ਆਉਣ ਵਾਲੇ ਦਿਨਾਂ ‘ਚ ਦੁਨੀਆ ਨੂੰ ਇੱਕ ਵੱਡੀ ਚੁਣੌਤੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਧਰਤੀ ‘ਤੇ ਇੱਕ ਖਤਰਨਾਕ ਵਾਇਰਸ ਫੈਲਣ ਦਾ ਡਰ ਹੈ ਜੋ 36 ਘੰਟੇ ਦੇ ਅੰਦਰ ਪੂਰੀ ਦੁਨੀਆ ‘ਚ ਹਵਾ ਜ਼ਰੀਏ ਫੈਲ ਜਾਵੇਗਾ ਜਿਸ ਕਾਰਨ ਪੂਰੀ ਦੁਨੀਆ ‘ਚ ਅੱਠ ਕਰੋੜ ਲੋਕਾਂ ਦੀ ਮੌਤ ਹੋ ਸਕਦੀ ਹੈ ।
ਵਿਸ਼ਵ ਸਿਹਤ ਸੰਗਠਨ (WHO) ਦੇ ਸਾਬਕਾ ਮੁੱਖੀ ਵੱਲੋਂ ਇਹ ਅਲਰਟ ਜਾਰੀ ਕੀਤਾ ਗਿਆ ਹੈ। ਉਨ੍ਹਾਂ ਨੇ ਇਸ ਨੂੰ ਦੁਨੀਆ ‘ਚ ਹੁਣ ਤੱਕ ਦਾ ਸਭ ਤੋਂ ਖਤਰਨਾਕ ਵਾਇਰਸ ਦੱਸਿਆ ਹੈ WHO ਨੇ ਵੀ ਇਸ ਸਾਹਮਣਾ ਕਰਨ ਲਈ ਤਿਆਰ ਰਹਿਣ ਨੂੰ ਕਿਹਾ ਹੈ ।
ਵਿਗਿਆਨੀਆ ਅਨੁਸਾਰ ਸਾਲ 1918 ‘ਚ ਫੈਲੇ ਸਪੈਨਿਸ਼ ਫਲੂ ( Spanish Flu Pandemic ) ਨੇ ਦੁਨੀਆ ਦੀ ਆਬਾਦੀ ਦੇ ਇੱਕ – ਤਿਹਾਈ ਹਿੱਸੇ ਨੂੰ ਪ੍ਰਭਾਵਿਤ ਕੀਤਾ ਸੀ। ਰਿਪੋਰਟ ਅਨੁਸਾਰ ਇਸ ਫਲੂ ਦੀ ਚਪੇਟ ਚ ਲਗਭਗ 5 ਕਰੋੜ ਲੋਗ ਆਏ ਸਨ।
ਹੁਣ ਜਿਹੜਾ ਫਲੂ ਦਸਤਕ ਦੇਣ ਵਾਲਾ ਹੈ, ਉਹ ਸਪੈਨਿਸ਼ ਫਲੂ ਤੋਂ ਵੀ ਕਿਤੇ ਜ਼ਿਆਦਾ ਖਤਰਨਾਕ ਹੈ। ਮਹਰਾਂ ਅਨੁਸਾਰ, ਇਹ ਫਲੂ ਇਸ ਲਈ ਵੀ ਜ਼ਿਆਦਾ ਖਤਰਨਾਕ ਹੋਵੇਗਾ ਕਿਉਂਕਿ ਸਪੈਨਿਸ਼ ਫਲੂ ਦੇ ਮੁਕਾਬਲੇ ਅੱਜ ਦੇ ਸਮੇਂ ‘ਚ ਪੂਰੀ ਦੁਨੀਆ ‘ਤੇ ਤੇਜੀ ਨਾਲ ਲੋਕ ਇੱਕ ਦੇਸ਼ ਤੋਂ ਦੂੱਜੇ ਦੇਸ਼ ਪਹੁੰਚ ਜਾਂਦੇ ਹਨ। ਇਸੇ ਨੂੰ ਦੇਖਦਿਆਂ ਆਉਣ ਵਾਲਾ ਫਲੂ ਪਹਿਲਾਂ ਤੋਂ ਜ਼ਿਆਦਾ ਖਤਰਨਾਕ ਸਾਬਤ ਹੋਵੇਗਾ ਤੇ ਸਿਰਫ 36 ਘੰਟੇ ਅੰਦਰ ਪੂਰੀ ਦੁਨੀਆ ‘ਚ ਫੈਲ ਜਾਵੇਗਾ।
- Advertisement -
ਵਿਸ਼ਵ ਸਿਹਤ ਸੰਗਠਨ ਦੀ ਸਾਬਕਾ ਚੀਫ ਦੀ ਅਗਵਾਈ ਵਾਲੀ ‘The Global Preparedness Monitoring Board’ ਦੇ ਸਿਹਤ ਮਾਹਰਾਂ ਦੀ ਟੀਮ ਨੇ ਆਪਣੀ ਇਸ ਰਿਪੋਰਟ ਨੂੰ ਸਾਰੇ ਦੇਸ਼ਾਂ ਦੇ ਆਗੂਆਂ ਨੂੰ ਬਚਾਅ ਲਈ ਜ਼ਰੂਰੀ ਕਦਮ ਚੁੱਕਣ ਲਈ ਭੇਜਿਆ ਹੈ। ਬੋਰਡ ਵੱਲੋਂ ਬੁੱਧਵਾਰ ਨੂੰ ਜਾਰੀ ਕੀਤੀ ਗਈ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਪੂਰੀ ਦੁਨੀਆ ‘ਚ ਫੈਲਣ ਵਾਲੇ ਇਸ ਵਾਇਰਸ ਦੀ ਚਿਤਾਵਨੀ ਸੱਚ ਹੈ।
