ਬਿਆਸ ਦਰਿਆ ‘ਚ ਰੁੜੇ ਨੌਜਵਾਨਾਂ ‘ਚੋਂ 3 ਦੀਆਂ ਮਿਲੀਆਂ ਦੇਹਾਂ

Global Team
2 Min Read

ਜਲੰਧਰ: ਜਲੰਧਰ ਦੇ ਅਰਬਨ ਅਸਟੇਟ ਇਲਾਕੇ ‘ਚੋਂ ਐਤਵਾਰ ਨੂੰ ਬਿਆਸ ਦਰਿਆ ‘ਚ ਵਹਿ ਗਏ 4 ਨੌਜਵਾਨਾਂ ‘ਚੋਂ 3 ਦੀਆਂ ਲਾਸ਼ਾਂ ਪੁਲਿਸ ਨੇ ਬਰਾਮਦ ਕੀਤੀਆਂ ਹਨ। ਇਹ ਲਾਸ਼ਾਂ ਪੰਜਾਬ ਪੁਲਿਸ ਦੀ ਟੀਮ ਨੇ ਗੋਇੰਦਵਾਲ ਸਾਹਿਬ ਨੇੜੇ ਤੋਂ ਬਰਾਮਦ ਕੀਤੀਆਂ ਹਨ। ਬਰਾਮਦ ਹੋਈਆਂ ਲਾਸ਼ਾਂ ਦੀ ਪਛਾਣ 19 ਸਾਲਾ  ਰਣਜੀਤ ਵਾਸੀ ਪਿੰਡ ਖਰੜਾ,  19 ਸਾਲਾ ਵਾਸੀ ਪਿੰਡ ਕਟੂਰਾ ਵਜੋਂ ਹੋਈ ਹੈ। ਹਾਲਾਂਕਿ ਤੀਸਰੀ ਲਾਸ਼ ਵੀ ਇਸੇ ਥਾਂ ਤੋਂ ਮਿਲੀ ਹੈ ਪਰ ਉਸ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਕਿਉਂਕਿ ਉਕਤ ਲਾਸ਼ ਬਹੁਤ ਹੀਿ ਮਾੜ ਹਿਾਲਤ ‘ਚ ਮਿਲੀ ਹੈ। ਸਰੀਰਕ ਬਣਤਰ ਅਨੁਸਾਰ ਅਨੁਸਾਰ ਉਕਤ ਲਾਸ਼ ਤੀਜੇ ਸਾਥੀ ਗੋਲੂ ਵਾਸੀ ਸੀਤਾਪੁਰ ਦੀ ਦੱਸੀ ਜਾ ਰਹੀ ਹੈ। ਪੁਲਿਸ ਨੇ ਤਿੰਨਾਂ ਦੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਇਸ ਦੇ ਨਾਲ ਹੀ ਨੌਜਵਾਨ ਦੇ ਚੌਥੇ ਸਾਥੀ ਧੀਰਜ (22) ਵਾਸੀ ਪਿੰਡ ਕਤੂਰਾ, ਸੀਤਾਪੁਰ ਦੀ ਭਾਲ ਜਾਰੀ ਹੈ। ਸਾਰੇ ਨੌਜਵਾਨ ਜਲੰਧਰ ਦੀ ਅਰਬਨ ਅਸਟੇਟ ‘ਚ ਕਿਰਾਏ ‘ਤੇ ਰਹਿੰਦੇ ਸਨ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਚਾਰੇ ਨੌਜਵਾਨਾਂ ਦੇ ਪਰਿਵਾਰਕ ਮੈਂਬਰ ਸ੍ਰੀ ਕ੍ਰਿਸ਼ਨ ਦੀ ਮੂਰਤੀ ਦੇ ਵਿਸਰਜਨ ਲਈ ਆਏ ਹੋਏ ਸਨ। ਇਸ ਦੌਰਾਨ ਚਾਰ ਨੌਜਵਾਨ ਮੂਰਤੀ ਵਿਸਰਜਨ ਦਾ ਪ੍ਰੋਗਰਾਮ ਛੱਡ ਕੇ ਪਰਿਵਾਰ ਤੋਂ ਕਰੀਬ 250 ਮੀਟਰ ਦੂਰ ਤੈਰਾਕੀ ਲਈ ਚਲੇ ਗਏ। ਇੱਕ ਇੱਕ ਕਰਕੇ ਸਾਰੇ ਪਾਣੀ ਵਿੱਚ ਚਲੇ ਗਏ।

ਪਰ ਤੇਜ਼ ਵਹਾਅ ਕਾਰਨ ਚਾਰੇ ਦਰਿਆ ਦੇ ਪਾਣੀ ਨਾਲ ਵਹਿ ਗਏ। ਦੱਸਿਆ ਜਾ ਰਿਹਾ ਹੈ ਕਿ ਸਾਰੇ ਇੱਕ ਦੂਜੇ ਨਾਲ ਮਜ਼ਾਕ ਕਰਦੇ ਹੋਏ ਨਦੀ ਵਿੱਚ ਵੜ ਗਏ ਸਨ ਅਤੇ ਇੱਕ ਦੂਜੇ ਨੂੰ ਤੈਰਨਾ ਸਿਖਾ ਰਹੇ ਸਨ। ਗੋਲੂ ਸਭ ਤੋਂ ਪਹਿਲਾਂ ਰੁੜਿਆ, ਜਿਸ ਤੋਂ ਬਾਅਦ ਇਕ-ਇਕ ਕਰਕੇ ਉਸ ਦੇ ਬਾਕੀ ਦੋਸਤ ਵੀ ਰੁੜ ਗਏ।

ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।

Share This Article
Leave a Comment