ਟੋਰਾਂਟੋ : ਓਂਟਾਰੀਓ ਵਿਖੇ ਕੋਰੋਨਾ ਮਾਮਲਿਆਂ ਵਿੱਚ ਲਗਾਤਾਰ ਗਿਰਾਵਟ ਆਉਣ ਲੱਗੀ ਹੈ । ਸ਼ੁੱਕਰਵਾਰ ਨੂੰ ਕੋਵਿਡ-19 ਦੇੇ 2362 ਨਵੇਂ ਕੇਸ ਦਰਜ ਕੀਤੇ ਗਏ। ਇਸ ਗਿਣਤੀ ਦੇ ਨਾਲ ਸੂਬਾਈ ਕੋੋੋੋੋਵਿਡ ਕੇਸਾਂ ਦਾ ਅੰਕੜਾ ਕੁੱਲ ਮਿਲਾ ਕੇ ਹੁਣ 5,04,533 ਤੱਕ ਪਹੁੰਚ ਗਿਆ ਹੈ।
ਸ਼ੁੱਕਰਵਾਰ ਦੀ ਕੇਸ ਗਿਣਤੀ ਵੀਰਵਾਰ ਦੇ ਮੁਕਾਬਲੇ ਘੱਟ ਹੈ, ਬੀਤੇ ਦਿਨ 2,759 ਨਵੇਂ ਸੰਕਰਮਣ ਕੇਸ ਦਰਜ ਹੋਏ ਸਨ। ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ 2,320 ਅਤੇ ਮੰਗਲਵਾਰ ਨੂੰ 2,073 ਮਾਮਲੇ ਦਰਜ ਕੀਤੇ ਗਏ ਸੀ। ਹਫ਼ਤੇ ਦਾ ਇਹ ਲਗਾਤਾਰ ਪੰਜਵਾਂ ਦਿਨ ਹੈ ਜਦੋਂ 3,000 ਤੋਂ ਘੱਟ ਕੋਰੋਨਾ ਦੇ ਕੇਸ ਦਰਜ ਕੀਤੇ ਗਏ।
Ontario is reporting 2,362 cases of #COVID19 and over 44,000 tests completed. Locally, there are 691 new cases in Toronto, 563 in Peel, 224 in York Region, 148 in Durham and 112 in Hamilton.
— Christine Elliott (@celliottability) May 14, 2021
A stay-at-home order is currently in effect for all of Ontario. Only leave home for essential purposes such as food, health care, exercise or work. It’s the law.
Stay home, stay safe, save lives.
Learn more about this and other #PublicHealth measures: https://t.co/9ta1KL6wCA pic.twitter.com/GXBde4yoIs
— Christine Elliott (@celliottability) May 14, 2021
ਸੂਬੇ ਦੀ ਸਿਹਤ ਮੰਤਰੀ ਕ੍ਰਿਸਟਾਇਨ ਇਲੀਅਟ ਨੇ ਦੱਸਿਆ ਕਿ ਸ਼ੁੱਕਰਵਾਰ ਦੀ ਰਿਪੋਰਟ ਦੇ ਅਨੁਸਾਰ ਟੋਰਾਂਟੋ ਵਿੱਚ 691, ਪੀਲ ਖੇਤਰ ਵਿੱਚ 563, ਯੌਰਕ ਖੇਤਰ ਵਿੱਚ 224, ਡਰਹਮ ਰੀਜਨ ਵਿੱਚ 148 ਅਤੇ ਹੈਮਿਲਟਨ ਵਿੱਚ 112 ਕੇਸ ਦਰਜ ਕੀਤੇ ਗਏ ਹਨ।
ਹੋਰ ਸਾਰੀਆਂ ਸਥਾਨਕ ਜਨਤਕ ਸਿਹਤ ਇਕਾਈਆਂ ਨੇ ਸੂਬਾਈ ਰਿਪੋਰਟ ਵਿਚ 100 ਤੋਂ ਘੱਟ ਨਵੇਂ ਕੇਸਾਂ ਦੀ ਰਿਪੋਰਟ ਕੀਤੀ ਹੈ।
ਇਸ ਵਿਚਾਲੇ ਸੂਬੇ ਵਿਚ 26 ਹੋਰ ਮੌਤਾਂ ਦਰਜ ਕੀਤੀਆਂ ਗਈਆਂ, ਇਸ ਤੋਂ ਬਾਅਦ ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ 8,431 ਹੋ ਗਈ ਹੈ।
ਪੂਰੇ ਸੂਬੇ ਅੰਦਰ ਹੁਣ ਵੀ ‘ਸਟੇਅ ਐਟ ਹੋਮ’ ਆਰਡਰ ਲਾਗੂ ਹੈ। ਸੂਬੇ ਦੀ ਸਿਹਤ ਮੰਤਰੀ ਨੇ ਮੁੜ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਬਿਨਾਂ ਕਿਸੇ ਅਤਿ ਜ਼ਰੂਰੀ ਕੰਮ ਘਰ ਤੋਂ ਬਾਹਰ ਨਾ ਆਉਣ।
ਘਰਾਂ ‘ਚ ਰਹੋ, ਸੁਰੱਖਿਅਤ ਰਹੋ।।
