ਚੰਡੀਗੜ੍ਹ: ਪੰਜਾਬ ਯੂਨੀਵਰਸਿਟੀ ਦੇ ਚੋਣਾਂ ਵਿੱਚ ਅਖਿਲ ਭਾਰਤੀ ਵਿਦਿਆਰਥੀ ਪ੍ਰੀਸ਼ਦ (ਏਬੀਵੀਪੀ) ਨੇ ਪਹਿਲੀ ਵਾਰ ਇਤਿਹਾਸ ਰਚ ਦਿੱਤਾ ਹੈ। ਪ੍ਰਧਾਨ ਦੇ ਅਹੁਦੇ ’ਤੇ ਏਬੀਵੀਪੀ ਨੇ ਪਹਿਲੀ ਵਾਰ ਜਿੱਤ ਹਾਸਲ ਕੀਤੀ। ਗੌਰਵ ਵੀਰ ਸੋਹਲ ਨੇ ਆਪਣੀ ਲੀਡਰਸ਼ਿਪ ਨਾਲ ਇਹ ਸਫਲਤਾ ਪ੍ਰਾਪਤ ਕੀਤੀ। ਗੌਰਵ ਵੀਰ ਸੋਹਲ ਲੁਧਿਆਣਾ ਦੇ ਵਸਨੀਕ ਹਨ।
ਉਥੇ ਹੀ ਮਹਿਰਚੰਦ ਮਹਾਜਨ ਡੀਏਵੀ ਕਾਲਜ ਸੈਕਟਰ 36 ਦੀਆਂ ਚੋਣਾਂ ਵਿੱਚ ਬੀਏ ਤੀਜੇ ਸਾਲ ਦੀ ਵਿਦਿਆਰਥਣ ਅਪਰਾਜਿਤਾ ਬਾਲੀ ਨੇ ਪ੍ਰਧਾਨ ਦਾ ਅਹੁਦਾ ਜਿੱਤਿਆ। ਬੀਏ ਤੀਜੇ ਸਾਲ ਦੀ ਵਿਦਿਆਰਥਣ ਆਰੁਸ਼ੀ ਬਖਸ਼ੀ ਉਪ-ਪ੍ਰਧਾਨ ਚੁਣੀ ਗਈ। ਸਕੱਤਰ ਦੇ ਅਹੁਦੇ ’ਤੇ ਬੀਏ ਦੂਜੇ ਸਾਲ ਦੀ ਵਿਦਿਆਰਥਣ ਓਜਸਵਿਤਾ ਕੌਰ ਦੀ ਜਿੱਤ ਹੋਈ।
ਦੇਵ ਸਮਾਜ ਕਾਲਜ ਫਾਰ ਵੂਮੈਨ ਦੀ ਪ੍ਰਧਾਨ ਵਜੋਂ ਖੁਸ਼ੀ ਚੁਣੀ ਗਈ। ਖੁਸ਼ੀ ਨੇ ਕਿਹਾ, “ਅਸੀਂ ਸਾਰਿਆਂ ਦੇ ਹਾਂ ਅਤੇ ਸਾਰੇ ਮੇਰੇ ਹਨ। ਮੈਂ ਸਾਰਿਆਂ ਲਈ ਕੰਮ ਕਰਾਂਗੀ। ਸਾਨੂੰ ਮਿਲ ਕੇ ਵਿਦਿਆਰਥਣਾਂ ਦੇ ਭਲੇ ਲਈ ਕੰਮ ਕਰਨਾ ਹੈ।” ਚੋਣਾਂ ਵਿੱਚ ਅੰਤਿਕਾ ਉਪ-ਪ੍ਰਧਾਨ, ਹਰਲੀਨ ਕੌਰ ਸਕੱਤਰ ਅਤੇ ਪਰਨੀਤ ਕੌਰ ਸੰਯੁਕਤ ਸਕੱਤਰ ਚੁਣੀ ਗਈ। ਨਵ-ਚੁਣੀਆਂ ਵਿਦਿਆਰਥਣਾਂ ਨੇ ਕਿਹਾ ਕਿ ਅਸੀਂ ਸਾਰੇ ਮਿਲ ਕੇ ਕੰਮ ਕਰਾਂਗੇ।
ਸੈਕਟਰ 26 ਦੇ ਗੁਰੂ ਗੋਬਿੰਦ ਸਿੰਘ ਮਹਿਲਾ ਮਹਾਵਿਦਿਆਲੇ ਵਿੱਚ ਬੀਕਾਮ ਤੀਜੇ ਸਾਲ ਦੀ ਵਿਦਿਆਰਥਣ ਭੂਮੀ ਨੇ ਪ੍ਰਧਾਨ ਦਾ ਅਹੁਦਾ ਜਿੱਤਿਆ।
ਸੈਕਟਰ 11 ਦੇ ਪੋਸਟ ਗ੍ਰੈਜੁਏਟ ਕਾਲਜ ਫਾਰ ਗਰਲਜ਼ ਵਿੱਚ ਬੀਏ ਤੀਜੇ ਸਾਲ ਦੀ ਮਹਕਦੀਪ ਨੇ ਪ੍ਰਧਾਨ ਦਾ ਅਹੁਦਾ ਜਿੱਤਿਆ। ਉਪ-ਪ੍ਰਧਾਨ ਵਜੋਂ ਰਾਧਿਕਾ ਸ਼ਰਮਾ ਅਤੇ ਮਹਾਸਕੱਤਰ ਵਜੋਂ ਮਲੀਹਾ ਸ਼ਰਮਾ ਜੇਤੂ ਰਹੀਆਂ।
ਸੈਕਟਰ 42 ਦੇ ਗਵਰਨਮੈਂਟ ਕਾਲਜ ਫਾਰ ਗਰਲਜ਼ ਵਿੱਚ ਸ਼੍ਰੀਯਾਲ ਚੌਹਾਨ ਨੇ 413 ਵੋਟਾਂ ਨਾਲ ਪ੍ਰਧਾਨ ਦਾ ਅਹੁਦਾ ਜਿੱਤਿਆ। ਜਾਨਕੀ ਰਾਣੀ ਨੇ 290 ਵੋਟਾਂ ਨਾਲ ਉਪ-ਪ੍ਰਧਾਨ ਦਾ ਅਹੁਦਾ ਹਾਸਲ ਕੀਤਾ। ਐਸਡੀ ਕਾਲਜ ਵਿੱਚ ਆਈਐਸਐਫ ਨੇ ਜਿੱਤ ਹਾਸਲ ਕੀਤੀ।
