ਨਿਊਜ਼ ਡੈਸਕ: ਦਫਤਰੀ ਕੰਮਾਂ ਕਾਰਨ ਪੈਦਾ ਹੋਇਆ ਤਣਾਅ ਤੇ ਚਿੰਤਾ ਦਫਤਰ ਤੋਂ ਬਾਅਦ ਵੀ ਸਾਡੇ ਦਿਲ ਤੇ ਦਿਮਾਗ ‘ਤੇ ਪ੍ਰਭਾਵੀ ਰਹਿੰਦਾ ਹੈ। ਜਿਸ ਕਾਰਨ ਜ਼ਿਆਦਾਤਰ ਦਫਤਰ ‘ਚ ਕੰਮ ਕਰਨ ਵਾਲੇ ਲੋਕ ਦਿਮਾਗੀ ਤੌਰ ‘ਤੇ ਪਰੇਸ਼ਾਨ ਰਹਿੰਦੇ ਹਨ। ਪਰ ਹੁਣ ਇਸ ਤੋਂ ਘਬਰਾਉਣ ਦੀ ਜ਼ਰੂਰਤ ਨਹੀਂ। ਜਾਪਾਨ ਦੇ ਸੀਐੱਨਐੱਨ ਹੈਲਥ ਗਰੁੱਪ ਨੇ ਦਫਤਰੀ ਤਣਾਅ ਨੂੰ ਦੂਰ ਕਰਨ ਲਈ ਹਾਲ ਹੀ ‘ਚ ਇੱਕ ਅਧਿਐਨ ਕੀਤਾ ਹੈ। ਅਧਿਐਨ ‘ਚ ਇਹ ਖੁਲਾਸਾ ਹੋਇਆ ਹੈ ਕਿ ਦਫਤਰ ‘ਚ ਕੰਪਿਊਟਰ ਦੇ ਕੋਲ ਡੈਸਕਟਾਪ ‘ਤੇ ਪੌਦਾ ਰੱਖਣ ਨਾਲ ਤਣਾਅ ਦੂਰ ਹੁੰਦਾ ਹੈ।
ਜਪਾਨ ਦੇ ਸੀਐੱਨਐੱਨ ਹੈਲਥ ਗਰੁੱਪ ਦੇ ਖੋਜਕਰਤਾਵਾਂ ਨੇ ਇਸ ਅਧਿਐਨ ਲਈ ਇੱਕ ਇਲੈਕਟ੍ਰਿਕ ਕੰਪਨੀ ਦੇ 24 ਤੋਂ 60 ਸਾਲ ਦੇ ਕਰਮਚਾਰੀਆਂ ਨੂੰ ਸ਼ਾਮਲ ਕੀਤਾ। ਇਸ ‘ਚ ਇਹ ਗੱਲ ਸਾਹਮਣੇ ਆਈ ਕਿ ਲਗਾਤਾਰ ਕੰਪਿਊਟਰ ਸਕ੍ਰੀਨ ਵੱਲ ਦੇਖਣ ਤੋਂ ਬਾਅਦ ਕੁਝ ਮਿੰਟ ਸਕ੍ਰੀਨ ਦੇ ਕੋਲ ਪਏ ਪੌਦੇ ਵੱਲ ਦੇਖਣ ਨਾਲ ਕਰਮਚਾਰੀਆਂ ਦੇ ਤਣਾਅ ਤੇ ਚਿੰਤਾ ਦੇ ਪੱਧਰ ‘ਚ ਹਲਕੀ ਜਿਹੀ ਕਮੀ ਦੇਖਣ ਨੂੰ ਮਿਲੀ ਤੇ ਨਾਲ ਹੀ ਹਾਰਟ ਰੇਟ ( ਦਿਲ ਦੀ ਗਤੀ) ਅਨੁਕੂਲ ਰਹੀ।
- Advertisement -
ਉਸ ਨੇ ਕਰਮਚਾਰੀਆਂ ਦੇ ਡੈਸਕਟਾਪ ਤੋਂ ਪਰੇ ਵੇਖਣ ਅਤੇ ਤਣਾਅ ਦੇ ਸਿਖਰਲੇ ਪੱਧਰ ਤੇ ਪੌਦੇ ਨੂੰ ਸਿਰਫ ਤਿੰਨ ਮਿੰਟ ਵੇਖਣ ਦਾ ਪ੍ਰਭਾਵ ਵੇਖਿਆ। ਇਸ ਮਿਆਦ ਦੇ ਦੌਰਾਨ, ਉਸਨੇ ਕਰਮਚਾਰੀਆਂ ਦੇ ਤਣਾਅ ਅਤੇ ਚਿੰਤਾ ਦੇ ਪੱਧਰ ਵਿੱਚ ਥੋੜ੍ਹੀ ਜਿਹੀ ਗਿਰਾਵਟ ਵੇਖੀ, ਅਤੇ ਨਾਲ ਹੀ ਇੱਕ ਆਮ ਦਿਲ ਦੀ ਦਰ। ਅਧਿਐਨ ਵਿਚ 24 ਤੋਂ 60 ਸਾਲ ਦੇ ਵਿਚਕਾਰ ਦੇ ਭਾਗੀਦਾਰਾਂ ਨੂੰ ਸ਼ਾਮਲ ਕੀਤਾ ਗਿਆ ਸੀ।
