ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਹੋਈ ਕੈਬਨਿਟ ਮੀਟਿੰਗ ਵਿੱਚ 2025-26 ਦੇ ਸਾਉਣੀ ਸੀਜ਼ਨ ਲਈ 14 ਫਸਲਾਂ ਦੇ ਘੱਟੋ-ਘੱਟ ਸਮਰਥਨ ਮੁੱਲ (MSP) ਵਿੱਚ ਵਾਧੇ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਸਰਕਾਰ ਨੇ ਸਾਉਣੀ ਫਸਲਾਂ ਦੇ MSP ਵਿੱਚ ਵਾਧਾ ਕੀਤਾ ਹੈ ਤਾਂ ਜੋ ਕਿਸਾਨਾਂ ਨੂੰ ਉਨ੍ਹਾਂ ਦੀ ਉਪਜ ਲਈ ਲਾਹੇਵੰਦ ਕੀਮਤ ਮਿਲ ਸਕੇ। ਇਸ ਵਾਰ MSP ’ਤੇ ਕੁੱਲ 2.07 ਲੱਖ ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਨਾਲ ਹੀ, ਕੈਬਨਿਟ ਨੇ ਕਿਸਾਨ ਕ੍ਰੈਡਿਟ ਕਾਰਡ ’ਤੇ ਵਿਆਜ ’ਤੇ ਛੋਟ ਨੂੰ ਵੀ ਮਨਜ਼ੂਰੀ ਦਿੱਤੀ ਹੈ।
ਕੇਂਦਰ ਸਰਕਾਰ ਨੇ ਸਾਉਣੀ ਫਸਲਾਂ ਲਈ 2.07 ਲੱਖ ਕਰੋੜ ਰੁਪਏ ਦੇ MSP ਨੂੰ ਮਨਜ਼ੂਰੀ ਦਿੱਤੀ ਹੈ। 2025-26 ਦੇ ਸਾਉਣੀ ਸੀਜ਼ਨ ਲਈ ਘੱਟੋ-ਘੱਟ ਸਮਰਥਨ ਮੁੱਲ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਸਰਕਾਰ ਨੇ ਉਤਪਾਦਨ ਲਾਗਤ ’ਤੇ ਘੱਟੋ-ਘੱਟ 50% ਮੁਨਾਫਾ ਨਿਰਧਾਰਤ ਕੀਤਾ ਹੈ। ਝੋਨਾ, ਮੱਕੀ, ਜਵਾਰ, ਬਾਜਰਾ, ਰਾਗੀ, ਦਾਲਾਂ, ਤੇਲ ਬੀਜ, ਅਤੇ ਕਪਾਹ ਵਰਗੀਆਂ 14 ਫਸਲਾਂ ਦੇ ਕਿਸਾਨਾਂ ਨੂੰ ਇਸਦਾ ਲਾਭ ਮਿਲੇਗਾ।
ਕੇਂਦਰੀ ਮੰਤਰੀ ਨੇ ਦੱਸਿਆ ਕਿ ਕਿਸਾਨਾਂ ਨੂੰ ਉਨ੍ਹਾਂ ਦੀ ਉਤਪਾਦਨ ਲਾਗਤ ’ਤੇ ਸਭ ਤੋਂ ਵੱਧ ਮਾਰਜਨ ਬਾਜਰੇ (63%) ਦੇ ਮਾਮਲੇ ਵਿੱਚ ਹੋਣ ਦੀ ਉਮੀਦ ਹੈ, ਇਸ ਤੋਂ ਬਾਅਦ ਮੱਕੀ (59%), ਅਰਹਰ (59%), ਅਤੇ ਮੂੰਗ (53%) ਦਾ ਸਥਾਨ ਹੈ। ਬਾਕੀ ਫਸਲਾਂ ਲਈ, ਕਿਸਾਨਾਂ ਨੂੰ ਉਨ੍ਹਾਂ ਦੀ ਉਤਪਾਦਨ ਲਾਗਤ ’ਤੇ 50% ਮਾਰਜਨ ਮਿਲਣ ਦੀ ਉਮੀਦ ਹੈ।
ਨਵੀਆਂ MSP ਕੀਮਤਾਂ:
ਝੋਨਾ (ਆਮ): 2,369 ਰੁਪਏ ਪ੍ਰਤੀ ਕੁਇੰਟਲ (50% ਮੁਨਾਫਾ)
ਮੱਕੀ: 2,400 ਰੁਪਏ ਪ੍ਰਤੀ ਕੁਇੰਟਲ (59% ਮੁਨਾਫਾ)
ਅਰਹਰ (ਤੂਰ): 8,000 ਰੁਪਏ ਪ੍ਰਤੀ ਕੁਇੰਟਲ (59% ਮੁਨਾਫਾ)
ਮੂੰਗ: 8,768 ਰੁਪਏ ਪ੍ਰਤੀ ਕੁਇੰਟਲ (50% ਮੁਨਾਫਾ)
ਸਰ੍ਹੋਂ (ਤਿਲ): 9,846 ਰੁਪਏ ਪ੍ਰਤੀ ਕੁਇੰਟਲ (50% ਮੁਨਾਫਾ)
