਿਸ ਨਾ ਕਰਨ ਦੀ ਸਲਾਹ ਦਿੰਦੇ ਰਹੇ। ਪਰ ਦੋਵਾਂ ਵਿਚਾਲੇ ਤਕਰਾਰ ਜਾਰੀ ਰਹੀ। ਥੋੜ੍ਹੇ ਸਮੇਂ ਵਿੱਚ ਹੀ ਮਹਿਲਾ ਪ੍ਰਿੰਸੀਪਲ ਅਤੇ ਮਹਿਲਾ ਅਧਿਆਪਕ ਵਿਚਕਾਰ ਹੋਈ ਤਕਰਾਰ ਲੜਾਈ ਵਿੱਚ ਬਦਲ ਗਈ। ਮਹਿਲਾ ਪ੍ਰਿੰਸੀਪਲ ਨੇ ਅਧਿਆਪਕ ਦੀ ਗੱਲ੍ਹ ਨੂੰ ਫੜ ਕੇ ਨੋਚ ਦਿੱਤਾ। ਇਸ ਵਿਚਾਲੇ ਮਹਿਲਾ ਅਧਿਆਪਕ ਨੇ ਪ੍ਰਿੰਸੀਪਲ ਦਾ ਸੂਟ ਵੀ ਪਾੜ ਦਿੱਤਾ।
ਜਾਣਕਾਰੀ ਮੁਤਾਬਕ ਮਾਮਲਾ ਸਿਕੰਦਰਾ ਥਾਣਾ ਖੇਤਰ ਦੇ ਸਿੰਗਾਣਾ ਪਿੰਡ ‘ਚ ਸਥਿਤ ਪ੍ਰਾਇਮਰੀ ਸਕੂਲ ਦਾ ਹੈ। ਮਹਿਲਾ ਅਧਿਆਪਕਾ ਗੁੰਜਾ ਚੌਧਰੀ ਸ਼ੁੱਕਰਵਾਰ ਸਵੇਰੇ ਦੇਰ ਰਾਤ ਸਕੂਲ ਪਹੁੰਚੀ ਸੀ। ਇਸ ਗੱਲ ‘ਤੇ ਪ੍ਰਿੰਸੀਪਲ ਨੇ ਉਸ ਨੂੰ ਟੋਕਿਆ। ਪ੍ਰਿੰਸੀਪਲ ਦੇ ਟੋਕਣ ਕਾਰਨ ਗੂੰਜ ਨੂੰ ਗੁੱਸਾ ਆ ਗਿਆ। ਇਸ ਗੱਲ ਨੂੰ ਲੈ ਕੇ ਹੋਈ ਤਕਰਾਰ ਤੋਂ ਬਾਅਦ ਦੋਵਾਂ ਵਿਚ ਲੜਾਈ ਹੋ ਗਈ। ਇਸ ਘਟਨਾ ਵਿੱਚ ਅਧਿਆਪਕ ਜ਼ਖ਼ਮੀ ਹੋ ਗਈ। ਪਿ੍ੰਸੀਪਲ ਅਤੇ ਅਧਿਆਪਕਾ ਦੋਵੇਂ ਥਾਣੇ ‘ਚ ਜਾ ਕੇ ਇਕ-ਦੂਜੇ ‘ਤੇ ਮਾਮਲਾ ਦਰਜ ਕਰਵਾ ਦਿੱਤਾ ਫਿਲਹਾਲ ਪੁਲਿਸ ਦੋਵਾਂ ਧਿਰਾਂ ਤੋਂ ਪੁੱਛਗਿੱਛ ਕਰ ਰਹੀ ਹੈ।
