ਵਿੰਡਸਰ: ਅਮਰੀਕਾ ਤੋਂ ਕੈਨੇਡਾ ਵਾਪਸ ਪਰਤ ਰਹੇ ਹੁਣ ਕੈਨੇਡੀਅਨ ਲੋਕਾਂ ਨਾਲ ਵੀ ਬਾਰਡਰ ਏਜੰਟਾਂ ਵਲੋਂ ਵਿਤਕਰਾਂ ਕੀਤਾ ਜਾ ਰਿਹਾ ਹੈ। ਇੱਕ ਰਿਪੋਰਟ ਮੁਤਾਬਕ ਬਾਰਡਰ ਏਜੰਟਾਂ ਵਲੋਂ ਨਸਲ ਜਾਂ ਰੰਗ ਦੇਖ ਕੇ ਬਗੈਰ ਕਿਸੇ ਕਾਰਨ ਲੋਕਾਂ ਨੂੰ ਪਰੇਸ਼ਾਨ ਕੀਤਾ ਜਾਂਦਾ ਹੈ । ਇਥੋਂ ਤੱਕ ਕਿ ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ ਦੇ ਕਈ ਅਫ਼ਸਰਾਂ ਨੇ ਵੀ ਇਹ ਮੰਨਿਆ ਹੈ ਕਿ ਉਨ੍ਹਾਂ ਨੇ ਆਪਣੇ ਸਾਥੀ ਅਫ਼ਸਰਾਂ ਨੂੰ ਮੁਸਾਫ਼ਰਾਂ ਨਾਲ ਵਿਤਕਰਾ ਕਰਦਿਆਂ ਦੇਖਿਆ ਹੈ।
ਰਿਪੋਰਟ ‘ਚ ਵਿੰਨੀਪੈਗ ਦੀ ਇੱਕ 33 ਸਾਲਾ ਔਰਤ ਨੇ ਆਪਣੀ ਕਹਾਣੀ ਦੱਸਦਿਆਂ ਕਿਹਾ ਕਿ ਜੇਕਰ ਉਹ ਆਪਣੇ ਗੋਰੇ ਦੋਸਤਾਂ ਨਾਲ ਅਮਰੀਕਾ ਤੋਂ ਕੈਨੇਡਾ ਵਾਪਸੀ ਆਉਂਦੀ ਹੈ ਤਾਂ ਕੋਈ ਫਰਕ ਨਹੀਂ ਪੈਂਦਾ ਪਰ ਜਦੋਂ ਉਹ ਆਪਣੀ ਨਸਲ ਜਾਂ ਰੰਗ ਵਾਲੇ ਦੋਸਤਾਂ ਨਾਲ ਬਾਰਡਰ ਪਾਰ ਕਰਦੀ ਹੈ ਤਾਂ ਅਫ਼ਸਰਾਂ ਵਲੋਂ ਬਹੁਤ ਸਵਾਲ ਕੀਤੇ ਜਾਂਦੇ ਹਨ।
ਔਰਤ ਨੇ ਦੱਸਿਆ ਕਿ ਇੱਕ ਵਾਰ ਤਾਂ ਬਾਰਡਰ ਅਫ਼ਸਰਾਂ ਵਲੋਂ ਉਸ ਨੂੰ ਤੇ ਉਸ ਦੀ ਮਾਤਾ ਤੇ ਉਸ ਦੇ ਦੋਸਤ ਨੂੰ ਮਨੁੱਖੀ ਤਸਕਰੀ ਦੇ ਮਾਮਲੇ ‘ਚ ਗ੍ਰਿਫ਼ਤਾਰ ਤੱਕ ਕਰ ਲਿਆ ਗਿਆ ਸੀ। ਔਰਤ ਨਾਲ ਕੈਨੇਡਾ ਵਿੱਚ ਦਾਖ਼ਲ ਹੋ ਰਹੇ ਪੁਰਸ਼ ਤੋਂ ਕਈ ਘੰਟੇ ਪੁੱਛ-ਪੜਤਾਲ ਕੀਤੀ ਗਈ ਅਤੇ ਆਖਰਕਾਰ ਛੱਡ ਦਿੱਤਾ ਗਿਆ। ਔਰਤ ਨੇ ਭਵਿੱਖ ‘ਚ ਪੈਦਾ ਹੋਣ ਵਾਲੀਆਂ ਸਮੱਸਿਆਵਾਂ ਤੋਂ ਬਚਣ ਲਈ ਆਪਣੀ ਪਛਾਣ ਜਨਤਕ ਨਹੀਂ ਕੀਤੀ।
ਉਸ ਨੇ ਅੱਗੇ ਦੱਸਿਆ ਕਿ, ‘ਮੈਂ ਉਸ ਵੇਲੇ 17 ਸਾਲ ਦੀ ਸੀ ਅਤੇ ਮੇਰੇ ਕੋਲ ਕਹਿਣ ਲਈ ਹੋਰ ਕੁਝ ਨਹੀਂ ਸੀ, ਸਿਵਾਏ ਇਸ ਦੇ ਕਿ ਅਸੀਂ ਇੱਕ ਦੂਜੇ ਦੇ ਨਾਲ ਸੀ ਕਿਉਂਕਿ ਉਹ ਮੇਰਾ ਦੋਸਤ ਹੈ। ਉਹ ਮੈਨੂੰ ਤੇ ਮੇਰੇ ਪਰਿਵਾਰ ਨੂੰ ਮੇਰੇ ਸ਼ਹਿਰ ਵਿੱਚ ਮਿਲਣ ਆਇਆ ਸੀ।’
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
