ਨਵੀ ਦਿੱਲੀ : ਐਪਲ ਭਾਰਤ ਵਿੱਚ ਆਪਣੇ ਰਿਟੇਲ ਸਟੋਰਾਂ ਦਾ ਵਿਸਤਾਰ ਕਰਨ ਜਾ ਰਿਹਾ ਹੈ। ਆਈਫੋਨ ਬਣਾਉਣ ਵਾਲੀ ਕੰਪਨੀ ਦਿੱਲੀ, ਮੁੰਬਈ, ਬੈਂਗਲੁਰੂ, ਪੁਣੇ ਅਤੇ ਨੋਇਡਾ ਤੋਂ ਬਾਅਦ ਇਕ ਹੋਰ ਸਟੋਰ ਖੋਲ੍ਹ ਸਕਦੀ ਹੈ। ਸਾਹਮਣੇ ਆਈ ਜਾਣਕਾਰੀ ਮੁਤਾਬਕ ਭਾਰਤ ਵਿੱਚ ਐਪਲ ਦਾ ਇਹ ਛੇਵਾਂ ਸਟੋਰ ਹੋਵੇਗਾ। ਐਪਲ ਦਾ ਨਵਾਂ ਸਟੋਰ ਹੈਦਰਾਬਾਦ ਵਿੱਚ ਹੋਵੇਗਾ, ਜਿੱਥੇ ਕੰਪਨੀ ਨੇ ਆਪਣੇ ਨਵੇਂ ਰਿਟੇਲ ਸਟੋਰ ਲਈ ਭਰਤੀ ਸ਼ੁਰੂ ਕਰ ਦਿੱਤੀ ਹੈ, ਜਿਸ ਨਾਲ ਇਹ ਸਪੱਸ਼ਟ ਹੋ ਗਿਆ ਹੈ ਕਿ ਉਹ ਜਲਦੀ ਹੀ ਸ਼ਹਿਰ ਵਿੱਚ ਆਪਣਾ ਪਹਿਲਾ ਅਧਿਕਾਰਤ ਸਟੋਰ ਖੋਲ੍ਹਣ ਦੀ ਤਿਆਰੀ ਕਰ ਰਹੀ ਹੈ।
Apple ਦੀ ਵੈੱਬਸਾਈਟ ‘ਤੇ ਦਿੱਤੀ ਗਈ ਜੌਬ ਲਿਸਟਿੰਗ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਕੰਪਨੀ ਆਪਣੇ ਅਗਲੇ ਫਿਜ਼ੀਕਲ ਸਟੋਰ ਲਈ ਭਰਤੀ ਕਰ ਰਹੀ ਹੈ। ਲਿਸਟਿੰਗ ਵਿੱਚ ਹੈਦਰਾਬਾਦ ਦੇ ਨਵੇਂ ਸਟੋਰ ਲਈ ਕਈ ਅਸਾਮੀਆਂ ਹਨ, ਜੋ ਦਰਸਾਉਂਦੀਆਂ ਹਨ ਕਿ ਕੰਪਨੀ ਇਸ ਸਾਲ ਭਾਰਤ ਵਿੱਚ ਹੋਰ ਨਵੇਂ ਸਟੋਰ ਖੋਲ੍ਹਣ ਦੀ ਤਿਆਰੀ ਵਿੱਚ ਹੈ। ਜੌਬ ਲਿਸਟਿੰਗ ਵਿੱਚ ਗੁਰੂਗ੍ਰਾਮ ਦਾ ਨਾਮ ਵੀ ਸ਼ਾਮਲ ਹੈ, ਅਜਿਹੇ ਵਿੱਚ ਇਹ ਕਿਆਸ ਲਗਾਏ ਜਾ ਰਹੇ ਹਨ ਕਿ ਗੁਰੂਗ੍ਰਾਮ ਵਿੱਚ ਵੀ ਐਪਲ ਦਾ ਰਿਟੇਲ ਸਟੋਰ ਖੋਲ੍ਹਿਆ ਜਾ ਸਕਦਾ ਹੈ।
ਦੱਸ ਦਈਏ ਕਿ ਕੰਪਨੀ ਨੇ ਆਪਣਾ ਪਹਿਲਾ ਰਿਟੇਲ ਸਟੋਰ ਅਪ੍ਰੈਲ 2023 ਵਿੱਚ ਖੋਲ੍ਹਿਆ ਸੀ। ਮੁੰਬਈ ਤੋਂ ਬਾਅਦ ਕੰਪਨੀ ਨੇ ਅਪ੍ਰੈਲ ਵਿੱਚ ਹੀ ਦਿੱਲੀ ਵਿੱਚ ਆਪਣਾ ਦੂਜਾ ਰਿਟੇਲ ਸਟੋਰ ਖੋਲ੍ਹਿਆ। ਪਿਛਲੇ ਸਾਲ ਕੰਪਨੀ ਨੇ ਤਿੰਨ ਰਿਟੇਲ ਸਟੋਰ ਖੋਲ੍ਹੇ ਹਨ, ਜੋ ਕਿ ਬੈਂਗਲੁਰੂ, ਪੁਣੇ ਅਤੇ ਨੋਇਡਾ ਵਿੱਚ ਖੋਲ੍ਹੇ ਗਏ ਹਨ। ਭਾਰਤ ਵਿੱਚ ਐਪਲ ਦੇ iPhone ਦੀ ਮੰਗ ਤੇਜ਼ੀ ਨਾਲ ਵਧੀ ਹੈ। ਚੀਨੀ ਬ੍ਰਾਂਡਾਂ ਨੂੰ ਪਿੱਛੇ ਛੱਡਦੇ ਹੋਏ, ਕੰਪਨੀ ਨੇ ਪਿਛਲੇ ਸਾਲ ਭਾਰਤੀ ਸਮਾਰਟਫੋਨ ਮਾਰਕੀਟ ਵਿੱਚ ਵੱਡੀ ਉਚਾਈ ਹਾਸਲ ਕੀਤੀ ਹੈ। ਐਪਲ ਹੁਣ ਚੋਟੀ ਦੇ 5 ਬ੍ਰਾਂਡਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਿਆ ਹੈ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ਅਤੇ ਇੰਸਟਾਗ੍ਰਾਮ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ
