Viral Video: ਕਾਬੁਲ ਏਅਰਪੋਰਟ ਦੇ ਬਾਹਰ ਰੋਂਦੀਆਂ-ਵਿਲਕਦੀਆਂ ਰਹੀਆਂ ਔਰਤਾਂ, ‘ਮਦਦ ਕਰੋ, ਤਾਲਿਬਾਨੀ ਆ ਰਹੇ ਹਨ’

ਕਾਬੁਲ : ਅਫਗਾਨਿਸਤਾਨ ਵਿੱਚ ਤਾਲਿਬਾਨ ਰਾਜ ‘ਚ ਜਿਉਣ ਦਾ ਡਰ ਦੇਸ਼ ਦੀਆਂ ਔਰਤਾਂ ਦੇ ਮਨ ਵਿੱਚ ਕਿੰਨਾ ਸੀ ਇਹ ਇੱਕ ਵਾਇਰਲ ਵੀਡੀਓ ‘ਚ ਤੁਸੀਂ ਸਾਫ ਦੇਖ ਸਕਦੇ ਹੋ। ਕਾਬੁਲ ਦੇ ਹਵਾਈ ਅੱਡੇ ‘ਤੇ ਅਫਗਾਨ ਲੋਕਾਂ ਦੀ ਇੱਕ ਦੁਖਭਰੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਇਸ ਵਿੱਚ ਨਜ਼ਰ ਆ ਰਿਹਾ ਹੈ ਕਿ ਔਰਤਾਂ ਏਅਰਪੋਰਟ ‘ਤੇ ਲੋਹੇ ਦੇ ਦਰਵਾਜ਼ਿਆਂ ਪਿੱਛੇ ਅਮਰੀਕੀ ਹਥਿਆਰਬੰਦ ਸੈਨਿਕਾਂ ਤੋਂ ਮਦਦ ਲਈ ਗੁਹਾਰ ਲਗਾ ਰਹੀਆਂ ਹਨ।

ਏਅਰ ਪੋਰਟ ਵਿੱਚ ਦਾਖਲ ਹੋਣ ਤੋਂ ਅਸਮਰਥ ਔਰਤਾਂ ਅਮਰੀਕੀ ਸੈਨਿਕਾਂ ਨੂੰ ਏਅਰਪੋਰਟ ‘ਚ ਦਾਖਲ ਹੋਣ ਦੀ ਬੇਨਤੀ ਕਰ ਰਹੀਆਂ ਹਨ। ਵੀਡੀਓ ‘ਚ ਔਰਤ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ ਮਦਦ ਕਰੋ, ਤਾਲਿਬਾਨੀ ਆ ਰਹੇ ਹਨ। ਪਰ ਅਮਰੀਕੀ ਫੌਜੀਆਂ ਨੇ ਗੇਟ ਨਹੀਂ ਖੋਲ੍ਹਿਆ ਤੇ ਔਰਤਾਂ ਹੱਥ ਜੋੜ ਕੇ ਬੇਨਤੀ ਕਰ ਰਹੀਆਂ ਹਨ।

At #kabulairport gates where the US forces controlling, people crying and begging US forces to allow them to pass the gates otherwise the Taliban will come and will behead them. pic.twitter.com/wzxXJf2ngL

— Natiq Malikzada (@natiqmalikzada) August 18, 2021

ਅਫਗਾਨਿਸਤਾਨ ਵਿੱਚ ਤਾਲਿਬਾਨ ਦਾ ਕਬਜ਼ਾ ਹੋਣ ਤੋਂ ਬਾਅਦ ਹੀ ਕਾਬੁਲ ਏਅਰਪੋਰਟ ਦੇ ਰਸਤੇ ਲੋਕਾਂ ਨੇ ਦੇਸ਼ ਛੱਡਣਾ ਸ਼ੁਰੂ ਕਰ ਦਿੱਤਾ ਸੀ। ਲੋਕ ਆਪਣੀ ਜਾਨ ਬਚਾਉਣ ਲਈ ਕਾਬੁਲ ਦੇ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਪਹੁੰਚੇ ਅਤੇ ਕੁਝ ਲੋਕ ਅਮਰੀਕੀ ਫੌਜੀ ਟਰਾਂਸਪੋਰਟ ਜਹਾਜ਼ ਨਾਲ ਲਟਕ ਗਏ ਤੇ ਜਦੋਂ ਉਸਨੇ ਉਡਾਣ ਭਰੀ ਇਹ ਹੇਂਠਾ ਡਿੱਗ ਗਏ, ਜਿਸ ਦੀਆਂ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋਈਆਂ ਸਨ।