ਡੋਨਾਲਡ ਟਰੰਪ ਨੇ ਹੋਲੀ ਦੀਆਂ ਦਿੱਤੀਆਂ ਵਧਾਈਆਂ , ਦੁਨੀਆ ਨੂੰ ਦਿੱਤਾ ਇਹ ਸੁਨੇਹਾ

ਨਿਊਜ਼ ਡੈਸਕ: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਬੁੱਧਵਾਰ ਨੂੰ ਹੋਲੀ ਦੇ ਖਾਸ ਮੌਕੇ ‘ਤੇ ਆਪਣੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ। ਇਸਨੂੰ ਬਸੰਤ ਦੇ ਆਗਮਨ ਅਤੇ ਬੁਰਾਈ ‘ਤੇ ਚੰਗਿਆਈ ਦੀ ਜਿੱਤ ਦਾ ਜਸ਼ਨ ਦੱਸਿਆ ਹੈ। ਵ੍ਹਾਈਟ ਹਾਊਸ ਦੀ ਪ੍ਰੈਸ ਸਕੱਤਰ ਕੈਰੋਲੀਨ ਲੇਵਿਟ ਨੇ ਕ੍ਰਿਸਮਸ ਵਾਲੇ ਦਿਨ ਰਾਸ਼ਟਰਪਤੀ ਦੇ ਅਧਿਕਾਰਿਤ ਬਿਆਨ ਨੂੰ ‘ਹੋਲੀ ‘ਤੇ ਰਾਸ਼ਟਰਪਤੀ ਸੰਦੇਸ਼’ ਸਿਰਲੇਖ ਨਾਲ ਸਾਂਝਾ ਕੀਤਾ। ਆਪਣੇ ਸੰਦੇਸ਼ ਵਿੱਚ, ਡੋਨਾਲਡ ਟਰੰਪ ਨੇ ਕਿਹਾ, ਮੇਲਾਨੀਆ ਅਤੇ ਮੈਂ ਹੋਲੀ ਮਨਾਉਣ ਵਾਲੇ ਸਾਰਿਆਂ ਨੂੰ ਆਪਣੀਆਂ ਸ਼ੁਭਕਾਮਨਾਵਾਂ ਭੇਜਦੇ ਹਾਂ। ਹੋਲੀ ਬਸੰਤ ਦੇ ਆਗਮਨ ਦਾ ਸਵਾਗਤ ਕਰਨ ਦਾ ਦਿਨ ਹੈ ਅਤੇ ਇੱਕ ਤਿਉਹਾਰ ਹੈ ਜੋ ਬੁਰਾਈ ਉੱਤੇ ਚੰਗਿਆਈ ਦੀ ਜਿੱਤ ਦਾ ਜਸ਼ਨ ਮਨਾਉਂਦਾ ਹੈ।

ਟਰੰਪ ਨੇ ਆਪਣੇ ਸੰਦੇਸ਼ ਵਿੱਚ ਅੱਗੇ ਕਿਹਾ, “ਅੱਜ, ਦੁਨੀਆ ਭਰ ਦੇ ਭਾਈਚਾਰੇ ਰੰਗਾਂ ਦੇ ਇਸ ਤਿਉਹਾਰ ਨੂੰ ਮਨਾਉਣ ਲਈ ਇਕੱਠੇ ਹੋ ਰਹੇ ਹਨ। ਮੈਂ ਅਮਰੀਕਾ ਵਿੱਚ ਹੋਲੀ ਮਨਾਉਣ ਵਾਲੇ ਹਰ ਕਿਸੇ ਨੂੰ ਉਮੀਦ, ਸ਼ਾਂਤੀ ਅਤੇ ਏਕਤਾ ਨਾਲ ਭਰੇ ਦਿਨ ਦੀ ਕਾਮਨਾ ਕਰਦਾ ਹਾਂ।” ਹੋਲੀ ਨੂੰ ਦੁਨੀਆ ਭਰ ਵਿੱਚ “ਰੰਗਾਂ ਦਾ ਤਿਉਹਾਰ” ਵਜੋਂ ਜਾਣਿਆ ਜਾਂਦਾ ਹੈ। ਇਹ ਭਾਰਤ ਵਿੱਚ ਅਤੇ ਦੁਨੀਆ ਭਰ ਦੇ ਭਾਰਤੀ ਭਾਈਚਾਰੇ ਵਿੱਚ ਵੱਡੇ ਪੱਧਰ ‘ਤੇ ਮਨਾਇਆ ਜਾਂਦਾ ਹੈ।ਇਹ ਤਿਉਹਾਰ ਨਵੀਂ ਸ਼ੁਰੂਆਤ, ਸਮਾਜਿਕ ਸਦਭਾਵਨਾ ਅਤੇ ਲੋਕਾਂ ਵਿਚਕਾਰ ਸਬੰਧਾਂ ਨੂੰ ਮਜ਼ਬੂਤ ​​ਕਰਨ ਦਾ ਪ੍ਰਤੀਕ ਹੈ।

Presidential Message on Holi

“Today, as communities gather around the world to celebrate this festival of colors, I wish all Americans who observe Holi a day filled with hope, peace, and unity.” – @POTUS https://t.co/D08eFQA7QY

— Karoline Leavitt (@PressSec) March 4, 2026

ਇਸ ਸਾਲ ਅਮਰੀਕਾ ਵਿੱਚ ਵੀ ਹੋਲੀ ਦੇ ਜਸ਼ਨ ਦੇਖਣ ਨੂੰ ਮਿਲਿਆ ਹੈ।  4 ਮਾਰਚ ਨੂੰ ਨਿਊਯਾਰਕ ਦੇ ਮਸ਼ਹੂਰ ਟਾਈਮਜ਼ ਸਕੁਏਅਰ ਵਿੱਚ ਇੱਕ ਰੰਗੀਨ ਪ੍ਰਦਰਸ਼ਨੀ ਲਗਾਈ ਗਈ। ਨਿਊਯਾਰਕ ਵਿੱਚ ਭਾਰਤ ਦੇ ਕੌਂਸਲੇਟ ਜਨਰਲ ਨੇ ਸੋਸ਼ਲ ਮੀਡੀਆ ‘ਤੇ ਤਸਵੀਰ ਸਾਂਝੀ ਕਰਦੇ ਹੋਏ ਕਿਹਾ, “ਨਿਊਯਾਰਕ ਸ਼ਹਿਰ ਦੇ ਦਿਲ ਤੋਂ, ਅਸੀਂ ਸਾਰਿਆਂ ਨੂੰ ਰੰਗੀਨ ਅਤੇ ਖੁਸ਼ੀਆਂ ਭਰੀ ਹੋਲੀ ਦੀ ਕਾਮਨਾ ਕਰਦੇ ਹਾਂ।”