ਓਟਵਾ: ਕੈਨੇਡਾ ਦੀ ਬੇਰੁਜ਼ਗਾਰੀ ਦਰ ‘ਚ ਮੁੜ ਵਾਧਾ ਦਰਜ ਕੀਤਾ ਗਿਆ ਹੈ। ਸਟੈਟਿਸਟਿਕਸ ਕੈਨੇਡਾ ਵਲੋਂ ਜਾਰੀ ਨਵੇਂ ਅੰਕੜਿਆਂ ਮੁਤਾਬਕ ਬੇਰੁਜ਼ਗਾਰੀ ਦਰ ਵਧ ਕੇ 5.4 ਫ਼ੀਸਦੀ ਦਰਜ ਕੀਤੀ ਗਈ ਹੈ। ਕੈਨੇਡੀਅਨ ਅਰਥਚਾਰੇ ‘ਚ ਅਗਸਤ ਮਹੀਨੇ 40,000 ਨੌਕਰੀਆਂ ਖ਼ਤਮ ਹੋਈਆਂ ਹਨ।
ਅੰਕੜਿਆਂ ਮੁਤਾਬਕ ਮਈ 2020 ਤੋਂ ਬਾਅਦ ਬੇਰੁਜ਼ਗਾਰੀ ਦੀ ਦਰ ਪਹਿਲੀ ਵਾਰ ਵਧੀ ਹੈ। ਇਹ ਜੂਨ ਅਤੇ ਜੁਲਾਈ ਵਿਚ ਦੇਖੇ ਗਏ ਰਿਕਾਰਡ ਹੇਠਲੇ 4.9 ਫੀਸਦੀ ਤੋਂ 0.5 ਫੀਸਦੀ ਵਧਿਆ ਹੈ। ਜੂਨ ਅਤੇ ਜੁਲਾਈ ਵਿੱਚ ਲਗਾਤਾਰ ਦੋ ਮਹੀਨੇ ਅਰਥਚਾਰੇ ਚੋਂ ਨੌਕਰੀਆਂ ਵਿੱਚ ਕਮੀ ਆਉਣ ਤੋਂ ਬਾਅਦ, ਅਰਥਸ਼ਾਸਤਰੀਆਂ ਦਾ ਅਨੁਮਾਨ ਸੀ ਕਿ ਅਗਸਤ ਵਿੱਚ ਲਗਭਗ 10,000 ਤੋਂ 15,000 ਨਵੀਆਂ ਨੌਕਰੀਆਂ ਪੈਦਾ ਹੋਣਗੀਆਂ, ਪਰ ਅੰਕੜਿਆਂ ਨੇ ਅਨੁਮਾਨਾਂ ਨੂੰ ਉਲਟਾ ਦਿੱਤਾ ਹੈ।
ਅਗਸਤ ਦੇ ਅੰਕੜਿਆਂ ਤੋਂ ਬਾਅਦ, ਮਈ ਤੋਂ ਹੁਣ ਤੱਕ ਖ਼ਤਮ ਹੋਈਆਂ ਨੌਕਰੀਆਂ ਦੀ ਕੁਲ ਗਿਣਤੀ 100,000 ਤੋਂ ਪਾਰ ਹੋ ਗਈ ਹੈ। ਜੂਨ ‘ਚ ਕੈਨੇਡਾ ਵਿਚ ਬੇਰੁਜ਼ਗਾਰੀ ਦਰ ਘਟਕੇ 4.9 ਫ਼ੀਸਦੀ ਦੇ ਰਿਕਾਰਡ ਨੀਵੇਂ ਪੱਧਰ ‘ਤੇ ਪਹੁੰਚ ਗਈ ਸੀ। ਜੁਲਾਈ ‘ਚ ਇਹ ਦਰ ਸਥਿਰ ਰਹੀ ਪਰ ਅਗਸਤ ਵਿਚ ਬੇਰੁਜ਼ਗਾਰੀ ਦਰ ਵਿਚ 0.50 ਫ਼ੀਸਦੀ ਅੰਕ ਵਾਧਾ ਦਰਜ ਹੋਇਆ ਹੈ।
ਅਗਸਤ ਮਹੀਨੇ ਔਸਤ ਪ੍ਰਤੀ ਘੰਟਾ ਵੇਜ 31.33 ਡਾਲਰ ਦਰਜ ਹੋਈ। ਪਿਛਲੇ ਸਾਲ ਦੇ ਅਗਸਤ ਦੀ ਤੁਲਨਾ ਵਿੱਚ ਇਹ 5.4 % ਵੱਧ ਹੈ। ਤੁਲਨਾ ਦੇ ਉਦੇਸ਼ ਲਈ, ਕੈਨੇਡਾ ਦੀ ਮੌਜੂਦਾ ਮਹਿੰਗਾਈ ਦਰ 7.6 ਫੀਸਦੀ ਹੈ, ਜਿਸ ਦਾ ਮਤਲਬ ਹੈ ਕਿ ਵੇਜ ਵਿਚ ਵਾਧਾ ਮਹਿੰਗਾਈ ਦੇ ਪੱਧਰ ਦੇ ਮੇਚ ਦਾ ਨਹੀਂ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
