ਜਲੰਧਰ: ਜਲੰਧਰ ‘ਚ ਬੀਤੇ ਦਿਨੀਂ ਸਰਬ ਪਾਰਟੀ ਮੀਟਿੰਗ ਹੋਈ, ਜਿਸ ਦੌਰਾਨ ਕੁਝ ਅਜਿਹਾ ਹੋਇਆ ਜਿਸ ਨੇ ਸਭ ਨੂੰ ਹੈਰਾਨ ਕਰਕੇ ਰੱਖ ਦਿੱਤਾ। ਪੱਤਰਕਾਰ ਬਰਜਿੰਦਰ ਸਿੰਘ ਹਮਦਰਦ ਨੂੰ ਵਿਜੀਲੈਂਸ ਵੱਲੋਂ ਤਲਬ ਕੀਤੇ ਜਾਣ ਦੇ ਵਿਰੋਧ ਵਿੱਚ ਕਾਂਗਰਸ ਨੇ ਮੀਟਿੰਗ ਸੱਦੀ ਸੀ। ਜਿਸ ਵਿੱਚ ਸ਼ਿਰਕਤ ਕਰਨ ਪਹੁੰਚੇ ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਅਤੇ ਆਪਣੇ ਕੱਟੜ ਵਿਰੋਧੀ ਮੰਨੇ ਜਾਂਦੇ ਨਵਜੋਤ ਸਿੱਧੂ ਨੇ ਇੱਕ ਦੂਜੇ ਨੂੰ ਗਰਮਜੋਸ਼ੀ ਨਾਲ ਜੱਫੀ ਪਾਈ।
ਸਿਆਸਤ ਵਿੱਚ ਸਿੱਧੂ ਅਤੇ ਮਜੀਠੀਆ ਹਮੇਸ਼ਾ ਇੱਕ ਦੂਜੇ ਦੇ ਖਿਲਾਫ ਖੜੇ ਨਜ਼ਰ ਆਏ ਹਨ। ਮਜੀਠੀਆ ਨੂੰ ਜੱਫੀ ਪਾਉਣ ਤੋਂ ਬਾਅਦ ਸਿੱਧੂ ਨੇ ਸਟੇਜ ਤੋਂ ਕਿਹਾ ਕਿ ਮੈਂ ਜੱਫੀ ਪਾਈ ਹੈ, ਪੱਪੀ ਨਹੀਂ ਕੀਤੀ। ਜਿਸ ਤੋਂ ਬਾਅਦ ਸਾਰੇ ਉੱਚੀ-ਉੱਚੀ ਹੱਸ ਪਏ। ਉਦੋਂ ਸਿੱਧੂ ਨੇ ਕਿਹਾ ਸੀ ਕਿ ਉਨ੍ਹਾਂ ਦੇ ਮਜੀਠੀਆ ਨਾਲ ਵਿਚਾਰਕ ਮਤਭੇਦ ਹਨ। ਕੋਈ ਨਿੱਜੀ ਦੁਸ਼ਮਣੀ ਨਹੀਂ ਹੈ।
ਸਿੱਧੂ ਅਤੇ ਮਜੀਠੀਆ ਦੀ ਜੱਫੀ ਨੂੰ ਲੈ ਕੇ ਆਮ ਆਦਮੀ ਪਾਰਟੀ ਨੇ ਨਿਸ਼ਾਨਾ ਸਾਧਿਆ ਹੈ। ਆਮ ਆਦਮੀ ਪਾਰਟੀ ਦੇ ਬੁਲਾਰੇ ਮਾਲਵਿੰਦਰ ਸਿੰਘ ਕੰਗ ਨੇ ਤੰਜ ਕੱਸਦਿਆਂ ਕਿਹਾ ਕਿ ਇਹ ਜੱਫੀ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਦੱਬਣ ਲਈ ਪਾਈ ਗਈ ਹੈ।
ਮਾਲਵਿੰਦਰ ਸਿੰਘ ਕੰਗ ਨੇ ਇੱਕ ਟਵੀਟ ਕਰਕੇ ਲਿਖਿਆ,
ਘੋਰ ਵਿਰੋਧੀ ਤਰਲੋ ਮੱਛੀ,
ਕਿੱਥੇ ਗਿਆ ਪਜੱਤਰ ਪੱਚੀ।
ਦੱਬਣ ਵਾਸਤੇ ਪੰਜਾਬ ਦੇ ਪੁੱਤ ਮਾਨ ਨੂੰ,
ਸਿੱਧੂ ਸ਼ਾਬ ਅਤੇ ਮਜੀਠੀਆ ਦੀ ਪੈ ਗਈ ਜੱਫੀ।
ਜਿਹੜੇ ਅੱਜ ਤੱਕ ਇੱਕ ਦੂਜੇ ਨੂੰ ਪਾਣੀ ਪੀ ਪੀ ਕੇ ਗਾਲਾਂ ਕੱਢ ਦੇ ਸੀ ਅਜੋਕੇ ਸਿਆਸੀ ਹਾਲਾਤਾਂ ਵਿੱਚ ਸਿਆਸੀ ਤੌਰ ਉੱਤੇ ਇੰਨੇ ਕੁ ਮਜ਼ਬੂਰ ਅਤੇ ਲਾਚਾਰ ਹੋ ਗਏ ਹਨ ਕਿ ਹੋ ਸਕਦਾ ਮੁੱਖ ਮੰਤਰੀ ਭਗਵੰਤ ਮਾਨ ਸਾਹਬ ਨੂੰ ਰੋਕਣ ਲਈ ਭਵਿੱਖ ਵਿੱਚ ਆਕਾਲੀ ਭਾਜਪਾ ਅਤੇ ਕਾਂਗਰਸ ਆਪਸ ਵਿੱਚ ਗਠਜੋੜ ਵੀ ਕਰ ਸਕਦੇ ਆ।’
ਘੋਰ ਵਿਰੋਧੀ ਤਰਲੋ ਮੱਛੀ,
ਕਿੱਥੇ ਗਿਆ ਪਜੱਤਰ ਪੱਚੀ।
ਦੱਬਣ ਵਾਸਤੇ ਪੰਜਾਬ ਦੇ ਪੁੱਤ ਮਾਨ ਨੂੰ,
ਸਿੱਧੂ ਸ਼ਾਬ ਅਤੇ ਮਜੀਠੀਆ ਦੀ ਪੈ ਗਈ ਜੱਫੀ।
ਜੇਹੜੇ ਅੱਜ ਤੱਕ ਇੱਕ ਦੂਜੇ ਨੂੰ ਪਾਣੀ ਪੀ ਪੀ ਕੇ ਗਾਲਾਂ ਕੱਢ ਦੇ ਸੀ ਅਜੋਕੇ ਸਿਆਸੀ ਹਾਲਾਤਾਂ ਵਿੱਚ ਸਿਆਸੀ ਤੌਰ ਉੱਤੇ ਇੰਨੇ ਕੁ ਮਜ਼ਬੂਰ ਅਤੇ ਲਾਚਾਰ ਹੋ ਗਏ ਹਨ ਕਿ ਹੋ ਸਕਦਾ @BhagwantMann ਸਾਹਬ… https://t.co/Up5RtOIq8u
— Malvinder Singh Kang (@KangMalvinder) June 1, 2023
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
