ਨਿਊਜ਼ ਡੈਸਕ: ਅਫਗਾਨਿਸਤਾਨ ‘ਚ ਜਦੋਂ ਤੋਂ ਤਾਲਿਬਾਨ ਸੱਤਾ ਵਿੱਚ ਆਇਆ ਹੈ, ਉਦੋਂ ਤੋਂ ਅਪਰਾਧ ਦੇ ਇੱਕ ਤੋਂ ਵੱਧ ਇੱਕ ਹੈਰਾਨ ਕਰਨ ਵਾਲੇ ਮਾਮਲੇ ਸਾਹਮਣੇ ਆ ਰਹੇ ਹਨ। ਤਾਜ਼ਾ ਮਾਮਲਾ ਇੱਕ ਔਰਤ ਦਾ ਹੈ ਜਿਸ ਨਾਲ ਹਰ ਰੋਜ਼ ਜਬਰ ਜਨਾਹ ਹੁੰਦਾ ਹੈ। ਕਾਬੁਲ ਯੂਨੀਵਰਸਿਟੀ ਦੀ ਵਿਦਿਆਰਥਣ ਇਲਾਹਾ ਦਿਲਵਾਜਿਰੀ ਨੇ ਦਾਅਵਾ ਕੀਤਾ ਹੈ ਕਿ ਉਸ ਦਾ ਤਾਲਿਬਾਨ ਦੇ ਗ੍ਰਹਿ ਮੰਤਰਾਲੇ ਦੇ ਸਾਬਕਾ ਬੁਲਾਰੇ ਕਾਰੀ ਸਈਦ ਖੋਸਤੀ ਨਾਲ ਜ਼ਬਰਦਸਤੀ ਵਿਆਹ ਕਰਵਾਇਆ ਗਿਆ ਸੀ। ਦਿਲਵਾਜਿਰੀ ਨੇ ਟਵਿੱਟਰ ‘ਤੇ ਵਾਇਰਲ ਹੋਈ ਵੀਡੀਓ ‘ਚ ਇਹ ਦਾਅਵਾ ਕੀਤਾ ਕਿ ਉਸ ਨੂੰ ਤੰਗ ਪਰੇਸ਼ਾਨ ਅਤੇ ਉਸ ਨਾਲ ਬਲਾਤਕਾਰ ਕੀਤਾ ਜਾਂਦਾ।
ਇਸ ਤੋਂ ਇਲਾਵਾ ਵੀਡੀਓ ‘ਚ ਔਰਤ ਦੇ ਸਰੀਰ ‘ਤੇ ਸੱਟਾਂ ਦੇ ਨਿਸ਼ਾਨ ਵੀ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਕਾਰੀ ਸਈਦ ਖੋਸਤੀ ਨੇ ਬਲਾਤਕਾਰ ਦੇ ਦਾਅਵੇ ਤੋਂ ਇਨਕਾਰ ਕੀਤਾ ਹੈ। ਖੋਸਤੀ ਨੇ ਔਰਤ ਨੂੰ ਤਲਾਕ ਦੇਣ ਪਿੱਛੇ ‘ਗੈਰ-ਇਸਲਾਮਿਕ ਮਾਨਤਾਵਾਂ’ ਦਾ ਹਵਾਲਾ ਦਿੱਤਾ। ਖੋਸਤੀ ਨੇ ਕਿਹਾ ਕਿ ਉਸਨੇ ‘ਉਸ ਨੂੰ ਨਹੀਂ ਮਾਰਿਆ’।
ਇਹ ਹੈਰਾਨ ਕਰਨ ਵਾਲੀ ਘਟਨਾ 30 ਅਗਸਤ ਨੂੰ ਸਾਹਮਣੇ ਆਈ, ਜਦੋਂ ਨਿਊਜ਼ ਏਜੰਸੀ ਦੇ ਟਵਿੱਟਰ ਹੈਂਡਲ ‘ਤੇ ਇਲਾਹਾ ਦਿਲਵਾਜਿਰੀ ਦੀ ਵੀਡੀਓ ਪੋਸਟ ਕੀਤੀ ਗਈ। ਵੀਡੀਓ ‘ਚ ਦਿਲਵਜਿਰੀ ਆਪਣੀ ਆਪਬੀਤੀ ਸੁਣਾਉਂਦੇ ਹੋਏ ਨਜ਼ਰ ਆ ਰਹੀ ਹੈ। ਉਸ ਨੇ ਖੋਸਤੀ ‘ਤੇ ਜਬਰ ਜਨਾਹ ਅਤੇ ਤਸ਼ੱਦਦ ਦੇ ਦੋਸ਼ ਲਗਾਏ।
ਇਲਾਹਾ ਦਾ ਦਾਅਵਾ ਹੈ ਕਿ ਜ਼ਬਰਦਸਤੀ ਵਿਆਹ ਤੋਂ ਪਹਿਲਾਂ ਵੀ ਖੋਸਤੀ ਨੇ ਉਸ ਨਾਲ ਜਬਰ ਜਨਾਹ ਕੀਤਾ ਸੀ। ਔਰਤ ਨੇ ਦੱਸਿਆ ਕਿ ਉਸ ਨੇ ਤੰਗ ਆ ਕੇ ਇੱਕ ਵਾਰ ਘਰੋਂ ਭੱਜਣ ਦੀ ਕੋਸ਼ਿਸ਼ ਵੀ ਕੀਤੀ ਪਰ ਉਹ ਸਰਹੱਦ ਤੋਂ ਫੜੀ ਗਈ। ਇਸ ਤੋਂ ਬਾਅਦ ਪੀੜਤਾ ਨੂੰ ਜ਼ਬਰਦਸਤੀ ਸਈਦ ਪੈਰਾਂ ‘ਚ ਡਿੱਗ ਕੇ ਉਸਦੇ ਪੈਰ ਚੁੰਮਣ ਲਈ ਕਿਹਾ ਗਿਆ ਅਤੇ ਮੁਆਫੀ ਵੀ ਮੰਗਵਾਈ ਗਈ। ਔਰਤ ਨੇ ਕਿਹਾ ਕਿ ਵਿਆਹ ਵਾਲੇ ਦਿਨ ਤੋਂ ਹੀ ਉਸ ਨਾਲ ਹਰ ਰਾਤ ਬਲਾਤਕਾਰ ਤੇ ਕੁੱਟਮਾਰ ਕੀਤੀ ਜਾਂਦੀ ਰਹੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
