ਸ਼ਿਮਲਾ: ਇਸ ਸਾਲ ਖ਼ਰਾਬ ਮੌਸਮ ਕਾਰਨ ਦੇਸ਼ ਦੇ ਕੁਝ ਸ਼ਹਿਰ ਚੈਰੀ ਦਾ ਰਸੀਲਾ ਸਵਾਦ ਨਹੀਂ ਲੈ ਸਕਣਗੇ। ਇਸ ਸਾਲ ਸੂਬੇ ਵਿੱਚ ਆਮ ਨਾਲੋਂ ਸਿਰਫ਼ 15 ਤੋਂ 20 ਫ਼ੀਸਦੀ ਹੀ ਚੈਰੀ ਦੀ ਪੈਦਾਵਾਰ ਹੋਈ ਹੈ। ਸਰਦੀਆਂ ਵਿੱਚ ਲੋੜੀਂਦੀ ਬਰਸਾਤ ਅਤੇ ਬਰਫ਼ਬਾਰੀ ਨਾ ਹੋਣ ਕਾਰਨ ਜਿੱਥੇ ਚੈਰੀ ਸੋਕੇ ਦੀ ਮਾਰ ਹੇਠ ਆ ਗਈ ਹੈ, ਉੱਥੇ ਹੀ ਇਨ੍ਹਾਂ ਦਿਨਾਂ ਵਿੱਚ ਮੀਂਹ ਅਤੇ ਗੜੇਮਾਰੀ ਨੇ ਤਾਪਮਾਨ ਵਿੱਚ ਗਿਰਾਵਟ ਕਾਰਨ ਫ਼ਸਲ ਨੂੰ ਨੁਕਸਾਨ ਪਹੁੰਚਾਇਆ ਹੈ। ਚੈਰੀ ਸੀਜ਼ਨ ਇਸ ਸਾਲ ਲਗਭਗ ਦੋ ਹਫ਼ਤੇ ਦੇਰੀ ਨਾਲ ਹੈ।
ਦਸ ਦਈਏ ਕਿ ਹਿਮਾਚਲ ਤੋਂ ਚੈਰੀ ਦਿੱਲੀ ਦੇ ਰਸਤੇ ਮੁੰਬਈ, ਕੋਲਕਾਤਾ, ਬੰਗਲੌਰ ਅਤੇ ਗੁਜਰਾਤ ਭੇਜੀ ਜਾਂਦੀ ਹੈ। ਹਿਮਾਚਲ ਵਿੱਚ ਸਭ ਤੋਂ ਵੱਧ ਚੈਰੀ ਦਾ ਉਤਪਾਦਨ ਸ਼ਿਮਲਾ ਜ਼ਿਲ੍ਹੇ ਦੇ ਨਰਕੰਡਾ, ਕੋਟਗੜ੍ਹ, ਬਾਗੀ, ਮਟੀਆਣਾ, ਕੁਮਾਰਸੈਨ ਅਤੇ ਥਾਨਾਧਾਰ ਵਿੱਚ ਹੁੰਦਾ ਹੈ। ਮੰਡੀ ਵਿੱਚ ਨਨਕਰੀ ਦੀ ਚੈਰੀ ਆਉਣੀ ਸ਼ੁਰੂ ਹੋ ਗਈ ਹੈ। ਚੈਰੀ ਦੀ ਘੱਟ ਉਤਪਾਦਨ ਹੋਣ ਕਾਰਨ ਚੈਰੀ ਦੀ ਵਕਰੀ ਰਿਕਾਰਡ ਤੋੜ ਮੁਲ ‘ਤੇ ਕੀਤੀ ਜਾ ਰਹੀ ਹੈ। ਉਤਪਾਦਨ ਘੱਟ ਹੋਣ ਕਾਰਨ ਬਾਗਬਾਨਾਂ ਨੂੰ ਸੀਜ਼ਨ ਦੇ ਸ਼ੁਰੂ ਵਿੱਚ ਰਿਕਾਰਡ ਰੇਟ ਮਿਲ ਰਹੇ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
