Home / ਸੰਸਾਰ / ਵਿਗਿਆਨੀਆਂ ਨੇ ਲੱਭ ਲਈ ਚਿੜੀਆਂ ਦੀ ਭਾਸ਼ਾ, ਮਨੁੱਖਾਂ ਵਾਂਗ ਹੀ ਕਰਦੀਆਂ ਨੇ ਗੱਲਾਂ

ਵਿਗਿਆਨੀਆਂ ਨੇ ਲੱਭ ਲਈ ਚਿੜੀਆਂ ਦੀ ਭਾਸ਼ਾ, ਮਨੁੱਖਾਂ ਵਾਂਗ ਹੀ ਕਰਦੀਆਂ ਨੇ ਗੱਲਾਂ

ਲੰਬੇ ਸਮਾਂ ਤੋਂ ਇਸ ਗੱਲ ਉੱਤੇ ਵਿਚਾਰ ਹੁੰਦਾ ਆ ਰਿਹਾ ਹੈ ਕਿ ਚਿੜੀਆਂ ਦੀ ਚਹਿਚਹਾਹਟ, ਕੁੱਤੇ ਦਾ ਭੌਂਕਣਾ ਇਹ ਸਿਰਫ ਇੱਕ ਆਵਾਜ਼ ਹੈ ਜਾਂ ਕੋਈ ਭਾਸ਼ਾ । ਹੁਣ ਵਿਗਿਆਨੀਆਂ ਨੇ ਚਿੜੀਆਂ ਦੀ ਚਹਿਚਹਾਹਟ ਵਿੱਚ ਭਾਸ਼ਾ ਲੱਭ ਲਈ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਚਹਿਚਹਾਹਟ ਵਿੱਚ ਸਾਡੀ ਭਾਸ਼ਾ ਦੀ ਤਰ੍ਹਾਂ ਹੀ ਵਾਕ, ਸ਼ਬਦ ਅਤੇ ਅੱਖਰ ਮੌਜੂਦ ਰਹਿੰਦੇ ਹਨ। ਚਿੜੀ ਮਨੁੱਖਾਂ ਦੀ ਤਰ੍ਹਾਂ ਹੀ ਗੱਲਾਂ ਕਰਦੀਆਂ ਹਨ ਅਤੇ ਸੁਨੇਹਾ ਵੀ ਦਿੰਦੀਆਂ ਹਨ। ‘ਪ੍ਰੋਸੀਡਿੰਗਸ ਆਫ ਦ ਨੈਸ਼ਨਲ ਅਕੈਡਮੀ ਆਫ ਸਾਈਂਸਜ਼’ ਜਰਨਲ ਵਿੱਚ ਪ੍ਰਕਾਸ਼ਿਤ ਜਾਂਚ ਵਿੱਚ ਇਸ ਗੱਲ ਦੀ ਸੰਭਾਵਨਾ ਜਤਾਈ ਗਈ ਹੈ ਕਿ ਚਿੜੀਆਂ ਦੀ ਆਵਾਜ਼ ਵੀ ਮਨੁੱਖਾਂ ਦੀ ਭਾਸ਼ਾ ਦੀ ਤਰ੍ਹਾਂ ਛੋਟੇ-ਛੋਟੇ ਅੱਖਰਾਂ ਨਾਲ ਮਿਲ ਕੇ ਬਣੀ ਹੈ, ਜੋ ਸੰਗਠਿਤ ਹੋਣ ‘ਤੇ ਕਿਸੇ ਸ਼ਬਦ ਜਾਂ ਵਾਕ ਦੀ ਤਰ੍ਹਾਂ ਪੇਸ਼ ਆਉਂਦੇ ਹਨ। ਉਨ੍ਹਾਂਨੇ ਦੱਸਿਆ ਕਿ ਵਿਸ਼ਲੇਸ਼ਣ ਕਰਨ ‘ਤੇ ਪਤਾ ਚੱਲਿਆ ਕਿ ਇਹ ਪੰਛੀ ਏ ਅਤੇ ਬੀ ਨੂੰ ਵਿਸ਼ੇਸ਼ ਕ੍ਰਮ ਵਿੱਚ ਰੱਖ ਕਰਕੇ ਗੱਲ ਕਰਦੇ ਹਨ । ਉਨ੍ਹਾਂਨੇ ਦੱਸਿਆ ਕਿ ਜਦੋਂ ਇਹ ਪੰਛੀ ‘ਏ ਬੀ’ ਦੀ ਆਵਾਜ਼ ਕੱਢਦੇ ਹਨ ਤਾਂ ਇਹ ਉੱਡਣ ਵਾਲੇ ਹੁੰਦੇ ਹਨ ਤੇ ਜਦੋਂ ਆਪਣੇ ਚੂੰਝਾਂ ਨੂੰ ਆਲ੍ਹਣੇ ‘ਚ ਖਾਣਾ ਖਵਾਉਂਦੀਆਂ ਹਨ ਤਾਂ ‘ਬੀਏਬੀ’ ਦੀ ਆਵਾਜ਼ ਕੱਢਦੀਆਂ ਹਨ । ਸਵਿਟਜ਼ਰਲੈਂਡ ਵਿੱਚ ਜਿਊਰਿਖ ਯੂਨੀਵਰਸਿਟੀ ਦੇ ਖੋਜੀ ਸਬਰੀਨਾ ਏਂਗੇਜਰ ਦੀ ਅਗਵਾਈ ‘ਚ ਵਿਗਿਆਨੀਆਂ ਨੇ ਆਸਟਰੇਲਿਆਈ ਪੰਛੀ ‘ਚੈਸਟਨਟ- ਕਰਾਉਂਡ ਬਬਲਰ’ ਦੀ ਆਵਾਜ਼ ਦਾ ਵਿਸ਼ਲੇਸ਼ਣ ਕੀਤਾ ਤੇ ਪਾਇਆ ਕਿ ਮਨੁੱਖੀ ਭਾਸ਼ਾ ਦੀ ਤਰ੍ਹਾਂ ਹੀ ਉਸਦੇ ਸੁਰਾਂ ਨੂੰ ਤੋੜਿਆ ਜਾ ਸਕਦਾ ਹੈ।

Check Also

ਲੰਦਨ ਨੇ 10 ਦਿਨਾਂ ‘ਚ ਤਿਆਰ ਕੀਤਾ 4000 ਬੈੱਡ ਦਾ ਐਮਰਜੈਂਸੀ ਹਸਪਤਾਲ

ਲੰਦਨ: ਜਿੱਥੇ ਚੀਨ ਕੋਰੋਨਾ ਵਾਰਿਸ ਨਾਲ ਨਜਿੱਠਣ ਲਈ 10 ਦਿਨਾਂ ‘ਚ ਇਕ ਹਜ਼ਾਰ ਬੈੱਡ ਦਾ ਹਸਪਤਾਲ ਬਣਾ …

Leave a Reply

Your email address will not be published. Required fields are marked *