Home / ਸੰਸਾਰ / ਆਸਟਰੇਲੀਆ ‘ਚ ਸਮਝੌਤੇ ਤੋਂ ਬਾਅਦ ਫੇਸਬੁੱਕ ਕਰੇਗਾ  ਖ਼ਬਰਾਂ ਦੇ ਲਿੰਕ  ਸਾਂਝੇ

ਆਸਟਰੇਲੀਆ ‘ਚ ਸਮਝੌਤੇ ਤੋਂ ਬਾਅਦ ਫੇਸਬੁੱਕ ਕਰੇਗਾ  ਖ਼ਬਰਾਂ ਦੇ ਲਿੰਕ  ਸਾਂਝੇ

ਵਰਲਡ ਡੈਸਕ – ਪਿਛਲੇ ਹਫਤੇ ਆਸਟਰੇਲੀਆਈ ਸਰਕਾਰ ਵੱਲੋਂ ਖ਼ਬਰਾਂ ਦੀ ਸਮੱਗਰੀ ਲਈ ਭੁਗਤਾਨ ਸਬੰਧੀ ਕਾਨੂੰਨ ਲਾਗੂ ਕੀਤੇ ਜਾਣ ਤੋਂ ਬਾਅਦ ਫੇਸਬੁੱਕ ਨੇ ਦੇਸ਼ ‘ਚ ਖ਼ਬਰਾਂ ਨੂੰ ਵੇਖਣ ਤੇ ਸਾਂਝਾ ਕਰਨ ‘ਤੇ ਪਾਬੰਦੀ ਲਗਾਈ ਸੀ ਪਰ ਹੁਣ ਇਸ ਨੂੰ ਮੁੜ ਤੋਂ ਬਹਾਲ ਕਰਨ ਲਈ ਕਿਹਾ ਗਿਆ ਹੈ। ਫੇਸਬੁੱਕ ਨੇ ਕਿਹਾ ਹੈ ਕਿ ਪ੍ਰਸਤਾਵਿਤ ਕਾਨੂੰਨ ‘ਤੇ ਗੱਲਬਾਤ ਲਈ ਵਧੇਰੇ ਸਮਾਂ ਮਿਲਣ ਤੋਂ ਬਾਅਦ ਉਹ ਖਬਰਾਂ ਦੇ ਲਿੰਕ ਨੂੰ ਸਾਂਝਾ ਕਰੇਗਾ।

 ਦੱਸ ਦੇਈਏ ਕਿ ਆਸਟਰੇਲੀਆ ਸਰਕਾਰ ਨੇ ਇਕ ਕਾਨੂੰਨ ਬਣਾਇਆ ਹੈ ਕਿ ਸੋਸ਼ਲ ਮੀਡੀਆ ਵੈਬਸਾਈਟ ਨੂੰ ਆਪਣੇ ਦੇਸ਼ ਦੀਆਂ ਖਬਰਾਂ ਦੀ ਸਮਗਰੀ ਨੂੰ ਕਿਸੇ ਵੀ ਵੈਬਸਾਈਟ ਤੇ ਦਿਖਾਉਣ ਲਈ ਭੁਗਤਾਨ ਕਰਨਾ ਪਏਗਾ। ਇਸ ਨੂੰ ਲੈ ਕੇ ਸਰਕਾਰ ਤੇ ਫੇਸਬੁੱਕ ਵਿਚਾਲੇ ਟਕਰਾਅ ਹੋਇਆ ਸੀ। ਪਰ ਆਸਟਰੇਲੀਆ ਦੀ ਸਰਕਾਰ ਨੇ ਕਿਹਾ ਕਿ ਫੇਸਬੁੱਕ ਕਾਨੂੰਨ ‘ਚ ਤਬਦੀਲੀ ਤੋਂ ਬਾਅਦ ਦੁਬਾਰਾ ਨਿਊਜ਼ ਪੇਜਾਂ ਨੂੰ ਬਹਾਲ ਕਰਨ ਜਾ ਰਿਹਾ ਹੈ।

