ਛਤਰਪੁਰ: ਮੱਧ ਪ੍ਰਦੇਸ਼ ਦੇ ਬਾਗੇਸ਼ਵਰ ਧਾਮ ਦੇ ਮੁਖੀ ਦੇ ਭਰਾ ਦੀ ਗੁੰਡਾਗਰਦੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਇਕ ਵੀਡੀਓ ‘ਚ ਦਿਖਾਇਆ ਗਿਆ ਹੈ ਕਿ ਬਾਗੇਸ਼ਵਰ ਧਾਮ ਮੰਦਰ ਦੇ ਮੁਖੀ ਦਾ ਭਰਾ ਦਲਿਤ ਔਰਤ ਦੇ ਵਿਆਹ ‘ਚ ਦਾਖਲ ਹੋਇਆ ਅਤੇ ਉਥੇ ਮੌਜੂਦ ਮਹਿਮਾਨਾਂ ਨੂੰ ਕੱਟਾ (ਦੇਸੀ ਪਿਸਤੌਲ) ਨਾਲ ਧਮਕਾਉਂਦਾ ਰਿਹਾ। ਖਬਰਾਂ ਮੁਤਾਬਕ ਧੀਰੇਂਦਰ ਕ੍ਰਿਸ਼ਨ ਸ਼ਾਸਤਰੀ ਦਾ ਭਰਾ ਅਤੇ ਧਾਰਮਿਕ ਪ੍ਰਚਾਰਕ ਸੌਰਭ ਉਰਫ ਸ਼ਾਲੀਗ੍ਰਾਮ ਸ਼ਰਾਬ ਦੇ ਨਸ਼ੇ ‘ਚ ਸੀ। ਪੁਲਿਸ ਮੁਤਾਬਕ ਸੌਰਭ ਨੇ ਬਾਗੇਸ਼ਵਰ ਧਾਮ ਦੇ ਗੀਤਾਂ ਦੀ ਬਜਾਏ ਬੁੰਦੇਲਖੰਡ ਦੇ ਪ੍ਰਸਿੱਧ ਰਾਏ ਡਾਂਸ ਸੰਗੀਤ ‘ਤੇ ਇਤਰਾਜ਼ ਜਤਾਇਆ ਸੀ।
ਇੱਕ ਹੱਥ ਵਿੱਚ ਸਿਗਰੇਟ ਲੈ ਕੇ, ਸੌਰਭ ਇੱਕ ਆਦਮੀ ਨੂੰ ਗਾਲ੍ਹਾਂ ਕੱਢਦਾ ਅਤੇ ਉਸਦੇ ਸਿਰ ‘ਤੇ ਪਿਸਤੌਲ ਦਾ ਇਸ਼ਾਰਾ ਕਰਦਾ ਦੇਖਿਆ ਜਾ ਸਕਦਾ ਹੈ। ਇਸ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਿਆ ਹੈ। ਪੁਲਿਸ ਨੇ ਦੱਸਿਆ ਕਿ ਘਟਨਾ ਦੀ ਜਾਂਚ ਲਈ ਟੀਮ ਬਣਾਈ ਗਈ ਹੈ। ਦੱਸ ਦੇਈਏ ਕਿ ਧੀਰੇਂਦਰ ਕ੍ਰਿਸ਼ਨ ਸ਼ਾਸਤਰੀ “ਭਗਵਤ ਕਥਾ” ਲਈ ਦੇਸ਼ ਭਰ ਵਿੱਚ ਯਾਤਰਾ ਕਰਦੇ ਹਨ। ਹਾਲ ਹੀ ਵਿੱਚ ਮਹਾਰਾਸ਼ਟਰ ਦੇ ਇੱਕ ਅੰਧ-ਵਿਸ਼ਵਾਸ ਵਿਰੋਧੀ ਸੰਗਠਨ ਨੇ ਨਾਗਪੁਰ ਵਿੱਚ ਇੱਕ ਸਮਾਗਮ ਵਿੱਚ ਉਸ ਨੂੰ ਆਪਣੀ ਚਮਤਕਾਰੀ ਸ਼ਕਤੀਆਂ ਦਾ ਪ੍ਰਦਰਸ਼ਨ ਕਰਨ ਦੀ ਚੁਣੌਤੀ ਦਿੱਤੀ।