Home / ਸੰਸਾਰ / ਪਿਤਾ ਨੇ ਧੀ ਦੇ 13ਵੇਂ ਜਨਮਦਿਨ ‘ਤੇ ਤੋਹਫੇ ਵੱਜੋਂ ਕੀਤਾ ਬਲਾਤਕਾਰ

ਪਿਤਾ ਨੇ ਧੀ ਦੇ 13ਵੇਂ ਜਨਮਦਿਨ ‘ਤੇ ਤੋਹਫੇ ਵੱਜੋਂ ਕੀਤਾ ਬਲਾਤਕਾਰ

ਸਾਊਥ ਅਮਰੀਕੀ ਦੇਸ਼ ਬੋਲੀਵੀਆ ( Bolivia ) ਤੋਂ ਪਿਤਾ ਤੇ ਧੀ ਦੇ ਰਿਸ਼ਤੇ ਨੂੰ ਸ਼ਰਮਸਾਰ ਕਰ ਦੇਣ ਵਾਲਾ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਵਿੱਚ ਪਿਤਾ ਨੇ ਆਪਣੀ ਹੀ ਧੀ ਦੇ 13ਵੇਂ ਜਨਮਦਿਨ ‘ਤੇ ਉਸਦਾ ਰੇਪ ਕਰ ਦਿੱਤਾ। ਪੁਲਿਸ ਅਨੁਸਾਰ ਬਲਾਤਕਾਰ ਦਾ ਉਸ ਨੇ ਅਜੀਬ ਕਾਰਨ ਦਿੰਦੇ ਦੱਸਿਆ ਕਿ ਉਹ ਧੀ ਲਈ ਗਿਫਟ ਨਹੀਂ ਖਰੀਦ ਸਕਿਆ ਸੀ ਇਸ ਲਈ ਉਸ ਦਾ ਰੇਪ ਕਰ ਦਿੱਤਾ। ਦੱਸ ਦੇਈਏ ਕਿ ਇਸ ਵਿਅਕਤੀ ਨੇ ਨਾ ਸਿਰਫ ਧੀ ਦਾ ਬਲਾਤਕਾਰ ਕੀਤਾ ਸਗੋਂ ਪਤਨੀ ਨੇ ਜਦੋਂ ਉਸ ਨੂੰ ਰੰਗੇ ਹੱਥੀ ਫੜ ਲਿਆ ਤਾਂ ਉਸ ਨੇ ਉਸਨੂੰ ਵੀ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ। ਡੇਲੀ ਸਟਾਰ ਦੀ ਇੱਕ ਰਿਪੋਰਟ ਦੇ ਮੁਤਾਬਕ ਪਿਤਾ ਨੇ ਜਿਹੜੀ ਵਜ੍ਹਾ ਦੱਸੀ ਹੈ ਉਹ ਹੈਰਾਨ ਕਰਨ ਵਾਲੀ ਹੈ ਪਰ ਪੁਲਿਸ ਵੱਲੋਂ ਕੀਤੀ ਪੁੱਛਗਿਛ ਵਿੱਚ ਇਸ ਕਲਯੁਗੀ ਪਿਤਾ ਨੇ ਇਹੀ ਅਜੀਬ ਕਹਾਣੀ ਸੁਣਾਈ ਹੈ। ਪੁਲਿਸ ਅਨੁਸਾਰ ਇਹ ਘਟਨਾ 4 ਅਕਤੂਬਰ ਦੀ ਹੈ ਤੇ 32 ਸਾਲਾ ਦੇ ਇਸ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ, ਪਰ ਲੜਕੀ ਦੀ ਪਹਿਚਾਣ ਨੂੰ ਲੁਕਾਉਣ ਲਈ ਉਸਦਾ ਨਾਮ ਉਜਾਗਰ ਨਹੀਂ ਕੀਤਾ ਗਿਆ ਹੈ। ਪੁਲਿਸ ਅਨੁਸਾਰ ਬਲਾਤਕਾਰ ਤੋਂ ਪਹਿਲਾਂ ਉਹ ਆਪਣੀ ਪਤਨੀ ਦੇ ਬਾਹਰ ਜਾਣ ਦਾ ਇੰਤਜ਼ਾਰ ਕੀਤਾ। ਉਸ ਨੇ ਆਪਣੀ ਪਤਨੀ ਨੂੰ ਕਿਹਾ ਕਿ ਉਹ ਜਨਮਦਿਨ ਦੇ ਮੌਕੇ ਆਪਣੀ ਧੀ ਦੇ ਨਾਲ ਕੁੱਝ ਸਮਾਂ ਇਕੱਲੇ ਬਿਤਾਉਣਾ ਚਾਹੁੰਦਾ ਹੈ। ਜਦੋਂ ਪਤਨੀ ਨੇ ਉਸ ਨੂੰ ਧੀ ਨਾਲ ਇਹ ਹਰਕਤ ਕਰਦੇ ਹੋਏ ਫੜ ਲਿਆ ਉਦੋਂ ਉਸਨੇ ਆਪਣੀ ਪਤਨੀ ਨੂੰ ਹੀ ਧਮਕੀ ਦਿੱਤੀ ਪਰ ਉਸਦੀ ਪਤਨੀ ਨੇ ਪੁਲਿਸ ਨੂੰ ਬੁਲਾ ਲਿਆ। ਇਸ ਤੋਂ ਬਾਅਦ ਬੋਲੀਵੀਆ ‘ਚ ਚਿਪਾਇਆ ਤੋਂ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਰਿਪੋਰਟਾਂ ਅਨੁਸਾਰ ਪੁੱਛਗਿਛ ‘ਚ ਦੋਸ਼ੀ ਨੇ ਦੱਸਿਆ ਕਿ ਉਸ ਦੇ ਕੋਲ ਧੀ ਨੂੰ ਗਿਫਟ ਦੇਣ ਲਈ ਪੈਸੇ ਨਹੀਂ ਸਨ। ਇਸ ਲਈ ਉਸ ਨੇ ਫੈਸਲਾ ਲਿਆ ਕਿ ਉਹ ਖੁਦ ਨੂੰ ਆਪਣੀ ਧੀ ਨੂੰ ਗਿਫਟ ਦੇ ਤੌਰ ‘ਤੇ ਸੌਂਪ ਦਵੇਗਾ।

Check Also

ਫਿਨਲੈਂਡ: ਸਨਾ ਮਾਰਿਨ ਬਣੀ ਦੁਨੀਆ ਦੀ ਸਭ ਤੋਂ ਘੱਟ ਉਮਰ ਦੀ ਪ੍ਰਧਾਨ ਮੰਤਰੀ

ਫਿਨਲੈਂਡ : ਫਿਨਲੈਂਡ ਸੋਸ਼ਲ ਡੈਮੋਕਰੈਟਿਕ ਪਾਰਟੀ ਨੇ 34 ਸਾਲਾ ਸਨਾ ਮਾਰਿਨ ਨੂੰ ਪ੍ਰਧਾਨਮੰਤਰੀ ਦੇ ਅਹੁਦੇ …

Leave a Reply

Your email address will not be published. Required fields are marked *