ਹੁਗੋ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਤੇ ਮੁੱਖ ਖੋਜਕਰਤਾ ਡਾ. ਮਾਸਾਹੀਰੋ ਤੋਯੋਡੋ ਨੇ ਕਿਹਾ ਕਿ ਟੇਬਲ ‘ਤੇ ਪੌਦਾ ਰੱਖਣ ਨਾਲ ਸਾਰੇ ਕਰਮਚਾਰੀਆਂ ਦੀ ਮਾਨਸਿਕ ਸਿਹਤ ‘ਤੇ ਸਕਾਰਾਤਮਕ ਪ੍ਰਭਾਵ ਵੇਖਣ ਨੂੰ ਮਿਲਿਆ ਹੈ। ਅਧਿਐਨ ਦੌਰਾਨ ਅਸੀਂ ਸਾਰੇ ਕਰਮਚਾਰੀਆਂ ਨੂੰ ਤਣਾਅ ਦੀ ਸਥਿਤੀ ‘ਚ ਦਿਨ ਤੇ ਸ਼ਾਮ ਦੇ ਸਮੇਂ ਤਣਾਅ ਦੇ ਸਮੇਂ ਤਿੰਨ ਮਿੰਟ ਪੌਦੇ ਵੱਲ ਵੇਖਣ ਲਈ ਕਿਹਾ ਤੇ ਉਨ੍ਹਾਂ ਦੇ ਸਟੇਟਸ ਪੱਧਰ ਨੂੰ ਸਟੇਟ ਟਰੇਟ ਐਗਜਾਇਟੀ ਇਨਵੈਂਟਰੀ ਇੰਡੈਕਸ (ਐਸਟੀਏਆਈ) ਦੀ ਮਦਦ ਨਾਲ ਮਾਪਿਆ।
ਅਧਿਐਨ ਦੌਰਾਨ ਪਹਿਲੇ ਹਫਤੇ ਕਰਮਚਾਰੀਆਂ ਨੂੰ ਤਣਾਅ ਦੀ ਸਥਿਤੀ ‘ਚ ਪੌਦੇ ਦੀ ਥਾਂ ਤਿੰਨ ਮਿੰਟ ਦੇ ਲਈ ਕੰਪਿਊਟਰ ਸਕ੍ਰੀਨ ਵੱਲ ਵੇਖਣ ਨੂੰ ਕਿਹਾ ਤੇ ਉਨ੍ਹਾਂ ਕਰਮਚਾਰੀਆਂ ਦਾ ਸਟੇਟ ਟਰੇਟ ਐਗਜਾਇਟੀ ਇਨਵੈਂਟਰੀ ਇੰਡੈਕਸ (ਐੱਸਟੀਆਈਏ) ਦੇ ਪੱਧਰ ਨੂੰ ਮਾਪਿਆ। ਦੂਜੇ ਹਫਤੇ ਕੰਟਰੋਲ ਫੇਜ਼ ਸ਼ੁਰੂ ਹੋਇਆ ਜਿਸ ‘ਚ ਕਰਮਚਾਰੀਆਂ ਨੂੰ ਤਣਾਅ ਦੀ ਸਥਿਤੀ ‘ਚ ਕੰਪਿਊਟਰ ਸਕ੍ਰੀਨ ਦੀ ਥਾਂ ਪੌਦੇ ਵੱਲ ਵੇਖਣ ਨੂੰ ਕਿਹਾ। ਅਧਿਐਨ ‘ਚ ਇਹ ਗੱਲ ਸਾਹਮਣੇ ਆਈ ਕਿ ਕਰਮਚਾਰੀਆਂ ਦੀ ਤਣਾਅ ਦੀ ਸਥਿਤੀ ‘ਚ ਪੌਦੇ ਵੱਲ ਵੇਖਣ ਨਾਲ (ਐੱਸਟੀਆਈਏ) ਦੇ ਪੱਧਰ ‘ਚ ਗਿਰਾਵਟ ਦਰਜ ਕੀਤੀ ਗਈ।
