Breaking News

ਬਿਸਕੁਟ ਬਨਾਮ ਕੁੱਤਾ! ਇਸ ਵੱਡੇ ਕਾਰਨ ਕਰਕੇ ਧੋਨੀ ਅਤੇ ਗੰਭੀਰ ਦੇ ਪ੍ਰਸ਼ੰਸਕਾਂ ‘ਚ ਹੋਈ ਬਹਿਸ

ਨਿਊਜ਼ ਡੈਸਕ: ਭਾਰਤ ਨੇ ਮਹਿੰਦਰ ਸਿੰਘ ਧੋਨੀ ਦੀ ਕਪਤਾਨੀ ‘ਚ 2011 ਵਨਡੇ ਵਿਸ਼ਵ ਕੱਪ ਜਿੱਤਿਆ ਸੀ। ਫਾਈਨਲ ਮੈਚ ਵਿੱਚ ਗੌਤਮ ਗੰਭੀਰ ਅਤੇ ਮਹਿੰਦਰ ਸਿੰਘ ਧੋਨੀ ਨੇ ਵਧੀਆ ਪਾਰੀ ਖੇਡ ਕੇ ਮੈਚ ਜਿੱਤ ਲਿਆ ਸੀ। ਹੁਣ ਦੋਵਾਂ ਦਿੱਗਜ ਬੱਲੇਬਾਜ਼ਾਂ ਦੇ ਪ੍ਰਸ਼ੰਸਕ ਸੋਸ਼ਲ ਮੀਡੀਆ ‘ਤੇ ਭਿੜ ਗਏ ਹਨ।ਉਨ੍ਹਾਂ ‘ਚ ਗੌਤਮ ਗੰਭੀਰ ਦੇ ਪਾਲਤੂ ਕੁੱਤੇ ਅਤੇ ਧੋਨੀ ਦੇ ਬਿਸਕੁਟ ਨੂੰ ਲੈ ਕੇ  ਬਹਿਸ ਸ਼ੁਰੂ ਹੋ ਗਈ ਹੈ।

ਦਰਅਸਲ, ਧੋਨੀ ਨੇ 25 ਸਤੰਬਰ  ਨੂੰ ਲਾਈਵ ਆ ਕੇ ਵੱਡਾ ਐਲਾਨ ਕੀਤਾ ਹੈ।ਮਾਹੀ ਨੇ ਭਾਰਤ ਵਿੱਚ ਬਿਸਕੁਟ ਦਾ ਇੱਕ ਉਤਪਾਦ ਲਾਂਚ ਕੀਤਾ ਹੈ। ਉਨ੍ਹਾਂ ਨੇ ਉਸਦਾ ਸਬੰਧ ਸਾਲ 2011 ਵਿਸ਼ਵ ਕੱਪ ਵੀ ਕੀਤਾ।ਧੋਨੀ ਨੇ ਕਿਹਾ ਕਿ ਓਰੀਓ ਬਿਸਕੁਟ 2011 ‘ਚ ਲਾਂਚ ਕੀਤਾ ਗਿਆ ਸੀ ਅਤੇ ਭਾਰਤ ਨੇ ਉਸੇ ਸਾਲ ਵਿਸ਼ਵ ਕੱਪ ਜਿੱਤਿਆ ਸੀ। ਮਾਹੀ ਨੇ ਕਿਹਾ ਕਿ ਇਸ ਵਾਰ ਟੀ-20 ਵਿਸ਼ਵ ਕੱਪ 2022 ‘ਚ ਹੈ ਅਤੇ ਇਸ ਵਾਰ ਇਹ ਉਤਪਾਦ ਦੁਬਾਰਾ ਲਾਂਚ ਕੀਤਾ ਜਾ ਰਿਹਾ ਹੈ।

ਗੌਤਮ ਗੰਭੀਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੋਂ ਇਕ ਵੀਡੀਓ ਪੋਸਟ ਕੀਤੀ ਹੈ, ਜਿਸ ‘ਚ ਉਨ੍ਹਾਂ ਨੇ ਬੇਟੀਆਂ ਨੂੰ ਗੋਦ ‘ਚ ਲਿਆ ਹੈ। ਇਸ ਦੇ ਨਾਲ ਹੀ ਵੀਡੀਓ ‘ਚ ਇਕ ਕੁੱਤਾ ਨਜ਼ਰ ਆ ਰਿਹਾ ਹੈ। ਗੌਤਮ ਗੰਭੀਰ ਦੀ ਬੇਟੀ ਕੁੱਤੇ ਨੂੰ ਓਰੀਓ ਦੇ ਨਾਂ ਨਾਲ ਬੁਲਾਉਂਦੀ ਹੈ। ਇਸ ਤੋਂ ਬਾਅਦ ਹੀ ਸੋਸ਼ਲ ਮੀਡੀਆ ‘ਤੇ ਹੰਗਾਮਾ ਸ਼ੁਰੂ ਹੋ ਗਿਆ ਅਤੇ ਧੋਨੀ ਦੇ ਪ੍ਰਸ਼ੰਸਕ ਮੰਨਣ ਲੱਗੇ ਕਿ ਗੌਤਮ ਗੰਭੀਰ ਨੇ ਜਾਣਬੁੱਝ ਕੇ ਇਹ ਵੀਡੀਓ ਸ਼ੇਅਰ ਕੀਤੀ ਹੈ।

ਗੌਤਮ ਗੰਭੀਰ ਨੇ ਆਪਣੀ ਪੋਸਟ ‘ਚ ਕਿਤੇ ਵੀ ਧੋਨੀ ਅਤੇ ਉਸ ਬਿਸਕੁਟ ਦਾ ਜ਼ਿਕਰ ਨਹੀਂ ਕੀਤਾ ਹੈ। ਪਰ ਫਿਰ ਸੋਸ਼ਲ ਮੀਡੀਆ ‘ਤੇ ਇਕ ਯੂਜ਼ਰ ਨੇ ਧੋਨੀ ਨੂੰ ਪੁੱਛਿਆ ਕਿ ਉਸ ਨੂੰ ਲੱਗਦਾ ਹੈ ਕਿ ਅਸੀਂ ਬਿਸਕੁਟ ਦੀ ਵਜ੍ਹਾ ਨਾਲ ਵਿਸ਼ਵ ਕੱਪ ਜਿੱਤਿਆ ਹੈ। ਯੂਜ਼ਰ ਨੇ ਯੁਵਰਾਜ ਸਿੰਘ ਦੀ ਫੋਟੋ ਵੀ ਪਾਈ ਹੈ। ਧੋਨੀ ਨੇ ਪ੍ਰਸ਼ੰਸਕਾਂ ਦਾ ਬਚਾਅ ਕਰਦੇ ਹੋਏ ਲਿਖਿਆ ਹੈ ਕਿ ਗੌਤਮ ਗੰਭੀਰ ਦੀ ਪੋਸਟ ਡਾਟਰਸ ਡੇ ‘ਤੇ ਸੀ ਨਾ ਕਿ ਧੋਨੀ ਅਤੇ ਕੁੱਤੇ ‘ਤੇ। Oreo ਇੱਕ ਬਹੁਤ ਹੀ ਆਮ ਨਾਮ ਹੈ, ਜੋ ਕਿ ਇੱਕ ਪਾਲਤੂ ਕੁੱਤੇ ਦਾ ਆਮ ਹੀ ਨਾਮ ਰੱਖਿਆ ਜਾਂਦਾ ਹੈ।

ਮਹਿੰਦਰ ਸਿੰਘ ਧੋਨੀ ਦੀ ਕਪਤਾਨੀ ਵਿੱਚ ਟੀਮ ਇੰਡੀਆ ਨੇ 2011 ਵਿਸ਼ਵ ਕੱਪ ਦਾ ਖਿਤਾਬ ਜਿੱਤਿਆ ਸੀ। ਗੌਤਮ ਗੰਭੀਰ ਨੇ ਫਾਈਨਲ ਮੈਚ ‘ਚ 97 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ।ਸੀ।  ਇਸ ਦੇ ਨਾਲ ਹੀ ਧੋਨੀ ਨੇ ਫਿਨਿਸ਼ਰ ਦੀ ਭੂਮਿਕਾ ਨਿਭਾਉਂਦੇ ਹੋਏ 91 ਦੌੜਾਂ ਬਣਾਈਆਂ। ਇਸ ਕਾਰਨ ਟੀਮ ਇੰਡੀਆ ਨੇ 6 ਵਿਕਟਾਂ ਨਾਲ ਜਿੱਤ ਦਰਜ ਕੀਤੀ।

Disclaimer: This article is provided for informational purposes only.  The information should not be taken to represent the opinions, policy, or views of Global Punjab TV, nor any of its staff, employees, or affiliates.

Check Also

ISRO ਦੇ ਸਾਬਕਾ ਵਿਗਿਆਨੀ ਨੂੰ ਝੂਠੇ ਕੇਸ ‘ਚ ਫਸਾਇਆ, SC ਨੇ ਦੋਸ਼ੀਆਂ ਦੀ ਜ਼ਮਾਨਤ ਕੀਤੀ ਰੱਦ

ਨਵੀਂ ਦਿੱਲੀ: ਸੁਪਰੀਮ ਕੋਰਟ ਨੇ ਭਾਰਤੀ ਪੁਲਾੜ ਖੋਜ ਸੰਸਥਾ (ਇਸਰੋ) ਦੇ ਸਾਬਕਾ ਵਿਗਿਆਨੀ ਨੰਬੀ ਨਾਰਾਇਣਨ …

Leave a Reply

Your email address will not be published. Required fields are marked *