ਲੰਦਨ: ਯੂਕੇ ਦੇ ਹਾਊਸ ਆਫ ਕਾਮਨਜ਼ ਵਿੱਚ ਪਹਿਲੇ ਦਸਤਾਰਧਾਰੀ ਸੰਸਦ ਮੈਂਬਰ ਤਨਮਨਜੀਤ ਸਿੰਘ ਢੇਸੀ ਨੇ ਜੂਨ 1984 ਸਾਕਾ ਨੀਲਾ ਤਾਰਾ ‘ਚ ਬ੍ਰਿਟਿਸ਼ ਸਰਕਾਰ ਦੀ ਸ਼ਮੂਲੀਅਤ ਨੂੰ ਲੈ ਕੇ ਸੁਤੰਤਰ ਜਾਂਚ ਦੀ ਮੰਗ ਕੀਤੀ ਹੈ।
ਬ੍ਰਿਟਿਸ਼ ਸਿੱਖ ਵਿਰੋਧੀ ਧਿਰ ਲੇਬਰ ਪਾਰਟੀ ਦੇ ਸੰਸਦ ਮੈਂਬਰ ਢੇਸੀ ਨੇ ਨਾ ਸਿਰਫ ਸੁਤੰਤਰ ਜਾਂਚ ਦਾ ਮੁੱਦਾ ਚੁੱਕਿਆ ਹੈ ਬਲਕਿ ਇਸ ਮੁੱਦੇ ‘ਤੇ ਬਹਿਸ ਕਰਨ ਦੀ ਮੰਗ ਵੀ ਕੀਤੀ ਹੈ। ਵੀਰਵਾਰ ਨੂੰ ਹਾਊਸ ਆਫ ਕਾਮਨਜ਼ ਵਿਚ ਬੋਲਦਿਆਂ ਢੇਸੀ ਨੇ ਕਿਹਾ, “ 36 ਸਾਲ ਪਹਿਲਾਂ ਦੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਨੇ ਸਿੱਖਾਂ ਦੇ ਸਭ ਤੋਂ ਪਵਿਤੱਰ ਸਥਾਨ ਸ੍ਰੀ ਹਰਿਮੰਦਰ ਸਾਹਿਬ ‘ਤੇ ਹਮਲੇ ਦੇ ਆਦੇਸ਼ ਦਿੱਤੇ ਸਨ।” ਢੇਸੀ ਨੇ ਅੱਗੇ ਕਿਹਾ ਕਿ 1984 ਦੇ ਉਸ ਦੁਖਾਂਤ ਨੂੰ ਕਦੇ ਨਹੀਂ ਭੁਲਾਇਆ ਜਾ ਸਕਦਾ।
“ਮੈਨੂੰ ਪੂਰਾ ਯਕੀਨ ਹੈ ਕਿ ਸਦਨ ਦੇ ਮੈਂਬਰ ਇਸ ਗੱਲ ਨਾਲ ਸਹਿਮਤ ਹੋਣਗੇ ਕਿ ਇਹ ਅੱਤਿਆਚਾਰਕ ਸੀ ਅਤੇ ਪੰਜਾਬੀ ਅੱਜ ਵੀ ਇਨਸਾਫ਼ ਲਈ ਸੰਘਰਸ਼ ਕਰ ਰਹੇ ਹਨ।
ਉੱਧਰ ਕਾਮਨਜ਼ ਦੇ ਲੀਡਰ, ਜੈਕਬ ਰੀਸ-ਮੋਗਗ ਨੇ ਸਰਕਾਰ ਵੱਲੋਂ ਪ੍ਰਤੀਕਿਰਿਆ ਦਿੱਤੀ ਅਤੇ ਕਿਹਾ ਕਿ ਇਸ ਬਰਸੀ ਨੂੰ ਯਾਦ ਰੱਖਣਾ ਬਹੁਤ ਮਹੱਤਵਪੂਰਣ ਹੈ। ਢੇਸੀ ਵੱਲੋਂ ਚੁੱਕੇ ਗਏ ਸਵਾਲਾਂ ਨੂੰ ਬਹਿਸ ਦੌਰਾਨ ਉਠਾਉਣਾ ਚਾਹੀਦਾ ਹੈ। ਪਰ ਮੈਨੂੰ ਪੂਰਾ ਭਰੋਸਾ ਹੈ ਕਿ ਮਾਰਗਰੇਟ ਥੈਚਰ, ਜੋ ਕਿ ਯੂਕੇ ਦੇ ਸਭ ਤੋਂ ਮਹਾਨ ਆਗੂਆਂ ‘ਚੋਂ ਇੱਕ ਸੀ, ਉਹ ਹਮੇਸ਼ਾ ਸਹੀ ਵਿਵਹਾਰ ਕਰਦੇ ਸਨ।
Sikhs can #NeverForget1984 because after #DarbarSahib #GoldenTemple complex attack came destruction of their historic structures, burning of Reference Library and genocide.
I asked @CommonsLeader why independent inquiry into Thatcher Govt’s involvement still hasn’t taken place! pic.twitter.com/h2LpfvtI16
— Tanmanjeet Singh Dhesi MP (@TanDhesi) June 4, 2020
ਉੱਥੇ ਹੀ ਬ੍ਰਿਟਿਸ਼ ਲੇਬਰ ਪਾਰਟੀ ਦੀ ਆਗੂ ਕੈਰੋਲੇਟ ਲੂਈਸ ਨਿਕੋਲਸ ਨੇ ਢੇਸੀ ਦਾ ਸਮਰਥਨ ਕੀਤਾ ਹੈ।
Vital question from @TanDhesi today. One of my oldest friends’ mum is a survivor of this attack & 36 years on we have still not had an independent inquiry to establish the extent of the Thatcher Government’s involvement, despite years of campaigning by the British Sikh community! https://t.co/nJHUxyPyof
— Charlotte Nichols (@charlotte2153) June 4, 2020
