ਕੈਨੇਡਾ: ਵਪਾਰਕ ਵਾਹਨਾਂ ਦੀ ਚੋਰੀ ਕਰਨ ਦੇ ਮਾਮਲੇ ‘ਚ 15 ਪੰਜਾਬੀ ਗ੍ਰਿਫ਼ਤਾਰ

ਦਸ ਦਈਏ ਕਿ ਇਸ ਟਾਸਕ ਫ਼ੋਰਸ ਵਿਚ ਯੌਰਕ ਰੀਜਨਲ ਪੁਲਿਸ, ਟੋਰਾਂਟੋ ਪੁਲਿਸ, ਹਾਲਟਨ ਰੀਜਨਲ ਪੁਲਿਸ ਅਤੇ ਓਂਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਵੀ ਪੀਲ ਪੁਲਿਸ ਦਾ ਸਹਿਯੋਗ ਕੀਤਾ।ਸੰਯੁਕਤ ਟਾਸਕ ਫ਼ੋਰਸ ਨੇ ਪ੍ਰੋਜੈਕਟ ਬਿਗ ਰਿਗ ਦੇ ਤਹਿਤ ਵਪਾਰਕ ਵਾਹਨਾਂ ਨੂੰ ਚੋਰੀ ਕਰਨ ਅਤੇ ਚੋਰੀ ਦੇ ਸਮਾਨ ਨੂੰ ਅੱਗੇ ਵੇਚਣ ਵਾਲੇ ਗਿਰੋਹ ਦਾ ਪਰਦਾਫ਼ਾਸ਼ ਕੀਤਾ ਹੈ।

ਪੀਲ ਪੁਲਿਸ ਦੇ ਡਿਪਟੀ ਚੀਫ਼ ਨਿਕ ਮਿਲੀਨੋਵਿਕ ਨੇ  ਕਿਹਾ ਕਿ  ਕਾਰਗੋ ਅਤੇ ਆਟੋ ਚੋਰੀ ਕੋਈ ਪੀੜਤ-ਰਹਿਤ ਅਪਰਾਧ ਨਹੀਂ ਹੈ। ਇਹ ਗੰਭੀਰ ਵਿੱਤੀ ਨੁਕਸਾਨ ਪਹੁੰਚਾਉਂਦਾ ਹੈ, ਵਸਤੂਆਂ ਦੀ ਆਵਾਜਾਈ ਵਿੱਚ ਵਿਘਨ ਪਾਉਂਦਾ ਹੈ, ਅਤੇ ਬੀਮੇ ਦੀਆਂ ਲਾਗਤਾਂ ਨੂੰ ਵਧਾਉਂਦਾ ਹੈ ਅਤੇ ਇਹ ਲਾਗਤਾਂ ਫਿਰ ਖਪਤ ਤੱਕ ਪਹੁੰਚ ਜਾਂਦੀਆਂ ਹਨ। ਉਨ੍ਹਾਂ ਕਿਹਾ ਕਿ  ਪ੍ਰੋਜੈਕਟ ਬਿਗ ਰਿਗ ਉਹਨਾਂ ਵਿਅਕਤੀਆਂ ਨੂੰ ਜਵਾਬਦੇਹ ਬਣਾਉਣ ਲਈ ਸਾਡੇ ਯਤਨਾਂ ਦੀ ਇੱਕ ਮਿਸਾਲ ਹੈ ਜੋ ਸਾਡੇ ਭਾਈਚਾਰਿਆਂ ਅਤੇ ਲੋਕਾਂ ਨੂੰ ਪੀੜਤ ਬਣਾਉਂਦੇ ਹਨ। ਇਹ ਸਾਰੇ ਅਪਰਾਧਿਕ ਨੈੱਟਵਰਕਾਂ ਲਈ ਇੱਕ ਸਬਕ ਹੈ ਕਿ ਅਸੀਂ ਹਰ ਤਰ੍ਹਾਂ ਦੇ ਅਪਰਾਧ ਨੂੰ ਰੋਕਣਾ ਜਾਰੀ ਰੱਖਾਂਗੇ।

ਪੀਲ ਪੁਲਿਸ ਅਨੁਸਾਰ ਇਸ ਜਾਂਚ ਦੌਰਾਨ 6.99 ਮਿਲੀਅਨ ਡਾਲਰ ਦੀ ਕੀਮਤ ਦੇ ਚੋਰੀ ਦੇ ਮਾਲ ਦੇ 28 ਕੰਟੇਨਰ ਬਰਾਮਦ ਕੀਤੇ ਗਏ। ਇਸ ਤੋਂ ਇਲਾਵਾ 2.25 ਮਿਲੀਅਨ ਡਾਲਰ ਦੀ ਕੀਮਤ ਦੇ ਟ੍ਰੈਕਟਰ-ਟ੍ਰੇਲਰ ਵੀ ਬਰਾਮਦ ਹੋਏ ਜਿਸ ਨਾਲ ਕੁਲ ਰਿਕਵਰੀ ਦਾ ਮੁੱਲ 9.24 ਮਿਲੀਅਨ ਡਾਲਰ ਬਣਦਾ ਹੈ। ਪੀਲ ਪੁਲਿਸ ਡੀ.ਟੀ. ਮਾਰਕ ਹੇਵੁੱਡ ਨੇ ਕਿਹਾ ਕਿ ਛੇ ਜੀਟੀਏ ਸਟੋਰੇਜ ਸਥਾਨਾਂ ‘ਤੇ ਵਾਰੰਟ ਦਿੱਤੇ ਗਏ ਸਨ। ਉਹ ਵਾੜਾਂ ਰਾਹੀਂ ਬਹੁਤ ਸਾਰੀਆਂ ਸਹੂਲਤਾਂ ਵਿੱਚ ਦਾਖਲ ਹੋ ਰਹੇ ਸਨ। ਉਨ੍ਹਾਂ ਕਿਹਾ ਕਿ ਉਹ ਵਾੜ ਨੂੰ ਕੱਟ ਦਿੰਦੇ, ਅੰਦਰ ਜਾਂਦੇ, ਆਮ ਤੌਰ ‘ਤੇ ਇੱਕ ਟਰੱਕ ਚੋਰੀ ਕਰਦੇ, ਅਤੇ ਵਾੜ ਵਿੱਚੋਂ ਬਾਹਰ ਨਿਕਲ ਜਾਂਦੇ। ਗ੍ਰਿਫ਼ਤਾਰ ਹੋਏ ਵਿਅਕਤੀਆਂ ਉੱਪਰ ਅਪਰਾਧ ਦੁਆਰਾ ਪ੍ਰਾਪਤ ਕੀਤੀ ਸੰਪਤੀ ਰੱਖਣ, ਚੋਰੀ ਦੇ ਸਮਾਨ ਦੀ ਤਸਕਰੀ ਕਰਨ, ਅਦਾਲਤ ਦੇ ਹੁਕਮ ਨਾ ਮੰਨਣ, ਵਾਹਨ ਚੋਰੀ ਕਰਨ, ਚੋਰੀ ਕਰਨ ਲਈ ਜਬਰਨ ਦਾਖ਼ਲ ਹੋਣ ਵਰਗੇ ਕਈ ਦੋਸ਼ ਆਇਦ ਕੀਤੇ ਗਏ ਹਨ।

• ਬਲਕਾਰ ਸਿੰਘ, ਉਮਰ 42 ਸਾਲ
• ਅਜੇ ਅਜੇ, ਉਮਰ 26 ਸਾਲ
• ਮਨਜੀਤ ਪੱਡਾ, ਉਮਰ 40 ਸਾਲ
• ਜਗਜੀਵਨ ਸਿੰਘ, ਉਮਰ 25 ਸਾਲ
• ਅਮਨਦੀਪ ਬੈਦਵਾਨ, ਉਮਰ 41 ਸਾਲ
• ਕਰਮਸ਼ੰਦ ਸਿੰਘ, ਉਮਰ 58 ਸਾਲ
• ਜਸਵਿੰਦਰ ਅਟਵਾਲ, ਉਮਰ 45 ਸਾਲ
• ਲਖਵੀਰ ਸਿੰਘ, ਉਮਰ 45 ਸਾਲ
• ਜਗਪਾਲ ਸਿੰਘ, ਉਮਰ 34 ਸਾਲ
• ਉਪਕਰਨ ਸੰਧੂ, ਉਮਰ 31 ਸਾਲ
• ਸੁਖਵਿੰਦਰ ਸਿੰਘ, ਉਮਰ 44 ਸਾਲ
• ਕੁਲਵੀਰ ਬੈਂਸ, ਉਮਰ 39 ਸਾਲ
• ਬਾਨੀਸ਼ਿਦਰ ਲਾਲਸਰਨ, ਉਮਰ 29 ਸਾਲ
• ਸ਼ੋਭਿਤ ਵਰਮਾ, ਉਮਰ 23 ਸਾਲ
• ਸੁਖਨਿੰਦਰ ਢਿੱਲੋਂ, ਉਮਰ 39 ਸਾਲ