ਵਾਇਰਲ ਮੀਮਜ਼ ‘ਤੇ ਅਰਚਨਾ ਨੇ ਤੋੜੀ ਚੁੱਪ ,ਸਿੱਧੂ ਦੀ ਵਾਪਸੀ ਬਾਰੇ ਕਹੀ ਇਹ ਗੱਲ

ਨਿਊਜ਼ ਡੈਸਕ: ਨਵਜੋਤ ਸਿੰਘ ਸਿੱਧੂ ਕਾਰਨ ‘ਦਿ ਕਪਿਲ ਸ਼ਰਮਾ ਸ਼ੋਅ’ ਦੀ ਗੈਸਟ ਜੱਜ ਅਰਚਨਾ ਪੂਰਨ ਸਿੰਘ ਇਕ ਵਾਰ ਫਿਰ ਸੁਰਖੀਆਂ ‘ਚ ਹੈ। ਪੰਜਾਬ ਵਿਧਾਨ ਸਭਾ ਚੋਣਾਂ ‘ਚ ਸਿੱਧੂ ਦੀ ਹਾਰ ਤੋਂ ਬਾਅਦ ਅਰਚਨਾ ਪੂਰਨ ਸਿੰਘ ‘ਤੇ ਕਈ ਮੀਮਜ਼ ਵਾਇਰਲ ਹੋਏ ਸਨ। ਕਿਹਾ ਜਾ ਰਿਹਾ ਸੀ ਕਿ ਚੋਣ ਹਾਰਨ ਤੋਂ ਬਾਅਦ ਸਿੱਧੂ ਹੁਣ ਕਪਿਲ ਦੇ ਸ਼ੋਅ ‘ਚ ਵਾਪਸੀ ਕਰਨਗੇ। ਅਜਿਹੇ ‘ਚ ਅਰਚਨਾ ਪੂਰਨ ਸਿੰਘ ਦੀ ਕੁਰਸੀ ਖਤਰੇ ‘ਚ ਆ ਗਈ ਹੈ। ਹੁਣ ਅਰਚਨਾ ਨੇ ਇਨ੍ਹਾਂ ਵਾਇਰਲ ਮੀਮਜ਼ ‘ਤੇ ਆਪਣੀ ਚੁੱਪੀ ਤੋੜ ਦਿੱਤੀ ਹੈ।

ਅਰਚਨਾ ਪੂਰਨ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇਹ ਬਹੁਤ ਅਜੀਬ ਲੱਗਦਾ ਹੈ ਕਿ ਜਦੋਂ ਵੀ ਨਵਜੋਤ ਸਿੰਘ ਸਿੱਧੂ ਨਾਲ ਕੁਝ ਨਵਾਂ ਹੁੰਦਾ ਹੈ ਤਾਂ ਮੇਰੇ ਨਾਂ ‘ਤੇ ਬਣੇ ਮੀਮਜ਼ ਵਾਇਰਲ ਹੋਣ ਲੱਗਦੇ ਹਨ। ਲੋਕ ਸਮਝਦੇ ਹਨ ਕਿ ਮੇਰੇ ਕੋਲ ਕੋਈ ਕੰਮ ਨਹੀਂ ਹੈ। ਜੇਕਰ ਨਵਜੋਤ ਸਿੰਘ ਸਿੱਧੂ ‘ਦਿ ਕਪਿਲ ਸ਼ਰਮਾ ਸ਼ੋਅ’ ‘ਤੇ ਆਉਣ ਦਾ ਫੈਸਲਾ ਕਰਦੇ ਹਨ ਤਾਂ ਉਹ ਸ਼ੋਅ ਤੋਂ ਵਾਕਆਊਟ ਕਰਨ ਲਈ ਤਿਆਰ ਹੈ।

https://www.instagram.com/p/CYJarlFhuVo/?utm_source=ig_embed&utm_campaign=embed_video_watch_again

ਅਰਚਨਾ ਪੂਰਨ ਸਿੰਘ  ਨੇ ਕਿਹਾ, ਮੀਮਜ਼ ਦਾ ਵਾਇਰਲ ਹੋਣਾ ਕੋਈ ਨਵੀਂ ਗੱਲ ਨਹੀਂ ਹੈ। ਖੈਰ, ਉਨ੍ਹਾਂ  ਨੂੰ ਅਜਿਹੇ ਮੀਮਜ਼  ਦੀ ਪਰਵਾਹ ਨਹੀਂ ਹੈ। ਸ਼ੋਅ ਛੱਡ ਕੇ ਰਾਜਨੀਤੀ ‘ਚ ਜਾਣ ਦੀ ਸੋਚਣ ਵਾਲੇ ਵਿਅਕਤੀ ਨੂੰ ਅਜੇ ਵੀ ਸ਼ੋਅ ਨਾਲ ਜੁੜੇ ਦੇਖਿਆ ਜਾਂਦਾ ਹੈ। ਉਹ ਕਦੇ ਰਾਜਨੀਤੀ ਵਿੱਚ ਨਹੀਂ ਰਹੀ। ਸ਼ੋਅ ‘ਚ ਉਸਦੀ ਇਕ ਖਾਸ ਭੂਮਿਕਾ ਹੈ, ਜਿਸ ਨੂੰ ਉਹ  ਚੰਗੀ ਤਰ੍ਹਾਂ ਨਿਭਾਅ ਰਹੀ ਹੈ ਪਰ ਜਦੋਂ ਵੀ ਸਿੱਧੂ ਨਾਲ ਜੁੜੀ ਕੋਈ ਗੱਲ ਹੁੰਦੀ ਹੈ ਤਾਂ ਉਨ੍ਹਾਂ ‘ਤੇ ਮੀਮ ਬਣਾਏ ਜਾਂਦੇ ਹਨ ਜੋ ਕਿ ਬਹੁਤ ਅਜੀਬ ਹੈ।