ਬੀਤੇ ਸੋਮਵਾਰ ਨੂੰ ਆਸਟਰੇਲੀਆਈ ਸਰਕਾਰ ਦੁਆਰਾ ਦਿੱਤੀਆਂ ਗਈਆਂ ਕੁਝ ਮਾਮੂਲੀ ਰਿਆਇਤਾਂ ਤੋਂ ਬਾਅਦ ਫੇਸਬੁੱਕ ਗੱਲਬਾਤ ਲਈ ਤਿਆਰ ਹੈ। ਦਰਅਸਲ, ਫੇਸਬੁੱਕ ਨੇ ਕੋਡ ‘ਤੇ ਸਖਤੀ ਕਰਨ’ ਤੇ ਇਤਰਾਜ਼ ਜਤਾਇਆ ਸੀ ਜੋ ਇਸਦੀ ਤਾਕਤ ਨੂੰ ਰੋਕਦਾ ਹੈ ਤੇ ਸਮੱਗਰੀ ‘ਤੇ ਖਰਚ ਵਧਾਉਂਦਾ ਹੈ। ਹੁਣ ਸਰਕਾਰ ਨੇ ਕੋਡ ਦੀਆਂ ਕਈ ਸੋਧਾਂ ਦੇ ਤਹਿਤ ਪ੍ਰਕਾਸ਼ਕਾਂ ਨਾਲ ਸੌਦੇ ਕੱਟਣ ਲਈ ਫੇਸਬੁੱਕ ਨੂੰ ਹੋਰ ਸਮਾਂ ਦਿੱਤਾ ਹੈ।

 ਆਸਟਰੇਲੀਆ ਤੇ ਨਿਊਜ਼ੀਲੈਂਡ ਲਈ ਫੇਸਬੁੱਕ ਦੇ ਐਮਡੀ ਵਿਲੀਅਮ ਇਸਟਨ ਨੇ ਕਿਹਾ, “ਸਾਨੂੰ ਖੁਸ਼ੀ ਹੈ ਕਿ ਅਸੀਂ ਆਸਟਰੇਲੀਆ ਸਰਕਾਰ ਨਾਲ ਸਮਝੌਤੇ ‘ਤੇ ਸਹਿਮਤ ਹੋਏ ਹਾਂ।” ਉਸਨੇ ਕਿਹਾ, ‘ਅਸੀਂ ਫਰੇਮਵਰਕ ਦਾ ਸਮਰਥਨ ਕੀਤਾ ਹੈ ਜੋ ਔਨਲਾਈਨ ਪਲੇਟਫਾਰਮਸ ਤੇ ਪ੍ਰਕਾਸ਼ਕਾਂ ਦਰਮਿਆਨ ਨਵੀਨਤਾ ਤੇ ਸਹਿਯੋਗ ਨੂੰ ਵਧਾਉਂਦਾ ਹੈ।  ਈਸਟਨ ਨੇ ਕਿਹਾ, “ਅਸੀਂ ਸਰਕਾਰ ਨੂੰ ਕਈ ਤਬਦੀਲੀਆਂ ਤੇ ਗਾਰੰਟੀਆਂ ਦੇਣ ਲਈ ਪ੍ਰੇਰਿਆ ਹੈ।”

Check Also

ਨਿਊਜ਼ੀਲੈਂਡ ਨੇ ਭਾਰਤ ਤੋਂ ਆਉਣ ਵਾਲੇ ਯਾਤਰੀਆਂ ’ਤੇ ਲਗਾਈ ਪਾਬੰਦੀ

ਵੇਲਿੰਗਟਨ: ਨਿਊਜ਼ੀਲੈਂਡ ਨੇ ਭਾਰਤ ਤੋਂ ਆਉਣ ਵਾਲੇ ਯਾਤਰੀਆਂ ਦੀ ਐਂਟਰੀ ‘ਤੇ ਰੋਕ ਲਗਾ ਦਿੱਤੀ ਹੈ। …

Leave a Reply

Your email address will not be published. Required fields are marked *