ਲੰਦਨ: ਬ੍ਰਿਟੇਨ ਦੀ ਮਹਾਰਾਣੀ ਐਲਿਜ਼ਾਬੈਥ ।। ਦਾ 8 ਸਤੰਬਰ ਹੋ ਦੇਹਾਤ ਹੋ ਗਿਆ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਜ਼ਿੰਦਗੀ ਨਾਲ ਜੁੜੀਆਂ ਗੱਲਾਂ ਸੁਰਖੀਆ ਵਿੱਚ ਬਣੀਆਂ ਹੋਈਆਂ ਹਨ ਤੇ ਇਸੇ ਵਿਚਾਲੇ ਉਨ੍ਹਾਂ ਨਾਲ ਜੁੜੀ ਇੱਕ ਹੋਰ ਖਬਰ ਵਾਇਰਲ ਹੋ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮਹਾਰਾਣੀ ਵਲੋਂ ਇੱਕ ਗੁਪਤ ਪੱਤਰ ਲਿਖਿਆ ਗਿਆ ਹੈ ਜੋ ਆਸਟ੍ਰੇਲੀਆਂ ਦੇ ਸ਼ਹਿਰ ਸਿਡਨੀ ‘ਚ ਇੱਕ ਤਿਜੋਰੀ ਅੰਦਰ ਰੱਖਿਆ ਗਿਆ ਹੈ।
ਦੱਸ ਦਈਏ ਕਿ ਇਹ ਗੁਪਤ ਪੱਤਰ ਮਹਾਰਾਣੀ ਵੱਲੋਂ 1986 ਵਿੱਚ ਲਿਖਿਆ ਗਿਆ ਸੀ, ਜੋਕਿ ਸਿਡਨੀ ਵਿੱਚ ਸਥਿਤ ਇੱਕ ਇਤਿਹਾਸਕ ਇਮਾਰਤ ਦੇ ਅੰਦਰ ਰੱਖੀ ਇੱਕ ਤਿਜੋਰੀ ਵਿੱਚ ਬੰਦ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਪੱਤਰ ‘ਚ ਸਿਡਨੀ ਸ਼ਹਿਰ ਦੇ ਵਾਸੀਆਂ ਲਈ ਸੰਦੇਸ਼ ਲਿਖਿਆ ਗਿਆ ਹੈ। ਹਾਲਾਂਕਿ ਇਸ ਪੱਤਰ ਵਿੱਚ ਕੀ ਲਿਖਿਆ ਗਿਆ ਹੈ ਅਤੇ ਕਿਸ ਬਾਰੇ ਲਿਖਿਆ ਗਿਆ ਹੈ, ਇਸ ਬਾਰੇ ਕਿਸੇ ਨੂੰ ਪਤਾ ਨਹੀਂ ਹੈ, ਖੁਦ ਮਹਾਰਾਣੀ ਦੇ ਕਰੀਬੀ ਅਧਿਕਾਰੀ ਵੀ ਇਸ ਬਾਰੇ ਕੁਝ ਨਹੀਂ ਜਾਣਦੇ।
ਕਦੋ ਖੋਲਿਆ ਜਾਵੇਗਾ ਗੁਪਤ ਪੱਤਰ ?
ਇਸ ਪੱਤਰ ਦੇ ਬਾਹਰ ਮਹਾਰਾਣੀ ਵਲੋਂ ਸਿਡਨੀ ਦੇ ਲਾਰਡ ਮੇਅਰ ਨੂੰ ਸੰਬੋਧਨ ਕਰਦੇ ਹੋਏ ਲਿਖਿਆ ਗਿਆ ਹੈ ਕਿ ਤੁਸੀਂ ਸਾਲ 2085 ਦੇ ਕਿਸੇ ਚੰਗੇ ਦਿਨ ਇਸ ਪੱਤਰ ਨੂੰ ਖੋਲ੍ਹ ਕੇ ਮੇਰਾ ਸੰਦੇਸ਼ ਸਿਡਨੀ ਦੇ ਵਾਸੀਆਂ ਤੱਕ ਪਹੁੰਚਾਓਗੇ। ਇਸ ਲਿਫਾਫੇ ‘ਤੇ ਐਲਿਜ਼ਾਬੈਥ ਦੇ ਦਸਤਖਤ ਵੀ ਹਨ। ਇਹ ਪੱਤਰ ਅੱਜ ਤੋਂ ਲਗਭਗ 63 ਸਾਲਾਂ ਬਾਅਦ ਯਾਨੀ 2085 ਵਿੱਚ ਖੋਲ੍ਹਿਆ ਜਾਵੇਗਾ।
ਆਸਟ੍ਰੇਲੀਆ ਨੂੰ ਲੈ ਕੇ ਦਿਲ ਵਿੱਚ ਸੀ ਖਾਸ ਥਾਂ
ਇਸ ਪੱਤਰ ਬਾਰੇ ਜਾਣਕਾਰੀ ਦਿੰਦੇ ਹੋਏ ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ ਨੇ ਦੱਸਿਆ ਹੈ ਕੀ ਮਹਾਰਾਣੀ ਦੇ ਆਸਟ੍ਰੇਲੀਆ ਦੇ ਪਹਿਲੇ ਦੌਰੇ ਤੋਂ ਇਹ ਸਾਫ ਹੋ ਗਿਆ ਸੀ ਕਿ ਇਸ ਦੇਸ਼ ਲਈ ਉਨ੍ਹਾਂ ਦੇ ਦਿਲ ਵਿੱਚ ਖਾਸ ਥਾਂ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