ਇਸ ਵਾਇਰਸ ਦੇ ਫੈਲਣ ਨਾਲ ਕਈ ਦੇਸ਼ਾਂ ਦੀ ਮਾਲੀ ਹਾਲਤ ਵਿਗੜਨ ਤੇ ਰਾਸ਼ਟਰੀ ਸੁਰੱਖਿਆ ਦੇ ਅਸਥਿਰ ਹੋਣ ਦਾ ਵੀ ਬਹੁਤ ਖ਼ਤਰਾ ਹੈ। ਮਾਹਰਾਂ ਨੇ ਆਪਣੀ ਇਸ ਰਿਪੋਰਟ ਨੂੰ ‘ਏ ਵਰਲਡ ਐਟ ਰਿਸਕ’ ਦਾ ਨਾਮ ਦਿੱਤਾ ਹੈ, ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ ਇਹ ਵਾਇਰਸ ਇਬੋਲਾ ਦੀ ਤਰ੍ਹਾਂ ਹੀ ਖਤਰਨਾਕ ਸਾਬਤ ਹੋ ਸਕਦਾ ਹੈ । ਇਬੋਲਾ ਵਰਗੇ ਜਾਨਲੇਵਾ ਵਾਇਰਸ ਦੇ ਖਤਰੇ ਨੂੰ ਵੇਖਦੇ ਹੋਏ ਮੌਜੂਦਾ ਸਮੇਂ ਵਿੱਚ ਕੀਤੀ ਜਾ ਰਹੀਆਂ ਕੋਸ਼ਿਸ਼ਾਂ ਘੱਟ ਹਨ ।।
ਦੱਸ ਦੇਈਏ ਇਸ ਖਤਰਨਾਕ ਵਾਇਰਸ ਦਾ ਅਲਰਟ ਜਾਰੀ ਕਰਨ ਵਾਲੀ ਸੰਸਥਾ ਦ ਗਲੋਬਲ ਪ੍ਰੀਪੇਅਰਡਨੈਸ ਮਾਨਿਟਰਿੰਗ ਬੋਰਡ ( GPMB ) ਦੀ ਅਗਵਾਈ ਨਾਰਵੇ ਦੇ ਸਾਬਕਾ ਪ੍ਰਧਾਨਮੰਤਰੀ ਤੇ WHO ਦੇ ਮਹਾਨਿਦੇਸ਼ਕ ਡਾ.ਗਰੋ ਹਾਰਲੇਮ ਬਰੁੰਡਲੈਂਡ (Dr Gro Harlem Brundtland), ਇੰਟਰਨੈਸ਼ਨਲ ਫੈਡਰੇਸ਼ਨ ਆਫ ਰੈੱਡ ਕਰਾਸ ( International Federation of Red Cross ) ਤੇ ਰੈੱਡ ਕਰੀਸੇਂਟ ਸੋਸਾਈਟੀਜ਼ ( Red Crescent Societies) ਦੇ ਜਨਰਲ ਸਕੱਤਰ ਅਲਹਦਜ ਅਸ ਸਏ ( Alhadj As Sy ) ਕਰ ਰਹੇ ਹਨ ।
ਸੰਸਥਾ ਵੱਲੋਂ ਜਾਰੀ ਕੀਤੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਵੱਲੋਂ ਜਾਰੀ ਕੀਤੀ ਗਈ ਇਸ ਖਤਰਨਾਕ ਫਲੂ ਦੀ ਰਿਪੋਰਟ ਨੂੰ ਸੰਸਾਰਿਕ ਆਗੂਆਂ ਨੇ ਪੂਰੀ ਤਰ੍ਹਾਂ ਨਜ਼ਰਅੰਦਾਜ਼ ਕਰ ਦਿੱਤਾ ਸੀ।
ਇਸ ਰਿਪੋਰਟ ਉੱਤੇ ਮੁਹਰ ਲਗਾਉਂਦੇ ਹੋਏ WHO ਦੇ ਡਾਇਰੈਕਟਰ ਜਨਰਲ Tedros Adhanom Ghebreyesus ਨੇ ਸਾਰੇ ਦੇਸ਼ਾਂ ਦੀਆਂ ਸਰਕਾਰਾਂ ਨੂੰ ਐਲਾਨ ਕੀਤਾ ਹੈ ਕਿ ਉਹ ਇਸ ਖਤਰੇ ਨਾਲ ਨਜਿੱਠਣ ਲਈ ਪੁਖਤਾ ਇੰਜ਼ਾਮ ਕਰ ਲੈਣ। ਉਨ੍ਹਾਂ ਨੇ ਕਿਹਾ ਕਿ ਇਹ ਮੌਕਾ ਹੈ ਜਦੋਂ ਜੀ-7, ਜੀ-20 ਅਤੇ ਜੀ-77 ‘ਚ ਸ਼ਾਮਿਲ ਦੇਸ਼ ਬਾਕੀ ਦੁਨੀਆ ਲਈ ਇੱਕ ਉਦਾਹਰਣ ਪੇਸ਼ ਕਰ ਸਕਦੇ ਹੈ। ਦੱਸ ਦੇਈਏ ਕਿ ਹਵਾ ਵਿੱਚ ਫੈਲਣ ਵਾਲੇ ਇਸ ਖਤਰਨਾਕ ਫਲੂ ਦਾ ਅਲਰਟ WHO ਦੁਆਰਾ ਪਹਿਲਾਂ ਵੀ ਜਾਰੀ ਕੀਤਾ ਜਾ ਚੁੱਕਿਆ ਹੈ ।
